Sveitarstjórnarmál - 01.02.1976, Blaðsíða 8

LISTIIM OG FOLKIÐ
í þessu tölublaði og hinu næsta lýkur að segja
frá ráðstefnunni um sveitarstjórnir og menning-
armál, sem haldin var í aprílmánuði 1975. Má
segja, að þá liggi fyrir allvíðtæk úttekt þessara
mála frá ýmsum sjónarmiðum. Hlýtur það að
vera nokkurs virði í sjálfu sér.
Þess er að sjálfsögðu enginn kostur að meta
árangur slíkrar ráðstefnu. Ekki tel ég þó ósenni-
legt, að hún liafi orðið ýmsuni hvati til að leiða
hugann að ásigkomulagi menningarmála í heima-
byggð. Og það er naumast vafamál, að töluverð
gróska hefur ríkt undanfarið í ýmsum listgrein-
um víða um land. Á stöðum, sem ekki hafa mjög
verið orðaðir við slíkt, hefur mátt merkja á þess-
um vetri margháttað framtak. Ég ætla líka, að
sveitarstjórnir sýni ýmiss konar menningarstarf-
semi meiri áhuga en verið hefur.
Norræni menningarsjóðurinn liét sveitar-
stjórnum á Norðurlöndum á síðaslliðnu ári styrk
til þess að halda svonefndar norrænar menn-
ingarvikur. Hafði sambandið milligöngu um að
kynna þessi mál fyrir sveitarstjórnum, þar sem
aðstaða var talin fyrir liendi. Jafnframt var leit-
að aðstoðar Norræna félagsins til að vekja at-
hygli á málinu. Undirtektir urðu dræmar, en svo
fór þó, að eitt sveitarfélag hér á landi fær á þessu
ári styrk, sem nemur 50 þús. dönskum krónum
í þessu skyni. Er það Kópavogur, og skulum við
vona, að vel takist til.
Það hlýtur að verða vaxandi hlutverk sveitar-
stjórna á næstu árum að búa hvers konar menn-
ingarstarfsemi a. m. k. bærilega aðstöðu. Það
hefur líka sýnt sig, þar sem aðstaðan fæst, birtist
listarneistinn í fólkinu, fyrr en flesta getur grun-
að. Það er grynnra á hæfileika og áhuga en marg-
ir halda.
Um hlut hins opinbera sagði vitur maður eitt
sinn:
„Verkefni opinberrar stofnunar er ekki að
kenna eða kveða upp dóma um listir, heldur
auka traust og tækifæri. Starf listamannsins er
komið undir þeim aðstæðum, sem hann býr við
og aldaranda. Það er engin ástæða til að ætla,
að færri snillingsefni hafi fæðzt i heiminum á
tímum lítilla andlegra afreka en á þeim stuttu
blómaskeiðum, sem við eigum að þakka nær
allt, sem okkur er dýrmætast. Þegar öllum gefst
tækifæri til að kynnast hinni göfugustu list og
njóta hennar, munu ný listaverk verða til í
óvæntum myndunr og á ólíklegustu stöðum."
Páll Líndal.
2
SVEITARSTJÓRNARMÁL