Morgunblaðið - 26.11.2011, Qupperneq 31
MORGUNBLAÐIÐ LAUGARDAGUR 26. NÓVEMBER 2011
Ja, nú hrökk allt í
einu bara sí svona Ög-
mundur ráðherra upp
af svefninum langa.
Hann virðist allt í einu
vera búinn að uppgötva
að verðbæturnar á lán-
um landsmanna eru ein
stærsta meinsemdin í
íslensku þjóðfélagi eins
og reyndar flestir hugs-
andi Íslendingar hafa
vitað alllengi. Það er auðvitað ekki
hægt að ætlast til þess af nokkrum
manni sem búinn er að hrjóta með til-
þrifum í 30 ár að hann geti munað allt
svona í einum hvelli þegar hann allt í
einu opnar augun.
Það er ekki von að Ögmundur
muni t.d. eftir Sigtúns-hópnum eða
hverju hann stóð fyrir upp úr 1980,
þó að hann hafi staðið þar sjálfur
ásamt meðreiðarsveini sínum Stein-
grími J. Þúsundir mættu á hinum
fjölmörgu og fjölmennu mótmæla-
fundum í Sigtúni gegn eignarupp-
töku heimilanna vegna óðaverðbólgu
sem fór upp í 130% þegar verst lét og
gegn verðbættum okurvöxtum. Þessi
mótmæli öll skiluðu engu til fólksins
því stjórnvöld hafa ætíð gefið skít í
heimilin á erfiðleikatímum, það er
ekkert nýtt. Kleinustjórn Gunnars
Thoroddsen 1980-1983 sem sam-
anstóð af 3 flokkum var slæmur
kokkteill og afrekaði það helst að
skapa þessa óskaplegu verðbólgu. Í
þessari ríkisstjórn, sem entist aðeins
í 3 ár, voru 3 sósíalískir ráðherrar,
Hjörleifur Guttormsson, Ragnar
Arnalds og Svavar Gestsson, guð-
faðir Steingríms J., og var Ragnar
Arnalds fjármálaráðherra. Ögmund-
ur þarf auðvitað ekki að gefa neina
skýringu á því hvers vegna hann og
Steingrímur J. mótmæltu aldrei
þessari óstjórn kleinustjórnarinnar,
við vitum hvers vegna, þar sátu
flokksbræður. Stjórnarskipti verða
1983 og við tók rík-
isstjórn Þorsteins Páls-
sonar sem varð and-
vana ári seinna. Nú var
komin hægristjórn og
áfram héldu mótmælin
en nú komu þeir kump-
ánar Ögmundur og
Steingrímur J. upp úr
holum sínum og slógust
í hóp mótmælenda
sem, eins og fyrr segir,
skiluðu engu til fólksins
nema að hrópin í Ög-
mundi komu honum
inn á þing. Var það kannski bara til-
gangurinn? Ríkisstjórnar Þorsteins
verður helst minnst fyrir stuttan líf-
tíma og ekki síður fyrir að taka úr
sambandi vísitölutengingu launa en
ekki lánskjaravísitöluna sem á stutt-
um tíma lagði í rúst þúsundir heimila
í mesta verðbólgubáli Íslandssög-
unnar, og var þá og er enn talið eitt
mesta hryðjuverk sem hefur verið
framið gagnvart íslenskum heim-
ilum. Kannast ekki fólk við munstrið?
Í öllu þessu skelfingarástandi
reyndi Sigtúnshópurinn að ná eyrum
stjórnvalda þar sem verðbæturnar
voru graftarkýlið, en árangurslaust.
Ekkert af þessu á að vera eitthvað
nýtt fyrir Ögmundi og þó að maður
fái sér góðan lúr, þá man maður nú
eitt og annað þegar maður vaknar.
Og það er náttúrlega ekki nema von
að Ögmundur hrökkvi illa við að
vakna inn í þetta skelfilega ástand í
fjármálum heimila og fyrirtækja.
Hvað hefur eiginlega gengið á á Ís-
landi? Hefði bara ekki verið betra að
sofa áfram? En kannski er Ögmund-
ur bara ekki vaknaður. Getur verið
að hann bæði gangi og tali í svefni
þessa dagana, fullur af einhverjum
vitleysisórum?
Að detta í hug að afnema verðbæt-
urnar hlýtur að vera eitthvert ómeð-
vitað óráðshjal. Verðbæturnar, sem
eru svo þægilegar og allar lánastofn-
anir elska og sem við, ein þjóða, höf-
um af snilli okkar fundið upp. Þarf
ekki að senda Ögmund í veikindafrí?
En kannski er það eitthvað annað en
umhyggja fyrir heimilum og fyr-
irtækjum þessa lands sem hangir á
spýtunni hjá Ögmundi. VG er að tapa
fylgi og það styttist í kosningar. Það
er aðeins eitt að gera, gamla bragðið:
finna beitu sem fólkið gleypir. Það
heppnaðist hjá Jóhönnu með skjald-
borgina fyrir heimilin sem breyttist í
tjaldborg sem fauk. Það fleytti henni
inn í ríkisstjórn. Fólkið gleypti við
því. Og hverju lofuðu ekki Stein-
grímur J. og Katrín Jakobsdóttir fyr-
ir síðustu kosningar og það í beinni,
því, að nú þyrfti rækilega að endur-
skoða verðbæturnar. Og fólkið
gleypti líka við því og það fleytti VG
inn í ríkisstjórn. Já, þau vita hvar á
að bera niður við atkvæðaveiðar og
hvar hjartað er aumast fyrir. Og við
hin vitum hvað varð um efnd loforð-
anna. WC tekur lengi við. Er það
þetta sem hangir á spýtunni hjá Ög-
mundi? En ef ekki þá skaltu djöfla
þér í verkefnið, framtíð þjóðarinnar
er að veði.
Svo þetta: Mikið skelfingar, ósköp
sem þetta annars góða land Ísland er
yfirgengilega fátækt að réttlátum og
duglegum stjórnmálamönnum, en
ríkt að lötum, sjálfumglöðum pólitík-
usum sem hugsa það eitt að koma sér
og sínum vel fyrir við að totta rík-
isspenann nógu ört.
Svefninn langi
Eftir Jóhann L.
Helgason » Það er ekki von að
Ögmundur muni t.d.
eftir Sigtúns-hópnum
eða hverju hann stóð
fyrir upp úr 1980, þó að
hann hafi staðið þar
sjálfur ásamt meðreið-
arsveini sínum Stein-
grími J.
Jóhann L. Helgason
Höfundur er húsasmíðameistari.
Undirritaður skrif-
aði grein í Mbl. 2009
þar sem ég velti fyrir
mér stöðunni í heil-
brigðismálum í
Fjarðabyggð þar sem
ég er tryggur notandi
þjónustunnar.
Vöktu skrif mín lít-
inn fögnuð hjá æðstu
yfirmönnum HSA svo
ekki sé meira sagt.
Nú nær þremur ár-
um síðar er sama ástand sem ekki
er hægt að skrifa á fyrrverandi yf-
irlækni sem er starfandi í öðrum
landsfjórðungi og hafa margir íbúar
Fjarðabyggðar lagt á sig langt
ferðalag til að njóta starfskrafta
hans.
Íbúar í Fjarðabyggð sunnan Odd-
skarðs hafa ítrekað látið í ljós vilja
sinn og ekki er að heyra að hann
hafi neitt breyst.
Umræddur yfirlæknir hefur á
þessu tímabili sótt tvívegis um stöð-
ur hjá HSA, bæði hér í Fjarðabyggð
og einnig á Egilsstöðum án árang-
urs og sá forstjóri HSA sig til-
neyddan að koma fram í fjölmiðlum
og lýsa því enn og aftur yfir að
læknirinn væri sakamaður og óal-
andi og óferjandi.
Nú hefur enn á ný verið auglýst
eftir lækni hér og þar er tekið fram
að vinnustaður um-
sækjanda sé að hluta
til á Egilsstöðum.
Fróðlegt verður að vita
hvort yfirmenn HSA
synji enn á ný umsókn
læknisins sem á lög-
heimili í Fjarðabyggð
og fjölskyldu og borg-
ar þangað opinber
gjöld.
Finnst okkur íbúun-
um það stórundarlegt
að heilbrigðisráðu-
neytið skuli ekki taka
mark á vilja íbúanna
og ætti því að vera orðið ljóst að
þetta fyrirkomulag virkar engan
veginn hvorki fyrir okkur né rík-
issjóð.
Langar okkur íbúana að fá að vita
hvað þessi óráðsía HSA-stjórnar
hefur kostað í peningum og erum
við tilbúin að segja frá því hversu
miklar þjáningar og erfiðleika hún
hefur haft í för með sér fyrir okkur.
Nú þegar mjög mikill skortur er
á læknum skilur enginn hugsandi
maður af hverju yfirlæknirinn má
vinna alls staðar á landinu og á
Norðurlöndunum en ekki heima hjá
sér.
Eftir að hafa flett í gegnum frétt-
ir frá þessum tíma er ekki hægt að
komast hjá því að sjá hvað þetta er:
einelti af stærstu gráðu.
Þolendurnir eru ekki einungis
læknirinn og fjölskylda hans heldur
og 3.600 manna byggðarlag.
Skora ég hér með á heilbrigð-
isráðuneytið og hæstvirtan ráðherra
Guðbjart Hannesson að
hlutast til um að gera úttekt á
stjórnarháttum og framkomu
stjórnar HSA.
Með vinsemd og virðingu.
Hugleiðingar
um heilbrigðismál
Eftir Aðalstein
Valdimarsson »Eftir að hafa flett í
gegnum fréttir frá
þessum tíma er ekki
hægt að komast hjá því
að sjá hvað þetta er: ein-
elti af stærstu gráðu.
Aðalsteinn
Valdimarsson
Höfundur er ellilífeyrisþegi, áður
skipstjóri, útgerðarmaður, bæj-
arstjórnarmaður o.fl. á Eskifirði.
gisting.dk
499 20 40 (Íslenskur sími) 32 55 20 44 (Danskur sími)
Herbergi frá Dkk 300 Íbúðir frá Dkk 900
Kaupmannahöfn
Sími 588 9090 • Síðumúla 21 • 108 Reykjavík
www.eignamidlun.is • Sverrir Kristinsson, lögg. fasteignasali
Reykjavík
Eignir óskast
2ja herbergja íbúðir óskast
Fjársterkur kaupandi óskar eftir nokkrum 2ja herbergja
íbúðum í lyftuhúsum á Höfuðborgarsvæðinu.
Íbúðirnar verða staðgreiddar ef um semst.
Allar nánari uppl. veitir Magnús Geir Pálsson
sölumaður á Eignamiðlun.
Einbýlishús í Þingholtunum óskast
- staðgreiðsla
Óskum eftir 250-400 fm einbýli í Þingholtunum.
Allar nánari upplýsingar veitir Sverrir Kristinsson.
Raðhús í Fossvogi óskast
Höfum kaupanda að raðhúsi í Fossvogi.
Góðar greiðslur í boði.
Allar nánari uppl veitir Kjartan Hallgeirsson í síma 824-9093
Einbýlishús í Vesturborginni óskast
Æskileg stærð 300-400 fm. Traustur kaupandi óskar eftir
einbýlishúsi í Vesturborginni. Góðar greiðslur í boði.
Nánari upplýsingar veitir
Sverrir Kristinsson í síma 861-8514
Húseign í nágrenni Landakotstúns
óskast - staðgreiðsla
Óskum eftir 300-400 fm húseign sem næst
Landakotstúni, staðgreiðsla í boði.
Sölumenn veita allar nánari upplýsingar.
800-1200 fm atvinnuhúsnæði óskast -
staðgreiðsla
Óskum eftir 800 - 1200 fm atvinnuhúsnæði, helst á einni
hæð með góðri lofthæð. Æskileg staðsetning eru Hvörfin í
Kópavogi eða Hálsarnir í Árbænum. Mosfellsbær kemur
einnig til greina. Aðeins kemur til greina heil húseign. Stað-
greiðsla í boði.
Allar nánari upplýsingar veitir
Magnús Geir Pálsson á Eignamiðlun
2-4 þús. fm húsnæði í Örfisey óskast
Óskum eftir fyrir fjársterkan aðila 2-4þús. fm húsnæði í Örfisey.
Allar nánari upplýsingar veitir Sverrir Kristinsson.
Sérhæð í Vesturborginni eða í
Hlíðunum óskast
Traustur kaupandi óskar eftir 120 - 150 fm sérhæð í Vestur-
borginni eða í Hlíðunum. Góðar greiðslur í boði.
Sölumenn veita allar nánari upplýsingar.
Óskum eftir 2ja herbergja
Fjársterkur kaupandi óskar eftir þremur 2ja herb. íbúðum,
helst í sama húsi, miðsvæðis í Reykjavík. Staðgreiðsla í boði.
Sölumenn veita allar nánari upplýsingar.
Vantar - Vantar - Vantar
Vegna mikillar sölu undanfarið vantar okkur á
söluskrá allar stærðir og gerðir af íbúðarhúsnæði.
Allar nánari upplýsingar veita sölumenn Eignamiðlunar.