Sveitarstjórnarmál - 01.12.1999, Page 47

ERLEND SAMSKIPTI
víkur, á Jökuldalsheiðina, til Egils-
staða, til Hafnar í Hornafirði, á
Vatnajökul, að Jökulsárlóni, á Ing-
ólfshöfða, i Skaftafell, Landmanna-
laugar og að Gullfossi og Geysi.
Ferðinni lauk með móttöku hjá for-
seta Islands, herra Ólafí Ragnari
Grímssyni, að Bessastöðum. Að
morgni sunnudagsins 15. ágúst var
hópurinn síðan kvaddur í Bláa lón-
inu og ekið út á Keflavíkurflugvöll
til heimfarar.
Kostnaður við verkefhið dreifðist
þannig að þátttakendur greiddu
sjálfír u.þ.b. 150.000 krónur fyrir
þátttökuna. Sveitarfélög, stofnanir
og einkaaðilar greiddu 90.000 fyrir
að taka Snorra-þátttakanda i starfs-
þjálfun, en sú upphæð er frádráttar-
bær ffá skatti sem útgjöld til menn-
ingarmála. Einnig studdi Landa-
fundanefnd verkefnið með
1.250.000 krónum. Kostnaður við
allan undirbúning og sá halli sem
var á verkefninu var borinn af Þjóð-
ræknisfélaginu og Norræna félag-
inu. Þær fjölskyldur sem tóku við
Snorra-þátttakendum fengu greiddar
30.000 krónur til að standa straum
af matarkostnaði.
Skemmst er ffá að segja að hóp-
urinn var mjög ánægður með dvöl
sína hér á landi. Að sjálfsögðu
komu upp ýmsir hnökrar, enda ekki
við öðru að búast í fyrsta skipti. Þau
mál voru leyst farsællega í góðri
samvinnu þeirra aðila sem komu að
verkefhinu.
Stjórn Snorra-verkefnisins vill
koma sérstökum þökkum á ffamfæri
til þeirra sveitarfélaga, stofnana og
einkaaðila sem gerðu verkefnið
kleift með því ýmist að leggja til
fjárframlag gegn því að fá þátttak-
anda til sín í fjórar vikur eða með
aðstoð við verkefnið með öðrum
hætti. Þau sveitarfélög sem komu
með beinum hætti að Snorra-verk-
efninu 1999 eru: ísafjarðarbær,
Sveitarfélagið Skagafjörður (Sauð-
árkrókur), Akureyrarkaupstaður,
Dalvíkurbyggð, Öxarfjarðarhreppur
(Kópasker), Fjarðabyggð, Vopna-
fjarðarhreppur, Fellahreppur og
Sveitarfélagið Homafjörður.
Enginn vafí leikur á því að víðast
hvar þar sem þátttakendumir bjuggu
sköpuðust vináttusambönd sem hafa
tengt þátttakenduma órofa böndum
við ættland sitt. Margar fjölskyldn-
anna hafa þegar lýst yflr áhuga á að
fá að taka við nýjum „Snorra“ næsta
sumar en þá er fyrirhugað að taka
við allt að 40 manns. Árið 2001 er
síðan stefnt að því að hópar fari i
báðar áttir og að þá fari fyrsti hópur
íslenskra ungmenna til að dvelja og
starfa á íslendingaslóðum í Kanada
og í Bandaríkjunum.
Það er von aðstandenda Snorra-
verkefnisins að sveitarfélög enn víð-
ar um landið sjái sér fært að styðja
við bakið á þessu þjóðþrifaverkefni
á næsta sumri. Þar sem flestir Vest-
urfaramir fluttu af Austur- og Norð-
urlandi verður eðlilega mest ásókn í
að komast í þá landshluta og vonast
aðstandendur Snorra-verkefnisins
eftir áframhaldandi góðu samstarfí
við sveitarstjórnarmenn um land
allt.
Þj óðhátíðarsj óður
auglýsir eftir umsóknum um styrki úr sjóðnum
á árinu 2000.
Samkvæmt skipulagsskrá sjóðsins nr. 361 30. september 1977
er tilgangur sjóðsins „að veita styrki til stofnana og annarra að-
ila, er hafa það verkefni að vinna að varðveislu og vernd þeirra
verðmæta lands og menningar, sem núverandi kynslóð hefur
tekið í arf.
a) Fjórðungur af árlegu ráðstöfunarfé sjóðsins skal renna til
Friðlýsingarsjóðs til náttúruverndar á vegum Náttúruverndar-
ráðs.
b) Fjórðungur af árlegu ráðstöfunarfé sjóðsins skal renna til
varðveislu fornminja, gamalla bygginga og annarra menning-
arverðmæta á vegum Þjóðminjasafns.
Að öðru leyti úthlutar stjórn sjóðsins ráðstöfunarfé hverju sinni í
samræmi við megintilgang hans, og komi þar einnig til álita við-
bótarstyrkir til þarfa, sem getið er í liðum a) og b).
Við það skal miða, að styrkir úr sjóðnum verði viðbótarframlag
til þeirra verkefna, sem styrkt eru, en verði ekki til þess að
lækka önnur opinber framlög til þeirra eða draga úr stuðningi
annarra við þau.“
Stefnt er á úthlutun á fyrri hluta komandi árs.
Umsóknarfrestur er til og með 29. febrúar 2000. Eldri umsóknir
ber að endurnýja.
Umsóknareyðublöð liggja frammi í afgreiðslu Seðlabanka ís-
lands, Kalkofnsvegi 1, Reykjavík.
Nánari upplýsingar gefur ritari sjóðsstjórnar, Sveinbjörn Hafliða-
son, í síma 569 9600.
Reykjavík, 28. desember 1999.
Þjóðhátíðarsjóður.
30 1