Dagblaðið Vísir - DV - 17.08.2007, Síða 21

Þrjú „B“ og fjórir „#“
Þrjú „B“ og fjórir „#“ er yfirskrift stofutónleikanna á Gljúfra-
steini á sunnudaginn. Peter Máté mun setjast við flygilinn og
flytja verk eftir Bach, Beethoven og Brahms. Tónleikarnir eru
næstsíðustu stofutónleikar sumarsins og hefjast klukkan 16.
DV Menning föstudagur 17. ágúst 2007 21
Austurrískur
kammerkór
Austurríski kammerkór-
inn Cantus Hilaris syngur á
fernum tónleikum á Íslandi
um helgina. Kórinn var stofn-
aður 1995 af nemendum
Antons Steingrubers, sem
er vel kunnur meðal tónlist-
arfólks hér á landi, og hefur
getið sér gott orð fyrir flutning
á fjölbreyttri tónlist. Fyrstu
tónleikarnir eru í Kristskirkju í
kvöld kl. 20, á morgun kemur
kórinn fram á Menningarnótt,
á sunnudag verða tónleikar í
Langholtskirkju kl. 17 þar sem
kór Langholtskirkju verður
gestakór og á mánudag mun
kórinn svo syngja í Skálholti
kl. 20.
Frumflutningur
á Handel-verki
Óratórían Ísrael í Egypta-
landi eftir Handel verður
frumflutt á Íslandi í Skálholts-
dómkirkju í dag og endurflutt
í Hallgrímskirkju á sunnudag-
inn. Verkið, sem er vinsælasta
óratóría Handels að Messíasi
undanskildum, verður flutt á
barokkhljóðfæri. Hinn marg-
rómaði Robin Blaze kontrat-
enór, sem er á meðal fremstu
flytjenda barokktónlistar
í heiminum í dag, syngur
einsöng í óratoríunni ásamt
félögum úr kammerkórnum
Schola cantorum. Alþjóðlega
barokksveitin í Haag leikur
verkið á upprunaleg barokk-
hljóðfæri og stjórnandi er
Hörður Áskelsson.
Ljóðalestur á Austurvelli
Útgáfu- og skáldahópurinn Nykur stendur fyrir ljóðadagskrá á
Austurvelli kl. 22 til 23 á Menningarnótt. Níu skáld ætla þar að lesa
ljóð: Andri Snær Magnason, Davíð Stefánsson, Emil Hjörvar Petersen,
Kári Páll Óskarsson, Toshiki Toma, Sigurlín Bjarney Gísladóttir,
Arngrímur Vídalín, Andri Örn Erlingsson og Nína Salvarar.
að gera þetta smádramatískt. Annars
er þetta á allt of miklu frumstigi til að
hægt sé að sjá nákvæmlega hvern-
ig þetta verður vegna þess að leikar-
ar, leikstjóri og leikmyndahönnuður
gera svo mikið fyrir leikrit. Það sem
ég geri er að gera beinagrind og svo
er erfitt fyrir mig að sjá hvernig kjöt-
ið og innyflin verða utan á þessari
beinagrind. Hins vegar hef ég starf-
að með Stefáni Jónssyni (leikstjóra)
tvisvar áður og er því öruggur um að
það sem ég vil sjá úr þessu verði að
veruleika.“
Þú fékkst Grímuna sem besta leik-
skáld ársins fyrir Forðist okkur, en
ekki fyrir Leg. Var það ekki svolítið
skref niður á við?
„Já, mér fannst það mikil von-
brigði,“ segir Hugleikur og hlær. „Ég
var búinn að ákveða að verða mjög
tapsár ef ég myndi ekki vinna leik-
skáldsverðlaunin annað árið í röð.
En síðan átti ég mjög erfitt með að
vera tapsár því Benedikt Erlingsson
vann þau og mér fannst hann eiga
þau skilið.“
Þú ert farinn að vera með stykki á
fjölum stóru leikhúsanna á hverju ári.
Hvernig er það?
„Ég er ennþá að finna mig í því
í rauninni. En mér líður vel þar og
það virðast allir bera þó nokkra virð-
ingu fyrir því sem ég geri. Fyrir svona
þremur árum bjóst ég alls ekki við
að ég færi einhvern tímann að skrifa
leikrit. Það er þó eitthvað sem móðir
mín hefur gert þannig að ég hef það
hálfpartinn frá henni.“
Undarleg verkefni
Er mikill munur á leikskáldinu
Hugleiki og myndasöguhöfundinum
Hugleiki?
„Ekkert rosalega, held ég. Þótt
það sé mjög ólíkt að gera myndasög-
ur og að skrifa leikrit, að því leyti að
myndasögugerðin er sjálfhverf og
alveg undir mér komin en leikrit er
samvinnuverkefni, þá er þetta hvort
tveggja sviðsetning. Þegar ég teikna
myndasögur er ég að setja atburði á
svið. Sviðið er ramminn og svo eru
persónurnar teiknaðar þarna inn
ásamt öllu því sem gerist. Síðan þeg-
ar maður gerir leikrit, þá skrifar mað-
ur það sem á gerast og svo sjá allir
aðrir um galdurinn.“
Sérðu fyrir þér að halda ótrauð-
ur áfram í myndasögunum óháð því
hvort þú gætir haft meira en nóg fyrir
stafni í leikhúsinu?
„Já, ég ætla alltaf að vera í mynda-
sögunum. Og leikhúsinu líka ef það
verða örlög mín. En eins og ég bjóst
aldrei við að skrifa leikrit þá getur ver-
ið að ég fái einhver ný verkefni sem
ég bjóst aldrei við að fá upp í hend-
urnar. Maður veit ekkert hvað gerist
næst og oft fær maður voðalega und-
arleg og sérstök verkefni upp í hend-
urnar. Og ég segi já eða nei eftir því
hvort ég þurfi pening eða ekki og eftir
því hvort það muni líta skemmtilega
út á ferilskránni.“
Í öllum bókunum þínum er for-
máli eftir rafvirkjann Friðrik Sólnes.
Af hverju?
„Það var þannig að áður en þetta
byrjaði allt saman var ég búinn að
gera fullt af svona spýtukallabrönd-
urum á blaði. Ég gerði hins vegar
ráð fyrir að það myndi enginn vilja
gefa þetta út því þetta eru beisiklí illa
teiknaðar myndasögur. Það var líka
eiginlega enginn markaður fyrir ís-
lenskar myndasögur á Íslandi þannig
að mér datt ekki í hug að fara með
þetta til útgefanda. Ég og Sjón höfð-
um líka haft hugmynd að mynda-
sögubók töluvert áður en þetta var og
hann sagði þá að enginn myndi vilja
gefa þetta út. Ég ákvað því að prófa
að gefa út sjálfur og einu sinni þeg-
ar ég var á leiðinni heim úr bíói með
Friðriki sagði ég honum að ég ætl-
aði að gera þessa bók. Þá sagði hann:
„Ókei, þá kannski skrifa ég bara for-
málann.“ Hann tók það verkefni því
eiginlega að sér án þess að ég hefði
beðið hann um það, og ég bannaði
honum það ekkert. Nú, hann skrifaði
þennan formála - og það eldsnöggt -
og vegna þess að þessi litla bók, sem
hét Elskið okkur, virtist virka og gaf
mér smápening í aðra hönd þá ákvað
ég að gefa út aðra bók um næstu jól.
Friðrik skrifaði líka formálann að
henni þannig að þetta varð svolítið
samvinnuverkefni. Hann átti alltaf
þetta í bókinni sem gerði að verkum
að hann keyrði mig stundum á milli
staða eða upp í prentsmiðju.“
Friðrik segir í formálanum að nýj-
ustu bók þinni, Ókei bæ!, að þú gerir
að umfjöllunarefni þínu „gagnsleysi
hins goðsagnakennda frjálsa vilja
andspænis óæðri hvötum og óreiðu
höfundar og heimsins alls“. Ertu sam-
mála þessu?
„Já, ég er eiginlega bara sammála
þessu. Ég gæti allavega ekki orð-
að þetta betur. Af þeim greiningum
sem ég hef fengið í gagnrýni og ann-
arri umfjöllun finnst mér alltaf hans
greining á því sem ég er að gera lang-
skemmtilegust. Stundum segir hann
líka eitthvað sem myndi teljast vit-
leysa en ég ritskoða hans formála
engan veginn. Þessir formálar eru
því oftast nær blanda af sannleika og
súrrealisma.“
Ekki moldríkur
Eins og minnst var á í upphafi kom
bók Hugleiks, Should You Be Laughing
at This? - sem er þýðing hans á Forðist
okkur - út á vegum Penguin síðastlið-
ið haust. Blaðamanni leikur forvitni á
að vita hvernig hún hefur selst.
„Talan sem ég heyrði af fyrir síð-
ustu jól var 16 þúsund eintök og mér
skilst að hún hafi haldið áfram að selj-
ast, allavega nógu vel til að þeir vildu
gefa út aðra bók,“ segir Hugleikur en
bókin hefur verið seld í Bretlandi, Ír-
landi, Suður-Afríku og Ástralíu. „Síð-
an hefur hún kannski laumast í bóka-
búðir annars staðar á hnettinum. Hún
kemur svo út í Bandaríkjunum í haust
og það verður athyglisvert að sjá hvers
konar viðbrögð hún fær þar. Einnig er
ætlunin að gefa hana út í Finnlandi,
Noregi, Þýskalandi, Ítalíu og Tékk-
landi, að ég held, með haustinu. Ég
er einmitt á leiðinni til Finnlands í
næstu viku til að kynna hana þar.“
Íslendingar eru alltaf áhugasam-
ir að heyra hvort Pétur og Páll séu að
verða ríkir af hinu og þessu. Eru ein-
hverjir peningar í þessu?
„Ég lifi á þessum bókum og leik-
ritunum, en ég er ekki ennþá orðinn
moldríkur. Ég held að það gerist hægt
í þessum bókabisness.“
Að strætóauglýsingunum. Hafði
auglýsingastofan bara samband við
þig og bað þig um að gera myndasög-
ur sem gerðust í strætó?
„Já, og það var fyrst og fremst sú
staðreynd að þetta snerist um að hafa
ókeypis í strætó sem gerði að verkum
að mér fannst þetta verðugt verk-
efni. Þeir höfðu í rauninni grunn-
hugmyndina, að ég myndi gera ein-
hverjar sögur um vináttu í strætó. Ég
fyllti því í rauninni í eyðurnar sem ég
fékk.“
Ég hef heimildir fyrir því að það
hafi verið smástress með hvort allar
myndirnar kæmust í gegnum ritskoð-
un borgarstjóra, sérstaklega ein mynd
þar sem kemur fyrir orðið „trekantur“.
Kannastu eitthvað við það?
„Nei, ég var ekki búinn að heyra af
þessu. En ef það var stress, þá hefur
það verið að ástæðulausu því ég hef
séð þær auglýsingar einhvers staðar.“
Styrkur til kvikmyndahandrits-
skrifa
Ég veit að þú ert mikill kvikmynda-
áhugamaður, varst meðal annars
kvikmyndagagnrýnandi hjá Tvíhöfða
á sínum tíma. Er ekkert kvikmynda-
handrit í vinnslu hjá þér?
„Ég fékk styrk til að skrifa kvik-
myndahandrit sem byggt er á Forðist
okkur leikritinu. Það er hins vegar allt
á byrjunarstigi. Ég er búinn að setja
ýmsar hugmyndir á blað og svoleiðis
en vinnan sjálf er ekki hafin, enda er
ég ekki ennþá búinn að skrifa undir
neinn samning,“ segir Hugleikur en
styrkurinn fékkst í gegnum Blueeyes
Productions, fyrirtæki Baltasars Kor-
máks.
Eins og þú sagðir hefur mamma
þín (Ingibjörg Hjartardóttir rithöf-
undur) skrifað leikrit, og hún hef-
ur líka skrifað skáldsögur. Finnurðu
einhverja löngun hjá þér til að skrifa
skáldsögu?
„Myndasögurnar eru mínar skáld-
sögur. Ég veit að það er hollt að fikta
í öðrum formum og ef ég treysti mér
einhvern tímann til þess að skrifa
skáldsögu án mynda, þá geri ég það.
En það er ekki að fara að gerast strax,“
segir Hugleikur að lokum. Þess má
geta að hann ætlar að rappa ásamt
Þormóði bróður sínum, trommuleik-
ara Jeff Who?, í Borgarbókasafninu á
Menningarnótt. Þeir hyggjast koma
fram undir listamannsnöfnum sín-
um; Þormóður er Morðóður, Hug-
leikur er Flugveikur.
kristjanh@dv.is
Ætla alltaf
að vera í myndasögunum
myndasögur
Úttekt á
gamla Íslandi
„Eins og ég er að
skrifa það núna
gerist leikritið í
baðstofu árið
1886 og er
nokkurs konar
mín úttekt á
Íslandi í gamla
daga.“
50%
alveg ágætis tilboð
Nýir áskrifendur fá DV frítt í ágúst og borg
a
aðeins 2.995 kr. fyrir september og októb
er.
Gangtu frá áskrift með því að hringja í sím
a
512 7080, senda póst á askrift@dv.is,
senda sms skilaboðin „ja dv“ í 821 5521
eða með því að fara inn á www.dv.is
afsláttur af áskrift!