Félagsbréf - 01.07.1958, Page 41

BÆKUR
HEIMURINN OKKAR. Saga
veraldar í máli og myndum.
Þýðandi Hjörtur Halldórsson,
menntaskólakennari. Bókin er
300 bls. í mjög stóru broti með
363 myndum, þar af 298 lit-
myndum, og er margt heilsiðu-
mynda. Setningu og prentun
lesmáls annaðist J. H. Schultz,
Kaupmannahöfn, en Siid-
deutsche Verlagsanstalt und
Druckerei, Ludwigsburg, sá
um prentun mynda. Útgef-
andi: Almenna bókafélagið,
Reykjavík. Útgáfuár 1957.
NDA þótt við íslendingar gefum
árlega út bækur í tugatali, þá
er venjan sú, að fáar einar þessara
bóka eru þess virði, að eyðandi sé
tíma í lestur þeirra. Ég hygg það
því umtalsverðan atburð í bókaheimi
liðins árs, þegar Almenna bókafélag-
ið réðst í útgáfu á bók eins og Heim-
inum okkar, sem réttilega mætti kalla
bók bókanna. Hún er í raun réttri
heilt bókasafn, sem hægt er að lesa
dag eftir dag og viku eftir viku án
þess að láta sér leiðast. Hún er hand-
bók um hina sýnilegu tilveru — gam-
all og nýr fróðleikur um sigurverk
ómælisgeimsins, en sér í lagi um þró-
un jarðar og þess lífs, sem hún hefur
borið á brjóstum sér frá fjærstu
tímum. Bók þessi er þýdd og heitir
á frummálinu: The World We Live
in, þ. e. sá heimur, sem vér byggjum.
Ég hygg, að það sé ekki ofmælt, þó
ég segi, að naumast ein af hverjum
þúsund mannverum þessarar jarðar,
hafi gert sér far um að kynnast
nokkuð til hlítar „þessum heimi“ —
þeim jarðvegi, sem þær eru vaxnar
úr. Við mennirnir lítum á okkur í
dag sem herra jarðarinnar og erum
það sennilega. En stjórnartími okkar
hefur ekki verið langur. Fyrir milljón
árum var ekki þumlungur lands í
okkar eigu. Þá voru það spendýrin,
sem réðu ríkjum, en þau komu á
eftir hinu ægilega einveldi skriðdýr-
anna. Þannig hefur háþróun hvers
tímabils jarðsögunnar ráðið yfir
þessari jörð frá örófi alda. Er þá
ekki líklegt, að framtíðin beri í skauti
sínu nýjar verur af nýrri gerð, sem
taki völdin í sínar hendur að lokinni
háþróun nútímamannsins.
Það getur ekki hjá því farið, að
við verðum okkur þess meðvitandi við
lestur bókarinnar Heimsins okkar,
hve smá og vanburða við erum í raun
og veru, þegar við í huganum stönd-
um andspænis hinum ægilegu bylt-
ingum á sköpunarferli jarðar og
þeám stórfengleik, er birzt hefur í
hinum fjölþættu lífsgervum hennar.
Og þar að auki er þessi margumtal-
aða jörð ekkert annað en smásær
depill meðal milljóna hnatta, sem
þjóta um ómælisvíddir geimsins.