Dagblaðið Vísir - DV - 17.08.2007, Síða 27

DV Helgarblað föstudagur 17. ágúst 2007 38
„Menningarnóttin er orðin skemmtun fyrir
fólk sem kemur vanalega ekki í miðbæinn,“ seg-
ir Gabríela Friðriksdóttir myndlistarkona um þýð-
ingu Menningarnætur fyrir borgarlífið. Hún segir til-
gang hátíðarinnar hafa breyst örlítið og bendir á að
nú séu íbúar í Þingholtunum hvattir til þess að bjóða
fólkinu úr úthverfunum í vöfflur á menningardag. Sjálf
segist hún fá á tilfinninguna að fólk sé að kíkja á það
hvernig fólk í miðborginni lifi og dafni í hinu hverdags-
lega amstri.
„Miðbærinn er að verða að eins og Árbæjarsafn
framtíðarnnar,“ segir Gabríela um stöðu miðbæjarins
og líkir hún því við að fólk komi á Menningarnótt og
gægist inn í þennan skrýtna heim líkt og þau séu að
skoða fornminjar.
Myndlist krefst tíma
Að sögn Gabríelu þjónar Menningarnótt frekar
hagsmunum tónlistarmanna heldur en myndlistar-
manna. Hún bendir á að það sé frábært tækifæri fyrir
fólk að koma í miðbæinn og hlýða á fjölbreytta tónlist
sem nær til almennings. Einnig að tónlistarmenn geti
varla fengið annað eins tækifæri yfir árið þar sem tugir
þúsunda flykkist niður í bæ til þess að hlýða á uppá-
haldshljómsveitina sína eða þá bara uppgvöta eitthvað
nýtt.
„Myndlistin er þó oftar en ekki þeirri gáfu gædd að
fólk verður að taka smá tíma til þess að njóta hennar,
segir Gabríela um ólíkt hlutskipti listanna Hún sé ekki
eins og lag sem er sungið í þrjár mínútur og svo geti fólk
haldið áfram. Hún krefst þess að fólk staldri ögn við og
oft er hún ekki aðgengileg fyrir alla.
Flugeldasýningin sú sama
„Dagskrá Menningarnætur er miðar við að reyna
að geðjast öllum,“ segir Gabríela og segir slíkt hið besta
mál. Hún segir hátíðina til þess fallna að laða sem flesta
að skemmtunum miðbæjarins og allir geti fundið eitt-
vað við hæfi.
Aðspurð hvort Menningarnóttin sé að missa marks
segir hún svo ekki vera. „Það hafa alltaf verið flugelda-
sýningar,“ segir hún og bendir á að það eina sem hafi í
rauninni breyst sé umgjörðin sjálf. Einu sinni var hún
lítil hátíð þar sem nokkrir mættu og drukku í sig menn-
ingu, í dag koma tugþúsundir. Gabríela fagnar því jafn-
framt að Menningarnótt sé að taka yfir fánadaga eins
og 17. júní og aðra slíka helgidaga.
Umdeildur gjörningur
„Ég man eftir því að ég horfði á gjörning sem Ásdís
Sif Gunnarsdóttir framkvæmdi eitt sinn á Menning-
arnótt,“ segir Gabríella um eftirminnilegustu nóttina
sína. Hún segir gjörninginn hafa verið tröllaukinn og
finnst henni persónulga hann vera einn besta gjörning
sem framinn hefur verið hér á landi fyrr og síðar. Hún
segir fólk þó hafa verið afar tvístígandi varðandi hann
en hún heyrði oft fólk spyrja í miðjum gjörningnum
hvenær hann myndi byrja.
„Það voru líka tveir leikarar við hliðina á mér, þeir
sögðu þetta vera eitthvað allt annað en gjörning og
þeir myndu aldrei gera slíkt,“ segir Gabríella og árétt-
ar að hættan við að flytja slíkt verk á Menninganóttu sé
einmitt það að hópurinn meðtekur ekki alltaf það sem
listamaðurinn gerir.
Passar ömmubarnið
„Ég fer ekki niður bæ, ég er orðinn amma og verð
að passa um kvöldið,“ segir Gabríela og segist ekki sjá
eftir því. Hún segist ætla að hlusta á fjarlægan óminn
í tónlistinni og fólkinu í gegnum rifu á svefnherberg-
isglugganum. Hún segist ekki heldur ætla að baka vöf-
flur fyrir gesti og gangandi sem vilja sjá hið nýja Árbæj-
arsafn. Hún hefur verið ansi upptekin undanfarið við
undirbúning á sýningu sem hún hyggst halda í haust
í Berlín. „Ég er í svolítið einangruðu mengi þessa
dagana,“ segir hún að lokum.
valur@dv.isM
enn
ing
arn
ótt
20
07
DV ræðir við lista- og menningarspírur um kosti og galla Menn-
ingarnætur í Reykjavík. Viðmælendurnir segja frá forvitnilegum
upplifunum á Menningarnótt ásamt því að lýsa skoðunum sínum
á því hvort skemmtanir í kjölfar viðburðarins séu farnar úr
böndunum. Nóttin snýst að sumu leyti um samkennd og kærleika
að mati Ellenar Kristjánsdóttur.
KÆRLEIKUR Á
MENNINGARNÓTT
Gabríella Fr
iðriksdóttir