Flóra: tímarit um íslenzka grasafræði - 01.02.1964, Blaðsíða 36

23. Stinnustarar-grasviði hverfi (C. Bigelowii-Salix herbacea soc.) (Tab.
V. A-B 6-9 og 21).
Gróðurhverfi þetta ásamt tveimur binum næstu, 24—25, eru út-
breiddustu mýrahverfin um allt miðbálendið og á mótum láglendis
og hálendis um land allt, þar sem mér er kunnugt. Auk einkennisteg-
undanna eru þessar tegundir algengastar: Kornsúra (Polygonum vivi-
parum), klóelfting (Equisetum arvense), beitieski (E. variegatum),
brjóstagras (Thalictrum alpinum) og fjallapuntur (Deschampsia alpina).
Frá undanfarandi hverfi (22) skilur það sig við að hengistör (C. rari-
flora) vantar, og frá henni og 24. hverfi við að grávíði (Salix glauca)
vantar. Hlutföll lífmynda og tegundaflokka eru lík og í 22.
Hverfi þetta finnst ætíð við lík skilyrði. Yfirborðið er allstórþýft,
greinilega hallandi og tiltölulega þurrt. Mosi er ætíð mikill. Þar sem
þurrast er vex Rhacomitrium, en mómosa (Sphagnum) gætir nokkuð á
blautustu blettunum. Oft er gróðurmunur þúfna og iauta, mosinn er
einkum í þúfunum en háplönturnar þéttastar í lautunum. Snjór mun
sums staðar vera alldjúpur í hverfi þessu, þótt ekki komi Jrað fram í
gróðurblettum þeim, sem greindir hafa verið, en liins vegar finnast
snjódældaplöntur svo sem fjalladepla (Veronica alpina) og fjallafox-
gras (Phleum commutatum) alloft í hverfi þessu.
Sérstaklega ber að geta um blett 21, sem er í Egilsáfanga á Kalda-
dal. Liggur hann í mýrarjaðri, og er afstöðu gróðurfélaganna lýst við
hverfi 19 og 3. mynd. Þarna er svo mikill Rhacomitrium, að hann mun
þekja nær 40% af yfirborðinu. Þá er móasef (Juncus trifidus) áber-
andi, og bendir þetta á, að liér sé millistig mýrar og heiðar. Hinir blett-
irnir allir eru frá Holtavörðuheiði og austurhlíð Tröllakirkju í 400—
500 m ha^ð. í 6 var mikill mómosi (Sphagnum), í 8 gætti kornsúru veru-
lega í gróðursvip. Hverfið er útbreitt í höllum og hlíðum á þessum
slóðum.
24. Stinnustarar-gráviði hverfi (C. Bigelowii-Salix glauca soc.) (Tab.
V. A—B 10-14).
Athuganirnar eru frá Bárðdæla- og Gnúpverjaafréttum, eða bæði
frá norður- og suðurhálendinu, og frá misháum stöðum. Hverfið er
yfirleitt útbreitt um allt miðhálendið, og er surns staðar erfitt að greina
það frá undanfarandi hverfi 23. Stundum verður og erfitt að greina
milli þess og heiðar-hverfanna.
Auk einkennistegundanna eru helztu tegundirnar: Klóelfting
34 Flóra - tímarjt um íslenzka grasai'ræði