Kjarninn - 01.05.2014, Qupperneq 35

03/07 dómSmál
mikill áhugi á að eiga fjölmiðlana áfram
Nýja félagið sem keypti fjölmiðlana fékk nafnið Rauðsól ehf.
en því var síðar breytt í 365 miðla ehf. og rekur það í dag
fjölmiðla á borð við Stöð 2, Fréttablaðið, Bylgjuna og Vísi.is
auk fjölda annarra sjónvarps- og útvarpsstöðva. Það er nú að
langmestu leyti í eigu Ingibjargar Pálmadóttur, eiginkonu
Jóns Ásgeirs.
Á þeim tíma sem salan fór fram skuldaði 365 ehf. tæpa sex
milljarða króna og voru 1,5 milljarðar króna á gjalddaga 5.
nóvember 2008. Fyrir hafði legið í meira en ár að nýtt hlutafé
þyrfti til að mæta þessum gjalddaga. Ómögulegt reyndist
hins vegar fyrir hluthafana að útvega sér lánsfé til að standa
við aukninguna. Því blasti við sú staða að ekki væri hægt
að standa við gjalddagann og því gætu kröfuhafar félagsins
leyst það til sín.
Lítill áhugi virtist hins vegar vera hjá meirihluta stjórnar
á því að gefa 365 upp til gjaldþrotaskipta. Þessi í stað var
ákveðið að ráðast í ofangreindar aðgerðir.
laNdsbaNkINN UpplýsIr ekkI UM HVaða UppHæðIr er að ræða
Í svari Landsbankans við fyrirspurn Kjarnans um
málið segir að Landsvaki hafi talið „að með sölu
eigna til aðaleiganda og ráðstöfun söluandvirðis til
greiðslu sumra kröfuhafa hefði kröfuhöfum verið
mismunað og taldi sig geta sótt bætur í hendur
stjórnarmanna Íslenskrar afþreyingar hf. [áður 365
ehf.] og hóf málarekstur vegna þess fyrir dómstól-
um. Vorið 2012 tóku Landsbréf hf. sjóðinn yfir og
voru eftir það með fyrirsvar á kröfunni f.h. sjóðsins.
Ákveðið var að semja um uppgjör hennar í janúar
2013“.
Að mati Landsbankans miðar sáttin að því að
tryggja þeim sem áttu hlutdeildarskírteini í sjóðn-
um sem mestar endurheimtur: „Það var okkar mat
á þeim tíma að við gerðum rétt í að ná þeirri sátt
sem við náðum, enda alls óvíst um niðurstöður
dómsmáls sem byggði á skaðabótakröfu sem engin
fordæmi voru fyrir í íslenskum rétti. Þess utan var
engan veginn sjálfgefið að kröfur hefðu innheimst
að lokinni dómsmeðferð sem hefði getað tekið
nokkur ár. Með þessu fengum við meira fyrir okkar
snúð en aðrir –f.h. eigenda sjóðsins – enda vorum
við einu fulltrúar skuldabréfaeigenda í nefndum
skuldabréfaflokki sem freistaði þess að ná fram
einhverjum rétti á þessum grundvelli.“
Bankinn vill ekki upplýsa hve mikið mennirnir fjórir
greiddu. Í svari hans segir að „við lítum svo á að
upphæðirnar og endurheimtur einstakra eigna í
nefndum sjóði séu á milli okkar og sjóðsfélaganna
og þeir hafa allar upplýsingar eins og vera ber en
okkur beri ekki, né sé það skylt að veita öðrum en
þeim, þær upplýsingar“. Heimildir Kjarnans herma
að upprunaleg krafa Landsvaka í málinu hafi verið
um 130 milljónir króna en að mennirnir fjórir hafi
einungis greitt hluta hennar til að sleppa frá mál-
sókninni. Greiðsla hvers og eins hljóp þó á tugum
milljóna króna.