Morgunblaðið - 26.11.2011, Qupperneq 36
36 MINNINGAR
MORGUNBLAÐIÐ LAUGARDAGUR 26. NÓVEMBER 2011
✝ EðvaldínaMagney Krist-
jánsdóttir fæddist
á Hríshóli í Barða-
strandarsýslu 8.
ágúst 1913. Hún
lést á Hrafnistu í
Reykjavík 15. nóv-
ember 2011.
Foreldrar henn-
ar voru Kristján
Jens Einarsson, f.
15. apríl 1861, d. 1.
september 1935 og kona hans
Kristrún Magnúsdóttir, f. 11.
september 1888, d. 15. ágúst
1917.
Systkini hennar eru Halldór
Kr. Kristjánsson, f. 26. febrúar
1915, d. 25. janúar 1988, og
Einar Kristjánsson, f. 15. ágúst
1917. Eðvaldína giftist 19. sept-
ember 1941 Magnúsi Sig-
urbjörnssyni, bónda og oddvita
í Glerárskógum, Dalabyggð, f.
23. apríl 1910, d. 19. október
1985. Dætur þeirra eru: 1)
Kristrún Helga f. 17. október
1942, d. 10. október 2011. Maki,
Viðar G. Waage. Börn þeirra:
Ína, sambýlismaður Geir Guð-
jónsson. Barn þeirra: Stein-
grímur Geir.
Eðvaldína eða Ína eins og
hún var alltaf kölluð ólst upp á
Hríshóli til fjögurra ára aldurs,
fluttist þá í Hvammssveitina,
fyrst að Sælingsdalstungu og
síðar að Hólum í sömu sveit.
Árið 1934 stundaði hún nám í
Húsmæðraskólanum á Stað-
arfelli í Dölum, eftir það dvaldi
hún um tíma í Reykjavík og
starfaði í Sjóklæðagerðinni. Ína
fluttist ásamt eiginmanni sínum
að Glerárskógum í Hvamms-
sveit árið 1939 þar sem þau
bjuggu allan sinn búskap og
tók hún þátt í öllum bústörfum
ásamt því að stjórna stóru
heimili. Eftir lát Magnúsar
1985 fluttist hún til Reykjavík-
ur. Ína var mikil hannyrða- og
listakona, og liggja eftir hana
fallegar myndir og aðrir list-
munir. Í mars 2004 hélt hún yf-
irlitssýningu á verkum sínum í
Gerðubergi þar sem hún tók
þátt í félagsstarfi frá 1985, og
þar naut hún sín í leik og
starfi. Síðasta ár dvaldi hún á
Hrafnistu í Reykjavík, þar sem
hún naut góðrar umönnunar.
Eðvaldína verður jarðsungin
frá Hvammskirkju í Dölum í
dag, 26. nóvember 2011, og
hefst athöfnin klukkan 14.
a) Bjarki, sambýlis-
kona: Sveinbjörg
Ólafsdóttir. Börn
Bjarka: Hinrik Við-
ar, Viktor Snær og
Marín Mjöll. b)
Smári, maki: María
Sunna Ein-
arsdóttir. Börn
þeirra: Daníel,
Katrín Ósk og
Davíð Emil. 2)
Björk f. 19. febr-
úar 1947. Maki: Steinar Tómas
Karlsson. Börn þeirra: a)
Magnús Helgi, maki Margrét
Th. Friðriksdóttir. Börn þeirra:
Hlynur Ingi, Steinar Friðrik og
Ína Magney. b) Kristján Hörð-
ur, maki: Bergþóra Linda
Húnadóttir. Börn þeirra: Ísa-
bella Eir og Emilý Björk. Dótt-
ir Kristjáns: Þorbjörg Elísabet.
3) Bjarnheiður, f. 31. janúar
1951. Maki: Steingrímur S. Ei-
ríksson, þau skildu. Börn
þeirra: a) Harpa Sigríður, sam-
býlismaður Ólafur Karel Jóns-
son. Börn Hörpu Sigríðar: Arn-
ar Óli og Steinar Ingi. b) Helga
Elsku amma mín. Ég á svo
góðar og dýrmætar minningar
um þig.
Mér eru ofarlega í huga sumr-
in sem ég var hjá þér í sveitinni,
þar kallaðir þú mig kaupakonuna
þína. Þar kynntumst við svo vel
og vorum svo nánar. Okkur kom
vel saman enda var alltaf gott að
vera nálægt þér. Í sveitinni vor-
um við alltaf eitthvað að sýsla
eins og prjóna, baka, spila, vinna
í garðinum og svo var stundum
farið í berjamó. Svo voru það
ýmis störf sem ég sá um eins og
að sækja póstinn, reka kindurn-
ar úr túninu, brenna ruslið, loka
gróðurhúsinu og fleira og þess-
um verkum sinnti ég og tók al-
varlega og hafði líka gaman af.
Svo voru ferðir í Búðardal með
Einari frænda, þá fórum við í
fínni fötin, keyptum mat og út-
réttuðum. Ég get enn fundið
kaffiilminn í eldhúsinu á morgn-
ana og séð þig standa við elda-
vélina og hella upp á og ímyndað
mér bragðið af kleinunum og
pönnukökunum þínum.
Við gátum alltaf spjallað mikið
saman og hlegið, það var gaman
að hlusta á þig segja sögur af afa
Magnúsi og langömmum mínum
og langöfum og alls kyns atburð-
um úr þínu lífi.
Mér er minnisstætt þegar þú
sagðir að ég væri góð búkona
eftir að ég byrjaði að búa og ég
man hvað ég var montin að
heyra þig segja það.
Þú varst mér alltaf svo góð,
varst dugleg að hrósa mér og
hafðir óbilandi trú á mér, það og
öll sú viska sem þú gafst af þér
var og verður mér alltaf mikils
virði.
Guð geymi þig elsku amma.
Þín nafna
Helga Ína.
Elsku amma mín. Nú þegar
þú ert farin frá okkur fyllist ég
miklum söknuði en stend eftir
með minningar um stórkostlega
konu, konu sem var alltaf svo
dugleg í öllu sem hún tók sér fyr-
ir hendur, yndislega góð við alla
og allir vildu þekkja.
Ég var ekki há í loftinu þegar
ég man eftir þér fyrst, ég verð
ævinlega þakklát fyrir allt sem
þú kenndir mér, segi það stolt að
þú hafir kennt mér að prjóna,
hekla, baka kleinur og pönnu-
kökur og margt fleira. Þegar við
vorum bara tvær í sveitinni og ég
að „passa“ þig eins og oft var
sagt var ég alltaf að taka upp á
alls konar vitleysum og þú lést
allt eftir mér og varst ótrúlega
þolinmóð við uppátækjasömu
stelpuna.
Sérstaklega minnisstæðar eru
kaupstaðarferðirnar í Búðardal,
þá þurfti ég litla svefnpurkan að
vakna miklu fyrr en venjulega
því Einar bróðir þinn sem keyrði
okkur vildi fara fyrir hádegi, og
svo mættum við spariklæddar út
á hlað þegar Einar kom að sækja
okkur. Þú laumaðir alltaf að mér
smá pening til að ég gæti keypt
mér eitthvað gott. Þegar þú
fluttir suður var það mikið sport
að fá að gista hjá þér og þá vökt-
um við oft frameftir og borðuð-
um súkkulaði, horfðum á sjón-
varpið og kúrðum svo saman í
þinni holu. Þröngt máttu sáttir
liggja. Í morgunmat fékk ég svo
ristað hveitibrauð með smjöri,
sem ég fékk aldrei nema hjá þér.
Ég er ótrúlega stolt að hafa
átt þig fyrir ömmu og á eftir að
minnast þín á hverjum degi sem
eftir er. Ég vona að þú hafir hitt
allt fólkið okkar þarna hinum
megin. Ég kveð þig með miklum
söknuði með ljóði eftir Guðrúnu
frá Brautarholti. Við sjáumst
seinna elsku amma mín.
Angrið sækir okkur tíðum heim
sem erum fávís börn í þessum heim
við skynjum fátt, en skilja viljum þó
að skaparinn oss eilíft líf til bjó,
að upprisan er öllum sálum vís
og endurfundir vina í paradís.
Þín
Harpa.
Ína föðursystir mín fæddist á
Hríshóli í Reykhólasveit árið
fyrir upphaf fyrri heimsstyrjald-
ar. Hún var dóttir Kristrúnar
Magnúsdóttur og Kristjáns Ein-
arssonar sem eignuðust auk
hennar drengina Halldór og Ein-
ar, föður minn. Kristrún lést
nokkrum klukkustundum eftir
að hann fæddist, í ágúst 1917.
Ína var þá nýorðin fjögurra ára.
Hún sagðist hafa verið fjörug
skotta fram að því en allt breytt-
ist við móðurmissinn. Hún átti
eina minningu um mömmu sína:
þær voru á leið í bólusetningu á
næsta bæ og mamma hennar
lánaði henni fína trefilinn sinn og
Ínu þótti hún vera glæsilegasta
stúlkan í Reykhólasveit.
Vorið 1918 flutti Kristján suð-
ur í Dali. Pabbi fór í fóstur en
Ína og Haddi fylgdu pabba sín-
um. Ína ólst upp í Hólum í
Hvammssveit og var farin að
gegna störfum ráðskonu barn að
aldri. Hún fékk fyrst að fara í
kaupstaðinn tólf ára, það hafði
gengið svo vel að þvo ullina. Um
tvítugt fór hún til Reykjavíkur
og vann þar í nokkur ár áður en
hún hélt aftur vestur. Hún giftist
Magnúsi Sigurbjörnssyni í Gler-
árskógum í Hvammssveit og þar
bjuggu þau í fjóra áratugi og
eignuðust þrjár dætur. Magnús
var grandvar dugnaðarmaður og
Ína lærði ekki að hvíla sig fyrr
en á áttræðisaldri og lærði þó
ekki.
Magnús lést skömmu eftir að
þau hættu búskap og Ína stóð
uppi ein. Þá fór hún að gera það
sem hana hafði kannski alltaf
langað til; að mála myndir. Dæt-
urnar réðu henni einkakennara
og myndirnar báru vitni inn-
bornu listfengi. Svo fór hún vest-
ur á sumrin og ræktaði garðinn
sinn. Hún var minnug og mundi
þá tíma upp úr fyrra stríði þegar
enn hafði ekki heyrst í vél vestur
í Hvammssveit. Fyrir skömmu
sagði ég henni frá því hvað það
hefði verið erfitt að ná bíllausum
mínútum þegar ég var að hljóð-
rita lækjarniðinn í Leysingja-
staðahlíðinni til að nota í tónlist.
„Ja, það var nú öðruvísi þegar ég
var í Hólum. Hann pabbi þinn
söng alltaf þegar hann var að
reka kindurnar á Leysingjastöð-
um, við heyrðum í honum yfir og
pabbi sagði að hann myndi eyði-
leggja í sér röddina með þessu!“
Hún reyndist mér drjúg hjálp-
arhella þegar mig langaði að
skyggnast inn í líf þess fólks sem
við vorum bæði komin af.
Sársaukinn yfir að hafa ekki
fengið að kynnast móður sinni
betur bjó enn með henni tæplega
aldargamalli. En hún var sterk í
sínu milda og ívið glettna fasi. Á
þann styrk reyndi í haust þegar
hún missti elstu dóttur sína.
1. júní 1913 voru næturgestir
á Hríshóli þar sem Kristrún var
langt gengin með Ínu. Í þeim
hópi var Matthías Jochumsson,
að líta æskuslóðirnar í hinsta
sinn. Þeim dvaldist á Hríshóli
daginn eftir vegna þess að skáld-
ið var að ræða spíritisma við
Kristján bónda. Kannski hefur
sú umræða borist til Ínu í móð-
urkviði, en hún var sannfærð um
að annað líf biði hennar að loknu
þessu. Það vona ég líka, meðal
annars vegna þess að það var svo
gaman að tala við Ínu frænku,
einhverja ærlegustu og falleg-
ustu manneskju sem ég hef
kynnst.
Tómas R. Einarsson.
Blessuð sé minning Ínu, minn-
ing um yndislega góða konu,
manneskjulega bóndakonu sem
byggði sitt ból undir dalanna sól.
Ína var gift ömmubróður mín-
um Magnúsi sem lést fyrir 26 ár-
um, þau bjuggu saman í Gler-
árskógum vestur í Dölum. Eftir
að frændi minn féll frá flutti Ína
suður til Reykjavíkur og bjó í
höfuðborginni yfir vetrarmán-
uðina en fyrir vestan á sumrin.
Ég varð þeirrar gæfu aðnjót-
andi að vera í sveit hjá Ínu og
Magnúsi frænda. Ég var aðeins
Eðvaldína Magney
Kristjánsdóttir (Ína)
Grand hótel Reykjavík,
Sigtúni 38, sími 514 8000.
erfidrykkjur@grand.is • grand.is
Grand
erfidrykkjur
• Hlýlegt og gott viðmót
á Grand hótel.
• Fjölbreyttar veitingar
lagaðar á staðnum.
• Næg bílastæði og gott
aðgengi.
✝
Eiginmaður minn, faðir okkar, tengdafaðir, afi
og bróðir,
JÓN JÓSEFSSON
flugvirki,
Markarflöt 10,
Garðabæ,
andaðist á líknardeild Landspítalans í
Kópavogi fimmtudaginn 24. nóvember.
Kristín Gísladóttir,
Brynja Hrönn Jónsdóttir,
Hildur Edda Jónsdóttir, Bragi Smith,
Sverrir Már Jónsson,
Gunnar Hrafn Jónsson,
Helgi Hrannar og Brynjar Orri,
Anna Guðrún Jósefsdóttir,
Sesselja Ingibjörg Jósefsdóttir.
✝
Okkar innilegustu þakkir færum við öllum
þeim sem sýndu okkur samúð og stuðning
við andlát og útför okkar elskulega eigin-
manns, föður, tengdaföður, afa og langafa,
JENS PÉTURS CLAUSEN,
Fögrubrekku 7,
Kópavogi.
Sérstakar þakkir viljum við færa starfsfólki göngudeildar hjarta-
bilunar og hjartadeildar Landspítalans.
Marsibil Jóna Tómasdóttir,
María Anna Clausen og fjölskylda,
Arinbjörn Viggo Clausen og fjölskylda,
Bára Jóhannesdóttir og fjölskylda,
Bjarki Þór Clausen og fjölskylda.
Innilegar þakkir fyrir hlýhug og samúðar-
kveðjur við andlát og útför föður okkar,
tengdaföður, afa og langafa,
EINARS B. PÁLSSONAR,
Ægisíðu 44,
Reykjavík.
Sérstakar þakkir til starfsfólks Sóltúns fyrir
alúð og umhyggju.
Sigríður Einarsdóttir, Gunnar Sigurðsson,
Páll Einarsson, Ingibjörg Briem,
Baldvin Einarsson, Sigrún Steingrímsdóttir,
Árni Einarsson, Unnur Þóra Jökulsdóttir,
barnabörn og barnabarnabörn.
✝
Eiginmaður minn, faðir, tengdafaðir, afi og
langafi,
BJÖRN ÞORLEIFSSON,
Bárugötu 12,
Dalvík,
lést á Dalbæ mánudaginn 21. nóvember.
Útförin fer fram frá Dalvíkurkirkju föstudaginn
2. desember kl. 13.30.
Fyrir hönd fjölskyldunnar,
Jónína Árnadóttir.
✝
Elskulegur faðir okkar, tengdafaðir, afi, lang-
afi og vinur,
HERMANN VALSTEINSSON,
Miðvangi 41,
Hafnarfirði,
lést á Landspítalanum við Hringbraut
föstudaginn 18. nóvember.
Útförin fer fram frá Fríkirkjunni í Hafnarfirði mánudaginn
28. nóvember kl. 13.00.
Haukur Hermannsson, Ólöf Ásgeirsdóttir,
Pétur Ágúst Hermannsson,
Reynir Hermannsson,
Martha M. K. Ingimarsdóttir,
barnabörn, barnabarnabörn og aðrir aðstandendur.
✝
Ástkær unnusta mín, dóttir okkar, systir,
mágkona og frænka,
PETRÍNA MARGRÉT ÁRNADÓTTIR,
Sólheimum 27,
Reykjavík,
verður jarðsungin frá Langholtskirkju fimmtu-
daginn 1. desember kl. 13.00.
Guðmundur Mjöllnir Þorsteinsson,
Árni Sigurðsson, Sigurbjörg Sigurðardóttir,
Kristófer Eiríkur Árnason, Sandra Ólafsdóttir,
Þorkell Árnason, Oddný Bergþóra Helgadóttir,
Viðar Már Ólafsson,
Kristófer Örn Kristófersson,
Kristinn Arnar Kristófersson. ✝
Móðir okkar, tengdamóðir, amma og lang-
amma,
KRISTJANA ÞÓRHALLSDÓTTIR,
Reykjaheiðarvegi 6,
Húsavík,
lést á Heilbrigðisstofnun Þingeyinga
fimmtudaginn 24. nóvember.
Útförin fer fram frá Húsavíkurkirkju laugardaginn 3. desember
kl. 14.00.
Blóm og kransar vinsamlega afþakkaðir en þeim sem vildu
minnast hennar er bent á Heilbrigðisstofnun Þingeyinga.
Þórhallur Björnsson, Sigríður Björg Sturludóttir,
Þorkell Björnsson, Hulda Guðrún Agnarsdóttir,
Arnar Björnsson, Kristjana Helgadóttir,
barnabörn, barnabarnabörn og aðrir aðstandendur.
✝
Ástkær eiginkona mín, móðir, tengdamóðir og amma,
ÞÓRUNN ÁSTRÓS SIGURÐARDÓTTIR,
Höfðabrekku 23,
Húsavík,
lést í faðmi fjölskyldunnar aðfaranótt föstudagsins 25. nóvember.
Útförin verður tilkynnt síðar.
Ólafur Ármann Sigurðsson,
Sandra Kristín Ólafsdóttir, Einar Víðir Einarsson,
Andrea Jóhanna Ólafsdóttir, Hrafn Malmquist,
Ólafur Ármann Sigurðsson, Ásta Björk Aðalgeirsdóttir,
Atli, Bogi og Lísa Bríet.