Kjarninn - 01.05.2014, Side 16

06/07 HEilbrigðiSmál
þeirra er fjölmargt að finna sem rennir stoðum undir
áhyggjur Sálfræðingafélags Íslands af stöðu mála.
Þar segir að kvíði sem ekki sé unnið með á æskuárunum
sé líklegur til þess að verða farvegur fyrir þunglyndi og
alvarlegri geðsjúkdóma og í kjölfar efnahagskreppunnar hafi
komið fram sterkar vísbendingar um að tilfinningavandi
barna hérlendis hafi aukist. Samkvæmt bestu mögulegu
þekkingu eigi að bjóða upp á gagnreynda sálfræðimeðferð,
nánar tiltekið hugræna atferlismeðferð, áður en gripið sé til
annarra úrræða eins og lyfjagjafar. Þetta er í samræmi við
áðurnefndar klínískar leiðbeiningar Landspítalans.
Þá segir í þingsályktunartillögunni að sé ekki tekið á
vandanum í barnæsku burðist fólk með hann inn í fullorðins-
árin með alvarlegum afleiðingum fyrir viðkomandi, fjöl-
skyldu og samfélagið í heild sinni.
Í tillögunni segir ennfremur að tæplega 40 prósent þeirra
sem eru 75 prósent öryrkjar hér á landi séu það vegna geð-
raskana. Þá hafi því verið spáð að árið 2020 verði þunglyndi
önnur mesta orsök örorku í heiminum og kostnaður sam-
félagsins vegna bóta, glataðra skatta, óhóflegrar notkunar
á heilbrigðis- og félagsþjónustu, lyfjum og öðru sé gríðar-
legur. Erlendis hafi verið reiknað út að það sé þjóðhagslega
hagkvæmt að ráðast í átak til að sporna við alvarlegum
afleiðingum tilfinningavanda og bjóða upp á bestu mögulegu
meðferð í samræmi við klínískar leiðbeiningar. Með því að
veita börnum, unglingum og fjölskyldum þeirra meðferð í
dag sé unnið gegn framtíðarvanda. Foreldrar séu órjúfan-
legur hluti af lífi barna sinna, og fullorðið fólk snúi hjólum
atvinnu lífsins, og því þurfi samhliða að vinna að sambærilegri
aðgerðará ætlun til þess að auka aðgengi fullorðins fólks að
gagnreyndum sálfræðimeðferðum og bæta geðheilbrigðiskerfi
landsmanna allra með þrepaskiptri nálgun þar sem skimað
verði fyrir vanda og almenn þjónusta veitt í nærumhverfi.
ástæða til hóflegrar bjartsýni
Eins og ofangreind þingsályktunartillaga ber með sér, þá
virðast stjórnvöld vera að opna augun fyrir mikilvægi þess