Fréttatíminn - 04.04.2014, Blaðsíða 22

KRINGLUNNI OG SMÁRALIND VEROMODAICELAND|
WP SOFI STRAP TOPPUR
4990
HONEY HEKLA SKYRTA
7990
WP SRIPE PILS
5990
CITA LACE STRIPE TOPPUR
3490
NÝJAR
VÖRUR
upplifun. Við fórum í safaríferð í
Afríku, fallhlífarstökk á Nýja-Sjá-
landi og köfuðum í Tælandi.
Ferðin byrjaði þannig að við
lentum í Nairobi í Kenýa seint um
kvöld. Leigubílstjórinn virkaði í
fyrstu blindur en hann var það víst
ekki. Svo varð einhver bilun þannig
að við þrjú vorum föst saman á
skuggalegum stað í yfir klukku-
stund þar sem hann talaði swahili
í símann og sagði að vinir sínir
væru að koma að sækja okkur. Við
vorum sannfærð um að það ætti að
ræna okkur en þetta fór allt vel og
við skiluðum okkur á hostelið. Þá
kom í ljós að bókunin okkar hafði
misfarist en við fengum á endanum
rúm hvort á sínum ganginum þar
sem við sváfum með skítug gömul
sturtuhengi sem sængur. Þannig
byrjaði ferðin. Daginn eftir fórum
við í miðborg Nairobi og ætluðum
að taka út peninga en það gekk
mjög erfiðlega. Við ákváðum síðan
að eyða einum degi í fátækrahverf-
inu, fengum fylgd með heimamanni
og kynntumst þessum hræðilegu
aðstæðum. Við kynntum okkur líka
ýmis verkefni sem voru í gangi til að
gera lífið bærilegra fyrir íbúa. Við
heimsóttum leikskóla fyrir fötluð
börn í fátækrahverfinu og á einum
skólanum var búið að teikna kort
þar búið var að skipta upp hverf-
inu og búið að teikna sprautunál
þar sem eiturlyfjafíklar voru, og
sérmerkja svæði þar sem líkum var
hent. Til að komast á milli svæða
þurftum við að kaupa okkur vernd
hjá eins konar Hells Angels því
annars hefði verið ráðist á okkur.
Það var gott fyrir okkur að sjá þetta
því við áttuðum okkur á því hvað við
höfðum það ótrúlega gott.“
Á ferðalaginu kynntust þau
allri mannlífsflórunni og upplifðu
ótrúlega fegurð í framandi löndum.
„Það er gríðarlegur persónulegur
þroski sem maður tekur út á svona
ferðalagi. Þetta víkkar sjóndeildar-
hringinn en sýnir manni líka hvað
það er mikilvægt að lifa lífinu og
vera ekki að hafa óþarfa áhyggjur.
Þetta fer allt einhvernveginn, eins
og Halldór Laxness sagði.“
Óvænt bónorð
Hrund og Óskar hafa verið dugleg
að safna sér fyrir ferðalögunum
sínum, skipuleggja sig vel og um
síðustu áramót fóru þau saman til
New York. „Við erum bæði í þannig
vinnu núna að við erum ekki oft
saman í fríi. Við höfðum aldrei farið
til New York þannig að við eyddum
viku þar saman. Á miðnætti á
áramótunum á Times Square skellti
hann sér svo á skeljarnar. Það var
mjög óvænt,“ segir Hrund um þetta
rómantíska bónorð. Þau eru þó ekk-
ert byrjuð að skipuleggja brúðkaup-
ið. „Við erum ekki þannig gerð.
Okkur gæti dottið í hug að gifta
okkur á gúmmískónum í næsta laut
eða undirbúa stórt brúðkaup, eða
eitthvað þar á milli.“
Ævintýri Hrundar virðast
óþrjótandi og hún lenti í enn einu
þegar henni var boðið á barnabók-
menntahátíð í Litháen á síðasta ári
til að lesa upp úr „Loforðinu.“ „Ég
hélt fyrst að þetta væri grín því
það er svo langt síðan bókin kom
út. En þá kom í ljós að það er búið
að þýða bókina mína á litháísku og
útgefandi þar í landi hefur áhuga.
Ég skellti mér bara út og ferðaðist
um með nokkrum öðrum höfund-
um. Svo kom ég bara heim aftur.
Bókin er ekki komin út í Litháen en
það fer þá bara í gegnum mitt forlag
ef af því verður. Það er allavega til
vönduð þýðing. Í versta falli var
þetta bara skemmtilegt ævintýri og
einhver börn í Litháen hafa heyrt af
„Loforðinu“ en kannski kemur hún
þar út. Hver veit?“
Hrund segir gleðilegt hvað „Lof-
orðið“ hefur vakið athygli víða enda
leiðir hún oft hugann til Sunnu
og loforðsins sem hún gaf henni.
„Slysið verður ekki tekið til baka
og ef maður finnur leið til að láta
svona hluti verða til góðs þá er það
alltaf það besta í stöðunni. Svo ég
vitni í klisjuna um að tíminn lækni
öll sár þá er það bara ekki rétt.
Þetta verður ekki minna sárt með
tímanum. Ég hef hins vegar lært að
lifa með missinum og fundið mínar
leiðir. Mér finnst fallegt að tala
um Sunnu og vil halda minningu
hennar á floti. Ég reyni að taka líf-
inu hæfilega létt og njóta þess sem
ber að höndum. Ég held að hún
hefði viljað það.“
Erla Hlynsdóttir
erla@frettatiminn.is
Hrund og Óskar á Times Square í New York á gamlársdag. Á miðnætti fór hann óvænt á skeljarnar. „Fallegi sólargeislinn hún Sunna,“ segir Hrund.Á Floating Market rétt hjá Bangkok í Tælandi.
22 viðtal Helgin 4.-6. apríl 2014