Dagblaðið Vísir - DV - 12.10.2007, Blaðsíða 20

Föstudagur 12. október 200720 Umræða DV
Stjórnmálamenn
útdeildu peningum
„Ég er fréttafíkill og fylgist með flestu.
Þetta hitaveitumál er náttúrulega stór-
kostlegt. Það er ekki hægt að segja annað
um hvernig sumir menn hafa komið fram.
Þetta er bara hlægilegt. Þessir stjórnmála-
menn virðast hreinlega hafa útdeilt pen-
ingum til ákveðinna manna. Forystan í
Reykjavík hefur staðið sig hræðilega. Það er
auðvitað gott fyrir mig sem Hafnfirðing að
segja það. Það hefur yfirleitt verið þannig
með þessa háu herra í þessu landi að það
er sama hvað gengur, þeir standa alltaf
bísperrtir. Það er frekar að athafnir þeirra
bitni á skúringakonunum.
Hjá mér persónulega bar það auðvitað
hæst að ég hætti sem þjálfari FH á mið-
vikudag. Ég hafði verið þar í fimm ár og
það gekk mjög vel. Mér finnst hins vegar
að það sé kominn tími til að leyfa nýjum
mönnum að spreyta sig með liðið. Nú held
ég bara áfram að sinna minni vinnu. Það er
ekkert fram undan í fótboltanum annað en
að vera áhugamaður eins og annað fólk og
fylgjast með fótboltanum.“
Ólafur Jóhannesson,
fyrrverandi þjálfari FH
Hlýnar á Mars
„Mestu fréttirnar hljóta að vera að borg-
arstjórnarmeirihlutinn er fallinn. Maður
hefur horft á þessa atburðarás furðu lostinn
án þess að átta sig alveg á henni. Ég held að
það hljóti að bera hæst.
Ég sjálfur hef ég auðvitað bara verið að
sinna minni kennslu og grúska. Eitt af því
sem ég hef mikinn áhuga á eru loftslags-
mál. Ég hef verið að velta því fyrir mér að
hvaða leyti hlýnun jarðar sé af mannavöld-
um og hvað sé hægt að gera til að sporna
við henni.
Nýjustu fregnir herma að það sé farið að
hlýna á Mars og ekki er það af mannavöld-
um. Þetta er því allt hið fróðlegasta.
Í þriðja lagi hef ég fengið óskaplega góð-
an mat í vikunni. Ég fór í kvöldverðarboð
til vinar míns sem er kokkur í frístundum
en starfar annars sem kaupsýslumaður. Þar
fékk ég gómsæta lúðu.
Þetta er það þrennt sem bar hæst og sýn-
ir auðvitað hvað mitt líf er viðburðalítið.
Ég er annars vegar áhorfandi að stjórn-
málunum og hins vegar að grúska uppi í
háskóla. Síðan laumast ég stundum í mat-
arboð.“
Hannes Hólmsteinn Gissurarson,
stjórnmálafræðingur
Sjálfstæðisflokkurinn
kokkálaður
„Ég er ákaflega ánægð að vita að al-
menningur getur hreyft við valdhöfunum.
Mér kom það ákaflega á óvart að borgar-
stjórnarmeirihlutinn skyldi springa. Það
eru töggur í Birni Inga. Voru það ekki sjö
manns sem kusu hann?
Í framhaldinu hlýtur maður að spyrja
sig hvort þetta hafi áhrif á stjórnarsamstarf-
ið. Nú stýra auðvitað Samfylking og Sjálf-
stæðisflokkur landinu og Samfylkingin var
þarna að stinga undan sjálfstæðismönnum.
En ég er ákaflega ánægð að finna að
reiðin í samfélaginu hafði áhrif. Ég var farin
að halda að valdhafarnir væru orðnir allt of
vanir því hversu fljótt Íslendingar gleyma
og að engar breytingar yrðu á stjórnar-
háttum í borginni. Mér finnst þetta mjög
gaman og ég eygi von. Þó er auðvitað alveg
óljóst hvernig þetta fer allt saman.
Það verður spennandi að fylgjast með
því hvernig kokkálaður Sjálfstæðisflokkur-
inn í borginni ætlar að taka á framhjáhald-
inu. Þetta verður eflaust fínasta sápuópera.“
Björk Jakobsdóttir,
leikkona
Virðingarleysi
gagnvart kjósendum
„Auðvitað þótti mér, eins og sjálfsagt
þjóðinni allri, klúðrið með Reykjavik Energy
Invest vera mest áberandi. Það sem stendur
upp úr í þessu öllu saman er sú vanmáttar-
tilfinning sem ég upplifi gagnvart stjórnmál-
unum. Þetta er þannig að á fjögurra ára fresti
fáum við tækifæri til þess að krossa á blað
og svo verðum við bara að þegja og reyna að
treysta á það að fögru loforðin verði haldin.
Ég fæ ekki betur séð en að það sé græðgin
sem þarna ræður för. Að því leytinu til er ég
skoðanabróðir Yoko Ono, sem telur að friði
í heiminum stafi mest hætta af græðginni.
Hingað til hef ég getað gengið að kalda vatn-
inu í krananum sem vísu, án þess að greiða
fyrir það stórfé. Í mínum augum lítur þetta
út fyrir að með tíð og tíma muni einhver geta
gert sér kalda vatnið að féþúfu, sem hingað
til hefur verið eign þjóðarinnar, alveg frá
upphafi.
Mér þykir nú vera kominn tími til þess
að fólk staldri við og geri sér far um að bera
virðingu fyrir náunganum, náttúrunni og
kjósendunum.“
Páll Óskar Hjálmtýsson,
skemmtikraftur
HVAÐ BAR HÆST í Vikunni?