Flóra: tímarit um íslenzka grasafræði - 01.02.1964, Side 100

þess, að að Stefán átti talsverðan þátt í stofnun Lystigarðsins, og mun hafa ráðið
því, að honum var valinn staður rétt sunnan við skólahúsið mikla og fagra, sem
hann hafði látið reisa á Suðurbrekkunni. Þess var áður getið, að Jón Rögnvaldsson
var lærisveinn Stefáns. Það má því segja að andi Stefáns svífi hér yfir vötnunum.
Oþarft er að fjölyrða um gildi grasgarðsins fyrir almenning. Grasgarðurinn er
mikið augnayndi fyrir þá, sem hafa augun opin fyrir plöntum og gróðri. Má og
vera, að hann geti opnað augu þeirra, sem enn eru blindir. Þar má læra mikla
grasafræði á stuttri stund, því allar tegundir eru kyrfilega merktar með spjöldum,
þar sem á er ritað hið fræðilega nafn tegundarinnar og íslenzkt heiti ef til er.
Hitt er þó ekki minna um vert, að garðurinn hefur mikið fræðilegt eða vísinda-
legt gildi, ekki sízt fyrir íslenzka grasafræði. Henni er grasgarðurinn ómetanlegt
hjálpargagn, og á þó eftir að verða það í enn ríkara mæli.
Grasgarðurinn er lifandi plöntusafn, og því á vissan hátt, miklu betri en safn
dauðra og pressaðra plantna. í garðinum er hægt að skoða plöntuna á öllum
þroskastigum og fylgjast með vexti hennar frá ári til árs. Allur afbrigðileiki, sem
plantan kann að hafa haft, vegna vaxtarstaðar síns, hverfur fljótlega í ræktuninni.
Tveir plöntueinstaklingar, sem í fljótu bragði kunna að virðast frábrugðnir hver
öðrum, geta þvi eftir nokkurra ára ræktun í garðinum orðið næstum eins. En það
öfuga getur einnig gerzt, nýr mismunur getur komið í ljós, sem réttlæti skiftingu
tegundarinnar. Allt er þetta mikilvægt í sambandi við skiftingu plantnanna í teg-
undir, deilitegundir og afbrigði.
Margar rangar nafngreiningar á plöntum eiga rætur sínar að rekja til þess, að
greint var eftir fáum og lélegum herbariumeintökum. Hin þurrkuðu plöntusöfn eru
að vísu nauðsynleg, og hið lifandi safn getur aldrei komið fyllilega í þeirra stað, en
bezt er að livorttveggja sé, enda styrkja þau hvort annað.
98 Flóra - tímarit um íslenzka grasakræöi