Flóra: tímarit um íslenzka grasafræði - 01.02.1964, Qupperneq 17

Blettir 1—4 eru á Gnúpverjaafrétti. 1 er úr Loðnaveri og er þar
raunar fremur um að ræða fláardæld en eiginlega flóa. 2—4 eru úr hin-
um víðáttumiklu flóasvæðum við Nauthaga. Flóasvæði þessi eru að
verulegu leyti mynduð á sama hátt og flóarnir á Eyjabökkum (Stein-
dórsson 1945 s. 36G), þ. e. undirlagið er árframburður, svo að ekki er
um nokkra mómyndun að ræða. Vatnið er á meiri hreyfingu en ann-
ars er títt í flóanum, svo að hér er um að ræða eins konar millistig flóa
og flæðimýrar. Kemur það einnig frarn í gróðrinum, því að milli brok-
flóa-dældanna er gulstararmýri (Tab. II. 2—3) á lágum rimum. í báð-
um þessum gróðurhverfum helzt hengistörin nálega óbreytt. Klófífan
er ekki eins áberandi hér og annars er venjan í brokflóa, og sums stað-
ar er flötur hengistararinnar stærri en hennar. Mosi er hér einnig meiri
en tíðkast er í brokflóanum, og mómosa (Sphagnum) gætir lítilsháttar.
Hefði því ef til vill verið réttast að tilfæra þetta sem sérstakt gróður-
hverfi. Þessar tvær gróðursveitir, brokflóinn og gulstararmýrin, eru flétt
aðar saman á þessu svæði en mörkin milli þeirra engu að síður víða skýr
með mjóum beltum á milli, sem bera blæ beggja. Þegar horft er yfir
landið sjást litaskiptin milli þessara gróðurhverfa greinilega, annars
vegar hin ljósgræna gulstararmýri, en hins vegar móleitur brokflóinn.
Afstaða gróðursveitanna virtist mér þessi. Um
allt svæðið hríslast grunnar lænur fylltar vatni,
sem er á hreyfingu. Næst lænunum er gulstar-
armýri, síðan millistigsbeltið og brokflóinn
þegar fjær dregur. Mætti ætla að hreyfingin
á vatninu næði ekki þangað, og þá hyrfu flæði-
mýrareinkennin. (2. mynd.)
Blettir 5—7 eru á Holtavörðuheiði. 5—6
eru úr hreinum brokflóa, sem mjög er út-
breiddur þar á heiðinni, en 7 er úr útjaðri
sama flóa nálægt 6. Þar er því nokkru þurr-
ara, enda koma tvær tegundir þurrari svæð-
anna þegar fram í verulegu magni, stinnastör
(Carex Bigelowii) og grasvíðir (Salix herbac-
ca). Hér er því raunverulega að ræða um
millistig milli brokflóa og stinnustararmýrar.
Þetta stinnustarar auðga afbrigði brokflóans er ekki útbreitt á þessum
slóðum, en hins vegar finnst það allvíða til fjalla, þar sem staðhættir
eru líkir. Á Öxnadalsheiði voru að vísu klófífan (E. angustifolinm) og
hengistörin (C. rariflora) drottnandi tegundir bæði í gróðursvip og
fleti, en stinnastör (C. Bigelowii) var áberandi, aðrar tegundir, sem
/
2. mynd. Sociationir i
Nauthaga. — 1 lækur, 2.
Carex Lyngbyei soc., 3
Yfirgatigs sociation, 4
Eriophorum soc.
TÍMAKIT UM ÍSLEXZKA GRASAFRÆÐI - FlÓra 15