Flóra: tímarit um íslenzka grasafræði - 01.02.1964, Síða 38

berjalyng (Vaccinium ulignosum), hálmgresi (Calamagrostis neglecta)
og beitieski (Equisetum variegatum), surns staðar gætir mýrastarar (C.
nigra) og klófífu (Eriophorum angustifolium) allmikið. í einum blettin-
um verður hengistör (C. rariflora) meðal ríkjandi plantna. Þá er fjall-
drapi (Betula nana) áberandi í sumum blettunum, en hann hefur naum-
ast sézt hér í öðrum hverfum stinnustararmýrarinnar. Ch ná hér há-
marki í stinnustararmýrinni, en G% er aftur öllu lægst hér. Þar sem
hverfi þetta finnst er allraklent og hallalítið.
Athugunarblettir 15—16 eru frá Fljótsheiði. Þar er mjög smáþýft,
en mosi er mikill einkum mómosi (Sphagnum), eru þúfurnar að mestu
úr honum. Innan um stinnustararmýrina eru víða dældir, þar sem kló-
fífa (Eriophorum angustifolium) og tvíbýlisstör (C. dioica) eru drottn-
andi. Blettir 17—18 eru úr Öxnadal. 18 er úr mýrarbletti, sem upp-
sprettulind fellur um. Næst læknum, þar sem blautast er, er hreint
stinnustarar-hengistarar hverfi. 19 er frá Sellandagróf inn af Mývatni.
Þar ríkir fjalldrapi (Betula nana) og loks er blettur 20 úr Grafarlönd-
um vestri, á þýfðara og blautara svæði en hinir blettirnir.
D. Jaðar. (The moorborder vegetation)
Jaðar er millistig mýrar og þurrlendis, en að gróðri þó að jafnaði
skyldari mýrlendinu.
Á svæðum þeim, sem hér er ljallað um, hef ég einungis athuganir
á jaðri frá Kili. Ekki er þó svo að skilja, að gróðurlendi þetta finnist
ekki á hinum svæðunum, en þó má geta þess, að hrossnálar-jaðar er
sjaldgæfur á þeim öllum.
26. Krummalyngs-bláberfalyngs-stinnustarar hverfi (Empetrum herm-
afroditum-Vaccinium uliginosum-Carex Bigelowii soc.) (Tab. VI. A—B
1-2).
Hverfi þetta finnst allvíða á Kili og eins í lægri hálendissvæðum,
þar sem mætast krummalyngsheiði og stinnustararmýri. Mjög skyldu
ef ekki nákvæmlega sama gróðurhverfi hef ég lýst á Melrakkasléttu
(Steindórsson 1936 s. 451). Þó er sá munur, að þar er fjalldrapi áber-
andi tegund, en hann vantar hér. Auk einkennistegundanna er all-
mikið af hálmgresi (Calamagrostis neglecta), kornsúru (Polygonum vivi-
parum), grasvíði (Salix herbacea), klóelftingu (Equisetum arvense) og
túnvingli (Festuca rubra). Sums staðar er mikið af grávíði (Salix glauca)
36 Flóra - tímarit um íslenzka grasafræði