Morgunblaðið - 09.02.2012, Blaðsíða 2
Umdeild kaup
» Huang Nubo keypti jörðina
Grímsstaði á Fjöllum 24. ágúst
í fyrra fyrir 1 milljarð króna.
» Kaupin voru háð því að
undanþága til þeirra fengist frá
innanríkisráðherra.
» Innanríkisráðherra hafnaði
undanþágubeiðni Huangs í lok
nóvember, m.a. á grundvelli
þess að um fordæmalausa
stærð lands væri að ræða.
Sigrún Rósa Björnsdóttir
sigrunrosa@mbl.is
Bergur Elías Ágústsson, bæjar-
stjóri Norðurþings, og Halldór Jó-
hannsson, talsmaður Huang Nubo
hér á landi, eru nú á leið til Kína til
fundar við Huang um fjárfestingar í
Norðurþingi.
„Þetta eru tilraunir okkar til að
ná þessari fjárfestingu inn á þetta
svæði og við leggjum mikið á okkur
til þess,“ segir Gunnlaugur Stef-
ánsson, forseti bæjarstjórnar Norð-
urþings. Þar á meðal sé sá mögu-
leiki að Norðurþing kaupi
Grímsstaði á Fjöllum með láni frá
Huang og leigi honum síðan landið
áfram.
Þegar spurt er um lagahlið máls-
ins segir Gunnlaugur að hún hafi
ekki verið skoðuð sérstaklega. Hún
hljóti hins vegar að vera kleif þar
sem hér sé rætt um leigu en ekki
kaup á landi.
„Menn töldu alla vega grundvöll
til að fara og hitta hann,“ segir
Gunnlaugur þegar spurt er hve
langt málið sé komið. Spurður um
möguleika á frekari fjárfestingum
Huang á svæðinu segir Gunnlaugur
það liggja í augum uppi að komi
svona aðili á svæðið þá komi hann
að öðrum verkefnum.
Fundar með Huang í Kína
Bæjarstjóri Norðurþings ræðir þann möguleika við Huang Nubo að sveitarfé-
lagið kaupi Grímsstaði á Fjöllum Huang láni kaupverðið og leigi síðan jörðina
© Mats Wibe Lund
Grímsstaðir Norðurþing reynir að
fá Huang til að fjárfesta á svæðinu.
2 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Fyrsti viðskiptavinur Verne Global gagnavers-
ins á Ásbrú er bandaríska fyrirtækið Datapipe
sem sérhæfir sig í umhverfisvænum lausnum í
upplýsingatækni. Í dag verður tilkynnt um fleiri
mikilvæga viðskiptavini og samstarfsaðila.
Gagnaver Verne Global var formlega opnað í
húsakynnum félagsins á Ásbrú í Reykjanesbæ í
gær. Oddný Harðardóttir starfandi iðnaðar-
ráðherra, Árni Sigfússon bæjarstjóri og Jeff
Monroe stjórnarformaður klipptu á borða til
marks um það. Verne er í 500 fermetra rými sem
Varnarliðið notaði fyrir verslun og fleira en
fyrirtækið keypti húsnæðið af Þróunarfélagi
Keflavíkurflugvallar fyrir fjórum árum. Unnið
hefur verið að lagfæringu húsnæðisins í áföng-
um. Uppsetning tækja versins hófst í október.
Gagnaverið nýtir raforku frá Landsvirkjun en
vindurinn er einnig markvisst nýttur til kæl-
ingar á tölvubúnaði þess. Fimmtán starfsmenn
eru nú í gagnaverinu. Þegar uppbyggingunni
lýkur, á árinu 2017, er gert ráð fyrir að um 100
störf verði hjá því. Heildarkostnaður er áætl-
aður um 700 milljónir Bandaríkjadala sem svar-
ar til um 85 milljarða króna.
Nýir samstarfsaðilar kynntir í dag
Ljósmynd/Víkurfréttir
Jóhanna Sigurðardóttir forsætisráð-
herra mun ekki ávarpa árlegt Við-
skiptaþing Viðskiptaráðs Íslands,
sem haldið verður næstkomandi
miðvikudag, 15. febrúar.
Finnur Oddsson, framkvæmda-
stjóri VÍ staðfestir að forsæt-
iráðherra hafi verið boðið að flytja
erindi en ekki þekkst boðið.
Jóhann Hauksson, upplýsinga-
fulltrúi ríkisstjórnarinnar, segir for-
sætisráðherra ekki hafa séð sér fært
að ávarpa þingið en gaf ekki frekari
skýringar. Jóhanna er nú stödd í
Stokkhólmi á leiðtogafundi níu ríkja
norðanverðrar Evrópu og er vænt-
anleg til landsins eftir helgi.
Yfirskrift Viðskiptaþings í ár er
„Hvers virði er atvinnulíf?“ Sam-
kvæmt dagskrá á að fjalla um öflugt
og framsækið atvinnulíf, þar sem
verðmætasköpun er í forgrunni, sem
undirstöðu góðra lífskjara á Íslandi.
sigrunrosa@mbl.is
Ávarpar
ekki Við-
skiptaþing
Jóhann
Hauksson
Forsætisráðherra
þekktist ekki boðið
Finnur
Oddsson
Björgunarsveitir Slysavarnafélags-
ins Landsbjargar í Húnavatns-
sýslum og Skagafirði leituðu fram á
nótt að tveimur unglingspiltum sem
struku af meðferðarheimili í Skaga-
firði í gær. Um fimmtíu björgunar-
sveitamenn tóku þátt í leitinni og
óku slóða og leituðu í útihúsum við
sveitabæi í Svartárdal.
Björgunarsveitir voru kallaðar út
til leitar á áttunda tímanum í gær-
kvöldi, en þá var tilkynnt að þrír
drengir hefðu strokið. Skömmu síð-
ar gaf einn þeirra sig fram en ekki er
vitað hvar hinir tveir halda sig. Talið
er að þeir hafi farið í Svartárdal, inn
af Húnaveri. Drengirnir voru illa
búnir.
Leita tveggja
strokupilta
Helgi Bjarnason
helgi@mbl.is
Skilja á milli þess sem nefnt er fjöl-
miðlaþjónusta í almannaþágu og ann-
arrar starfsemi Ríkisútvarpsins,
samkvæmt drögum að frumvarpi um
Ríkisútvarpið sem nefnd mennta- og
menningarmálaráðherra hefur skilað
og ráðuneytið kynnt. Gert er ráð fyrir
því að öll starfsemi sem ekki fellur
undir fjölmiðlaþjónustu í almanna-
þágu fari fram í dótturfélögum, þar á
meðal sala auglýsinga og dreifing á
áður framleiddu efni RÚV.
Hlutverki og skyldum Ríkisút-
varpsins sem fjölmiðlaþjónustu í al-
mannaþágu er nánar lýst en áður hef-
ur verið gert, einkum samfélagslegu,
lýðræðislegu og menningarlegu hlut-
verki. Stofnuð verða dótturfélög um
starfsemi sem ekki fellur undir þetta
og eiga þau að falla undir lögsögu
samkeppnisyfirvalda. Tilgangur
dótturfélaga RÚV er að styðja við
starfsemi móðurfélagsins með því að
nýta tæknibúnað, dreifikerfi og sér-
þekkingu starfsmanna. Meðal starf-
semi dótturfélaga er að taka saman,
gefa út og dreifa hvers konar áður
framleiddu efni í eigu Ríkisútvarps-
ins. Sú starfsemi fer nú meðal annars
fram á vef RÚV.
Fjárhagslegur aðskilnaður
Ríkisútvarpið skal fela dótturfélagi
að selja auglýsingar í miðlum sínum.
Skal halda fjárreiðum aðgreindum
frá starfsemi sem nefnd er fjölmiðla-
þjónusta í almannaþágu. Einnig er
kveðið á um aðskilnað ritstjórna Rík-
isútvarpsins og dótturfélaga þess.
Lagt er til að sala auglýsinga í
sjónvarpi verði takmörkuð þannig að
auglýsingar verði ekki lengri en 10
mínútur á hverjum klukkutíma.
Fram kemur í tilkynningu mennta-
og menningarmálaráðuneytisins að
það muni skerða auglýsingatekjur
Ríkisútvarpsins um 15%.
Breytingar á auglýsingasölu og
fleiri atriði eru í athugasemdum
með frumvarpinu sögð miða „að
því að gera starfsemi Ríkisút-
varpsins óháða viðskiptaleg-
um samkeppnissjónarmið-
um og búa í haginn fyrir
stjórn og starfsmenn að
efla og treysta enn
frekar stöðu Ríkisút-
varpsins sem óháður
fjölmiðill allra landsmanna
sem hægt er að treysta“.
Auglýsingar í dótturfélag
Skilið verður á milli fjölmiðlaþjónustu í almannaþágu og annarrar starfsemi
Ríkisútvarpsins Auglýsingar í sjónvarpi takmarkaðar samkvæmt frumvarpi
RÚV Frumvarp hefur verið kynnt.
Skýrar er mælt fyrir um skil á
milli verksviðs stjórnar og út-
varpsstjóra í frumvarpsdrögum
en í núverandi lögum. Lögfesta
á að útvarpsstjóri skuli ekki
gegna öðrum störfum á vett-
vangi. Núverandi útvarpsstjóri
er jafnframt fréttaþulur Sjón-
varps.
Umsjón með eignarhluta rík-
isins í Ríkisútvarpinu færist frá
fjármálaráðherra til mennta-
og menningarmálaráð-
herra. Gert er ráð fyrir
breyttri skipan stjórnar
RÚV. Meirihlutinn verður
tilnefndur af sérstakri
valnefnd fulltrúa Al-
þingis, listamanna og
háskólafólks.
Útvarpsstjóri
lesi ekki fréttir
ÁKVÆÐI UM STJÓRNUN
Páll
Magnússon.