Morgunblaðið - 09.02.2012, Blaðsíða 13

FRÉTTIR 13Innlent
MORGUNBLAÐIÐ FIMMTUDAGUR 9. FEBRÚAR 2012
.000!
Vertu í hópi þeirra bestu. Hönnun Ford er
gegnheil og tekur mið af þér og þínum,
allri fjölskyldunni - stórum sem smáum. Spyrðu
um fyrirmyndarþjónustu Brimborgar. Nýttu þér
Þorratilboðið: seldu okkur gamla bílinn þinn og
kauptu Ford Kuga Titanium S AWD.
Veldu Ford. Komdu í Brimborg í dag.
skoðaðu
Þorratilboðið
Opið 9-17
Helgi Bjarnason
helgi@mbl.is
Landgræðslan mun grípa til neyð-
arráðstafana til að reyna að koma í
veg fyrir að Skaftá flæði yfir gróð-
urlendi í Landbroti í næstu flóðum.
Farvegur árinnar hefur hækkað
undanfarna mánuði vegna fram-
burðar á aur og ösku og er þegar
byrjað að flæða inn á jarðir í Land-
broti.
„Landgræðslan metur þetta
ástand alvarlegt. Við munum grípa
til neyðarráðstafana sem við vonum
að dugi þegar næsta vatnskast kem-
ur í Skaftá til að verja það mikla
gróðurlendi sem er í vari við þessa
garða,“ segir Sveinn Runólfsson
landgræðslustjóri.
Vatnar yfir varnir
Sigurjón Einarsson, eftirlitsmað-
ur Landgræðslunnar, skoðaði að-
stæður við Skaftá í gær með Einari
Bjarnasyni í Eystri-Dalbæ í Land-
broti. Hann segir að flætt hafi inn á
gróðurlendið í fyrradag. Jökulvatnið
hafi farið aðeins yfir varnargarða og
á milli þeirra.
Jökulfjótin á Suðurlandi bera með
sér mikinn aur frá jöklum. Jarðvegs-
rof og framburður jókst mjög eftir
Grímsvatnagosið í fyrra. Mesta
öskufallið var í Skaftárhreppi og er
þykkt öskulag næst eldstöðinni.
Hefur þetta haft áhrif víða. Þannig
hefur stöðugt þurft að grafa upp úr
Svaðbælisá undir Eyjafjöllum til
þess að hringvegurinn rofni ekki.
Fleiri ár þar valda bændum erfið-
leikum. Nú er verið að huga að
aðgerðum til að verja bæinn Hvol í
Fljótshverfi vegna aukins framburð-
ar í Hverfisfljóti og Brunná.
Vatnavextir hafa verið undan-
farna daga í Skaftá vegna rigninga
og leysinga. Nú er lítið borð fyrir
báru því aurframburður hefur
hækkað farveg árinnar svo mikið að
farið er að flæða yfir bakka sem voru
hálfan annan metra yfir vatnsborði
fyrir ári. Farvegur árinnar er nú
mun hærri en landið á bak við varn-
argarðana og því er mikið gróður-
lendi í Landbroti og austasti hluti
Meðallands í hættu, að sögn land-
græðslumanna.
Mokað upp á bakka
Spáð er úrkomu næstu daga. Því
telur Landgræðslan þörf á að grípa
strax til aðgerða til að verja Land-
brotið. Verður það gert í samráði við
sveitarstjórn Skaftárhrepps.
Sigurjón reiknar með að byrjað
verði á því að moka efni upp úr far-
veginum til að hækka bakka og varn-
argarða. Verið er að fara yfir það
hvar brýnast er að vinna en hann tel-
ur að hækka þurfi varnir á nokkurra
kílómetra kafla. Reiknað er með að
byrjað verði á verkinu í dag eða á
morgun.
Þá vinnst tími til að huga að var-
anlegri varnargörðum. „Við munum
hefja hönnun á varnargörðum sem
við teljum að muni verja þetta verð-
mæta gróðurlendi frá jörðunum í
Landbroti,“ segir Sveinn land-
græðslustjóri.
Gróður Landbrots í hættu
 Landgræðslan grípur til neyðarráð-
stafana til að verja gróðurlendi í Land-
broti fyrir ágangi Skaftár
Ljósmynd/Sigurjón Einarsson
Landbrot Skaftá fór aðeins upp á bakka sína í Landbroti í fyrradag. Lítið þarf að bætast í ána til þess að stór-
skemmdir verði á gróðurlendi. Í fjarska sést til Síðu og Kirkjubæjarklausturs.