Kjarninn - 03.04.2014, Blaðsíða 40

05/08 Stjórnmál
móðir jörð
Gangi svartsýnustu spár eftir verður jörðin vart lífvænleg
við aldarlok vegna hlýnunar af mannavöldum. Heimskautaís
mun bráðna og land sökkva í sæ, aftakaveður bresta oftar á,
skógareldar geisa sem aldrei fyrr. Höf munu súrna, straumar
breytast. Vatn og fæðu mun skorta. Jafnvel þeir svartsýnustu
benda á að enn sé hægt að bregðast við en sannast sagna
gefur saga mannsins á jörðinni ekki endilega tilefni til
bjartsýni. Helsta vonin virðist jafnvel liggja í því að þetta sé
allt svartagallsraus. Það kemur þá í ljós.
mannkyn og alþjóðasamfélag
Þekkingu og tækni hefur aldrei fleygt fram eins hratt og
síðustu áratugi. Hugmyndaríkustu hugsuðum er nær ómögu-
legt að sjá hvað gerist næst. Þeir sem hafa varann á óttast að
valdhafar hafi sífellt betri tök á að fylgjast með fólki. Hinir
bjartsýnu sjá fyrir sér sigra á sjúkdómum og framfarir sem
létta fólki lífið. Víst er að þessi öld verður öld hugvitsins.
Forskot á aðra fæst í tækni og vísindum.
afleiðingar hlýnunar
Jöklar bráðna og yfirborð
sjávar mun hækka með
hlýnun jarðar. Á Íslandi mun
það að öllum líkindum leiða
til þess að Seltjarnarnes verði
eyja og að Kvosin sökkvi.
MyND: AFP