Sveitarstjórnarmál - 01.02.1976, Blaðsíða 60

Áhaldahús og slökkvistöð Suðureyrarhrepps. Húslð var relst (yrlr (áum árum.
hníga í sömn átt. Þess vegna var
það fyrir nokkrum árum, þegar til
athugunar kom um sameiningu
hreppa í Fram-Eyjafirði, að þá ósk-
aði hreppsnefnd Svalbarðsstrandar-
hrepps aðild að slíkri könnun. Ef
framhald yrði á þeirri atltugun og
til sameiningar hreppa kæmi hör
um slóðir, þá finndist mér eðlileg-
ast, að þeir hreppar, sem saman
standa um unglingaskólann að
Hrafnagili, rynnu saman í eina fé-
lagsheild. En til þess að svo gæti
orðið, þarf að koma til lagasetning,
því að hrepparnir eru nú í tveimur
sýslufélögum, þ\’í að breytingu á
sýslumörkum má ekki gera nema
með lögum.“
„Breyting í þessa áttina hefur
nokkuð verið orðuð heima fyrir, en
ekki orðið úr aðgerðum," sagði
Hreinn Ketilsson, oddviti, að lok-
um.
SUÐUR
EYRAR
HREPPUR
Jarðhiti fundinn
„Síðast liðið sumar náðist já-
kvæður árangur af borun hjá Laug-
um í Súgandafirði. í ljósi þess virð-
ist einsýnt, að hitaveituframkvæmd-
ir á Suðureyri eru í dag brýnasta
hagsmunamál byggðarlagsins,“
sagði Ólafur Þórðarson, oddviti, í
samtali við Sveitarstjórnarmál á
dögunum. „Búið er að gera kostn-
aðaráætlun unt verkið. Hljóðar
hún upp á 158 millj. króna. Ef
frestað er framkvæmd við aðra
borholuna í þeirri áætlun, má gera
ráð fyrir, að unnt sé að korna hita-
veitu í gagnið fyrir 134 millj.
króna. Stefnt verður að því, að
koma hitaveitunni upp fyrir næsta
vetur. Hvort það tekst, eigum við
SVEITARSTJÓRNARMÁL
undir lánastofnunum, en það er
yfirlýst stefna ríkisstjórnarinnar, að
orkuframkvæmdir skuli hafa for-
gang, og í þessu sambandi er um
rnjög arðbæra og gjaldeyris-spar-
andi framkvæmd að ræða.“
„Það er rétt að bæta því liér við,"
sagði Ólafur ennfremur, „að víða
á Vestfjörðum er lieitt vatn, og
ekki ólíklegt, með þeirri tækni,
sem í dag er við boranir, að takast
megi að fá nægilegt heitt vatn í
hitaveitur við flesta jjéttbýlisstað-
ina á Vestfjörðum. Arangurinn af
boruninni í Súgandafirði var því
stórviðburður i orkumálum Vest-
fjarða."
Fjörkippur í húsbyggingum
„Húsnæðisskortur liefur verið á
Suðureyri, en gera má ráð fyrir
miklurn bvggingarframkvæmdum
næsta sumar. Sveitarfélagið liyggst
fara út í byggingu 7 leiguíbúða,
fáist framkvæmdalán til þeirra
hluta, en við höfum ástæðu til að
ætla, að svo verði. Einstaklingar
liyggjast byggja 12—13 íbúðarhús,
og mun byggingarfélagið Þörf hf.
sjá um byggingu flestra húsanna.
Aldrei áður liefur staðið til að
reisa jafn mörg íbúðarhús á einu
og sama sumrinu. Síðast liðið sum-
ar var aðeins byrjað á einu íbúðar-
húsi á staðnum."
Umhverfismál
„Síðast liðið sumar var byrjað á
varanlegri gatnagerð á Suðureyri
og steyptur 260 m langur kafli af
aðalgötunni í þorpinu. Haldið
verður áfram gatnagerðarfram-
kvæmdum, en ekki er endanlega
ákveðið, hve stór áfangi verður tek-
inn fyrir næst.
Hirðing sorps hefur verið ábóta-
vant á undanförnum árum, og eitt
af því, sem nauðsynlega þarf að
konta í betra horf. Ráðgert er að
koma upp súgbrennara í sumar, en
reynslan sker úr um [)að, hvort það
verður fullnægjandi. Fyrirmynd að
slíku er t. d. í Borgarnesi, og þykir
hafa gefizt þar vel.
Þarft væri að girða Suðureyrar-
þorpið af og auðvelda þannig unn-
endum garðyrkju og gróðurs að
fegra sitt nánasta umhverfi. I þá
framkvæmd væri skynsamlegt að
fara um leið og hinn nýi flugvöllur
staðarins verður girtur af. En líta
ber á það sem nauðsyn af öryggis-
ástæðum. Hvort í það verður farið
í sumar, þori ég ekki að fullyrða."