Morgunblaðið - 11.02.2012, Blaðsíða 11
DAGLEGT LÍF 11
MORGUNBLAÐIÐ LAUGARDAGUR 11. FEBRÚAR 2012
Í dag verður Heimsdagur barna
haldinn hátíðlegur í Menningar-
miðstöðinni Gerðubergi og frí-
stundamiðstöðinni Miðbergi. Á
Heimsdeginum verður börnum og
fjölskyldum þeirra boðið að taka
þátt í fjölbreyttum listsmiðjum og
njóta margs konar skemmtunar. Að
þessu sinni er þema Heimsdagsins
Magnað myrkur. Hrollvekjuhús
töframannsins Jóns Víðis Jakobs-
sonar er ein smiðjan og aðeins ætlað
þeim allra hugrökkustu.
Skuggalegar kynjaverur
Í myrkrinu leynast skuggalegar
kynjaverur sem flestir varast að
mæta á köldum vetrarnóttum. Þau
ykkar sem þora, komið og bankið
upp á í hrollvekjuhúsinu og látið
ærsladrauga og aðrar myrkraverur
hræða úr ykkur líftóruna. Svo segir
um hrollvekjuhúsið sem Jón Víðis
hefur komið upp á Gerðubergi.
„Jú, ég ætla að reyna að hræða
börnin eins og ég get en samt ekkert
of mikið. Það verður hægt að hætta
og láta hugga sig ef þetta er of
skelfilegt. Þetta er örugglega skelfi-
legt fyrir þau yngstu enda er þessi
smiðja miðuð við sjö ára krakka og
eldri en foreldrar geta komið með
líka. Þetta er gangur sem þau labba
og skríða undir líka og þarna er alls
konar hryllingur og ófögnuður.
Sjálfur verð ég í beinagrindarbún-
ingi og hræði krakkana,“ segir Jón
Víðis. Hann hefur áður sett upp slíkt
hús á frístundaheimilum og hafa þau
verið vinsæl en hryllingshúsið í
Gerðubergi er enn stærra og veg-
legra núna.
Aðgangur er ókeypis í dag og allir
eru velkomnir en nánari upplýsingar
um fleiri smiðjur má nálgast á
heimasíðu Gerðubergs þar sem hún
er birt á sjö tungumálum auk ís-
lensku.
Heimsdagur barna í Gerðubergi
Morgunblaðið/Árni Sæberg
Hryllingur Jón Víðis hræðir börn í hryllingshúsi í Gerðubergi um helgina.
Hrollvekjandi verur
Morgunblaðið/Árni Sæberg
Norn Þessi er ekki mjög frýnileg.
Morgunblaðið/Árni Sæberg
Skreytt Hrollvekjuhúsið er hluti af smiðjum á Heimsdegi barna.
Það er ekki annað hægt en að hrífast
af þessari vefsíðu þar sem hægt er
að skoða ýmis undur veraldar. Allt frá
örlitlum yfir í risastór. Hægt er að
smella á hverja teikningu fyrir sig til
að lesa um eftirfarandi. Það er t.d.
hægt að lesa sér til um risaeðlur,
pláneturnar og dodofuglinn. Vefsíðan
er mjög flott hönnuð þannig að hægt
er að nota músina til að færast sífellt
nær og fjær hlutum á jörðinni. Þannig
getur maður þotið lengst út í geim á
skjánum fyrir framan sig. Síðan aftur
alla leið til baka og lengst inn til ör-
smárra frumna og blóðkorna lík-
amans. Þetta er ekta skemmtileg vef-
síða fyrir forvitna grúskara sem vilja
ná sér í fræðslu á meðan þeir drepa
tímann á netinu. Það er eiginlega erf-
itt að hætta að skoða og þess vegna
ágætt að gefa sér dágóðan tíma til að
fletta áfram og áfram …
Vefsíðan www.images.4channel.org
Ógnarstór Gaman er að fræðast um risaeðlur og fleiri undur veraldar.
Forvitnilegt grúsk um heiminn
Morgunblaðið/Golli
Skannaðu kóðann
til að fara inn á
vefsíðuna.
Á vegum Jóhönnu Kristjónsdóttur,
sem þaulkunnug er málefnum Aust-
urlanda nær, eru hingað komnir þrír
íranskir teppasölumenn. Þeir hafa í
farangrinum miklar gersemar, pers-
nesk teppi. Þessi menningarlega við-
skiptasendinefnd kemur frá Esfahan
í Íran, sem er helsta miðstöð versl-
unar með persnesk teppi. En í dag
hefst sýning þar sem Íslendingum
býðst að skoða og kaupa persnesk
teppi.
Með í för er íranski leiðsögumað-
urinn Pezman Azizi, sem hefur lóðs-
að hundruð Íslendinga um Íran, í
ferðum Jóhönnu. Allir eru gestirnir
frá Persíu flugmæltir á ensku, við-
ræðugóðir og skemmtilegir, og búa
yfir einstakri þekkingu á heillandi
veröld teppalistarinnar. Meðfylgj-
andi eru myndir sem teknar voru í
verslun þeirra félaga í fyrravor þeg-
ar Íslendingahópur Jóhönnu kom í
heimsókn til Esfahan.
Sýningin verður haldin að Hverf-
isgötu 33 og verður opnuð klukkan
13 í dag. Það er um að gera að líta við
og skoða falleg teppi en handunnin
teppi endast í fjölda ára og eru því
sannarlega framtíðareign.
Endilega…
Ljósmynd/Hrafn Jökulsson
Skoðun Íslenskir ferðalangar í heimsókn hjá teppasölumönnum í Esfahan.
Ferðalangar Jóhanna glöð í bragði.
…skoðið
gersemar