Kjarninn - 03.04.2014, Blaðsíða 69

02/05 lÍfSStÍll
vísar til þess að verkefnið snýst um undirbúning fyrir
háfjallagöngur í Öræfasveit að vori. Í lok maí ganga þátt-
takendur annaðhvort á Hrútfjallstinda eða Hvannadalshnúk
á Öræfajökli og hafa þá lokið röð undirbúningsgangna ásamt
fræðslu til þess að búa þá undir að takast á við verkefnið.
illa sofnir og spenntir
Að ganga á Hvannadalshnúk er 25 kílómetra dagleið sem
innifelur 2.100 metra hækkun eða þar um bil. Þátttakendur
leggja af stað um miðja nótt, oftast illa sofnir af spennu og
æsingi, og ganga tekur á bilinu 13-16 tíma.
Af sjálfu leiðir að uppistaðan í undir-
búningi fyrir svona verkefni er að ganga
á fjöll. Hægt er að ganga á rúmlega 1.000
metra há fjöll í dagsgöngum frá Reykjavík
og á dagskrá hópsins er einnig ganga á
Eyjafjallajökul, sem er 1.660 metra hár.
En í Esjunni leynist frábært æfinga-
svæði. Blikdalur skerst inn í hálendi
Esjunnar úr vestri og er alllangur. Æfingin
felst í því að ganga upp á Dýjadalshnúk,
sem er fremstur á fjallinu norðan við dalinn, og fylgja síðan
brúnum ofan á fjallinu fram á Kerhólakamb og koma niður
um svokallaðar Smáþúfur. Þetta er að jafnaði greið leið en
hringurinn er 24 kílómetra langur svo þarna geta væntan-
legir Hnúksfarar reynt á eigin skinni hvernig er að ganga
svona langt.
Leið okkar liggur upp vestan við Blikdalsá um jafnt
hækkandi ása um Lokufjall, Hnefa og Melahnúk. Dýjadals-
hnúkur virðist ókleifur séður úr suðri, líkur klettapýramída,
en leiðin liggur norður fyrir hann og þar upp nokkuð bratta
en torfærulausa hlíð.
Þegar lagt er af stað í langa gönguferð er dálítið mikil-
vægt að flýta sér ekki um of. Sígandi lukka er best og
hópurinn sígur jafnt og þétt upp brekkurnar.
Þegar komið er norður fyrir Melahnúk setjast menn og
konur niður og allir setja á sig jöklabrodda og taka sér ísöxi í
„Þegar lagt er af stað í langa
gönguferð er dálítið mikil-
vægt að flýta sér ekki um
of. Sígandi lukka er best
og hópurinn sígur jafnt og
þétt upp brekkurnar.“