Framleiðsluuppgjör þjóðhagsreikninga 1973-1978 - 01.10.1982, Page 25

4. Heimildir oq aætlunaraðferðir
4.1 Atvinnuveqaskýrslur Þjóðhagsstofnunar
Af einstökum heimildum við framleiðsluuppgjör
þjóðhagsreikninga eru atvinnuvegaskýrslur Þjóðhagsstofnunar
þær mikilvægustu. Komnar eru út 24 skýrslur í þeim flokki
og er þar að finna skýrslur um eftirtalda atvinnuvegi:
Sjávarútveg, veiðar- og vinnslu
Iðnað
Verslun
Raforkubúskap
Byggingarstarfsemi einkaaðila
Samgöngur
Þjónustu, aðra en opinbera þjónustu
Fyrstu skýrslurnar ná allt aftur til áranna 1968 og
1969 og fyrir alla ofangreinda atvinnuvegi eru nú til
rekstraryfirlit fyrir árabilið 1972-1978. Rekstraryfir1it
þau, sem birt eru í atvinnuvegaskýrslunum, sýna
heildaryfirlit fyrir viðkomandi greinar. Yfirlitin eru
byggð á úrtökum úr ársreikningum fyrirtækja en þessi úrtök
eru síðan færð upp í heildarstærðir á grundvelli skýrslna
frá Hagstofu íslands um slysatryggðar vinnuvikur. Þessum
aðferðum er nánar lýst í viðkomandi atvinnuvegaskýrslum.
Við gerð framleiðslureikninga á grundvelli
rekstraryfirlitanna í atvinnuvegaskýrslunum er nauðsynlegt
að gera ýmsar breytingar á rekstraryfirlitunum og má í því
sambandi vísa til þess sem áður var sagt í grein 3.1 um
mismun framleiðslureikninga og rekstrarreikninga almennt.
Þessu til viðbótar má svo nefna, að skilgreiningu aðfanga og
vinnsluvirðis hefur verið breytt í þessari skýrslu tii
samræmis við SNA. Þannig hafa aðstöðu- og iðnlánasjóðsgjöld
og fasteignagjöld verið talin til aðfanga í
atvinnuvegaskýrslunum en eru nú talin til óbeinna skatta.
Aftur á móti voru leigur taldar hluti af vinnsluvirði í
atvinnuvegaskýrslunum en eru nú taldar til aðfanga.
Oafnframt er launaskattur nú talin óbeinn skattur en hefur
til þessa verið talinn með launum og tengdum gjöldum í
atvinnuvegaskýrslunum. Þessar breytingar á skilgreihingum
valda því, að tölum um aðföng og vinnsluvirði fyrir
einstakar atvinnugreinar ber ekki saman í þessari skýrslu.og
atvinnuvegaskýrslum Þjóðhagsstofnunar fram til ársins 1978.
Ætlunin er að breyta þessu og í þeim atvinnuvegaskýrslum sem
út koma á næstunni og lýsa rekstri ársins 1979 og seinni ára
verða þessar breyttu skilgreiningar teknar upp.
Við gerð framleiðslureikninga hafa einnig verið gerðar
nokkrar fleiri breytingar á rekstraryfir1itunum frá því sem
er í atvinnuvegaskýrslunum. Má þar meðal annars nefna, að
framleiðslustyrkir hafa verið endurskoðaðir og hefur það í
all mörgum tilvikum leitt til breytinga frá því sem er í
atvinnuvegaskýrslunum. Þessi endurskoðun stafar af breyttri
skilgreiningu framleiðslustyrkja og er hinni nýju
skilgreiningu ætlað að falla betur að SNA en verið hefur.