Morgunblaðið - 26.11.2011, Blaðsíða 16

ÚR BÆJARLÍFINU
Ómar Garðarsson
Vestmannaeyjar
„Við erum hrikalega ánægð enda
gekk þetta eins og í sögu og viðtök-
urnar frábærar. Við getum ekki ver-
ið annað en mjög hamingjusöm,“
sagði Bjarni Ólafur Guðmundsson
um Oddgeirstónleikana í Hörpu, sem
hann hafði forgöngu um ásamt konu
sinni. Þeir voru haldnir í Eldborg-
arsal Hörpu miðvikudaginn 16. nóv-
ember. Þá voru 100 ár liðin frá fæð-
ingu Oddgeirs Kristjánssonar,
tónskálds í Vestmannaeyjum. Hann
er landsþekktur fyrir lög sín sem
flest eru við ljóð Ása í Bæ og tengjast
Þjóðhátíð Vestmannaeyja. Eyja-
menn hafa minnst Oddgeirs á ýmsan
hátt á árinu og voru tónleikarnir í
Hörpu, Bjartar vonir vakna, þar sem
mættu um 1.600 gestir, hápunkt-
urinn.
  
Skipalyftan í Vestmannaeyjum
fagnar 30 ára afmæli um þessar
mundir. Sindri Ólafsson er fram-
kvæmdastjóri Skipalyftunnar. Hann
segir að hjá Skipalyftunni í Vest-
mannaeyjum starfi nú 35 manns og
13 hjá útibúinu sem starfrækt er á
Selfossi.
„Langstærsti hlutinn af okkar
verkefnum tengist almennu viðhaldi
hjá flotanum. Og það er nóg að gera í
því, verið fín verkefnastaða síðasta
eina og hálfa árið,“ segir Sindri. „Við
höfum auglýst eftir mönnum, sér-
staklega vantar okkur stálsmiði og
plötusmiði, en það hefur ekki mikið
komið út úr því.“
  
Fyrstu helgina í nóvember 2004
var hleypt af stokkunum Safnanótt í
Vestmannaeyjum og hugmyndina
átti Kristín Jóhannsdóttir markaðs-
og menningarfulltrúi sem þá var ný-
komin frá Þýskalandi. Síðan hefur
Safnanóttin dafnað og vaxið og nú
dugar ekki minna en öll helgin fyrir
öll þau atriði sem boðið er upp á. Í
boði eru myndlistarsýningar, fyrir-
lestrar, upplestur úr nýjum bókum
og fleira.
  
Tónlistarhópurinn Mandal í
Vestmannaeyjum stefnir á útgáfu á
jólasálmum Jóns Þorsteinssonar frá
Kirkjubæ í Vestmannaeyjum.
Mandal skipa hjónin Arnór Her-
mannsson og Helga Jónsdóttir og
Chris Foster og Bára Grímsdóttir.
Lög Oddgeirs leikin í Hörpu
Ljósmynd/ Óskar Pétur
Góð staða Nóg hefur verið að gera hjá starfsfólki Skipalyftunnar í Vest-
mannaeyjum og nú vantar fleiri stálsmiði til starfa.
16 FRÉTTIRInnlent
MORGUNBLAÐIÐ LAUGARDAGUR 26. NÓVEMBER 2011
Morgunblaðið birtir fram til jóla upplýsingar um einhverja þeirra
viðburða sem eru á dagskrá vítt og breitt um landið.
27 dagar til jóla
Allur ágóði af sölu jólamerkis
Thorvaldsensfélagsins í ár rennur
til rannsókna og forvarna gegn of-
fitu barna á leikskólaaldri.
Ágóðinn af sölu jólamerkisins
hefur alla tíð runnið óskertur til
líknarmála, s.s. til sykursjúkra
barna og sjónskertra, og nú í ár
mun ágóðinn renna til þessa for-
varnarverkefnis. Jólamerkið prýðir
mynd eftir Hólmfríði Valdimars-
dóttur og heitir Englaljós. Ein örk
með 12 merkjum kostar 300 krón-
ur. Hægt er að nálgast merkin á
flestum pósthúsum og einnig eru
þau til sölu á Thorvaldsensbaz-
arnum, Austurstræti 4, sími 551-
3509, og hjá félagskonum.
Styrkja forvarnir gegn offitu barna
Jólamarkaðurinn Elliðavatni í Heið-
mörk á vegum Skógræktarfélags
Reykjavíkur verður opnaður í dag.
Opið verður fjórar helgar fyrir jólin
frá kl. 11-17.
Mjög góð aðsókn hefur verið að
markaðnum undanfarin ár og fólk
notið þess að fara upp í Heiðmörk og
upplifa náttúruna og hina sérstöku
jólastemningu sem þar ríkir. Auk
jólatréssölu Skógræktarfélagsins er
fjöldi handverksmanna með söluborð
víðs vegar á markaðnum; markaðs-
kaffihús er opið allan tímann, tónlist-
arfólk kemur fram með reglulegu millibili og rithöfundar lesa upp úr nýj-
um bókum sínum. Hin vinsæla hestaleiga er opin á laugardögum og Stúfur
kemur áreiðanlega í heimsókn aftur þegar nær dregur jólum.
Jólamarkaður við Elliðavatn
Markaður Það kennir ýmissa grasa á jóla-
markaðnum í Heiðmörkinni.
Ljósin á jólatré Mosfellsbæjar
verða tendruð í dag, laugardaginn
26. nóvember kl. 16:00 á Miðbæj-
artorginu.
Barnakór Varmárskóla syngur,
jólasveinar koma í heimsókn og
Skólahljómsveit Mosfellsbæjar spil-
ar jólalög.
Að dagskránni lokinni mun
Kammerkór Mosfellsbæjar taka
nokkur lög inni í Kjarna og selja
heitar vöfflur og kakó. Dagskrá
fyrir alla fjölskylduna.
Jólaljós Mosfellingar kveikja á ljósunum á
jólatré bæjarins í dag.
Ljósin á jólatrénu
tendruð í Mosfellsbæ
Jólamarkaðurinn í Álafosskvos
hefst um helgina og verður opið
báða dagana milli kl. 12 og 17.
Það er kaffihúsið á Álafossi sem
hefur veg og vanda af þessum
markaði. Ýmislegt verður á boð-
stólum, t.d. vörur frá Hlín blóma-
húsi, Sápusmiðjunni, Fríðu, Gast
design, Lavalandi, Trédóti og jóla-
tréssölu skógræktarinnar.
Skemmtilegar uppákomur og
margt fleira. Að ógleymdum veit-
ingum á kaffihúsinu.
Vinaleg jólastemning.
Jólamarkaður í
Álafosskvos
Hin árvissa Grýlugleði Gunnarsstofnunar á
Skriðuklaustri verður haldin á morgun,
sunnudaginn 27. nóvember, á fyrsta sunnu-
degi í aðventu, kl. 14.00.
Að venju munu gaulálfar og sagnálfar
ráða ríkjum á skemmtuninni og fræða gesti
um ægivald og ógnir Grýlu og hyskis henn-
ar. Hjónakornin halda sig vonandi heima í
Brandsöxlinni á meðan á gleðinni stendur.
Kynnt verður glóðvolg útgáfa litabókar um
Grýlu með kvæðabrotum austfirskra skálda
fyrri alda og verðlaunateikningum aust-
firskra grunnskólabarna í 6. og 7. bekk. All-
ir velkomnir og jólakökuhlaðborð hjá
Klausturkaffi eftir skemmtun.
Árviss Grýlugleði á Skriðuklaustri
Basar KFUK verður í dag kl. 14-17
í húsi KFUM og KFUK við Holta-
veg. Á boðstólum verður úrval af
heimabökuðum kökum, tertum og
smákökum, auk annars matarkyns.
Basar félagsins er þekktur fyrir fal-
legt handverk af ýmsu tagi sem
konur hafa unnið. Hægt verður að
gæða sér á kaffi, kakó og heitum
vöfflum. KFUM og KFUK eru með
fjölbreytt starf fyrir börn, unglinga
og fullorðið fólk. Allur ágóði af bas-
arnum rennur til starfs félagsins.
Basar KFUK
Kýrnar Sæbjörg og Brák sem búa í
Fjölskyldu- og húsdýragarðinum
hafa bætt við íbúafjölda garðsins en
þær báru á sama sólarhringnum í
vikunni. Sæbjörg, ljósrauð-
skjöldótt, bar rauðskjöldóttum
kálfi. Brák, rauðbröndótt, bar
rauðri, stórri kvígu. Leiða má lík-
um að því að kvígan verði síðar
meir rauðbröndótt eins og hún á
kyn til. Mjólkurframleiðsla í fjósinu
í Laugardalnum er því með mesta
móti þessa dagana. Ljósmynd/Unnur Sigurþórsdóttir
Aðventu-
kálfar í
garðinum
Bílasýning
um helgina
Laugardaginn 26.
og sunnudaginn
27. nóvember
milli kl. 11 og 16
Frumsýnum 2012 árgerðir
af Ford F-350
og Jeep Grand Cherokee
Öruggir bílar að vera á og engar afskriftir á kostnað skattborgara
Fossnesi A · 800 Selfoss · Sími 480 8080
Komið og skoðið stórglæsilega bíla
á ótrúlega góðu verði hjá IB ehf Selfossi