Morgunblaðið - 11.02.2012, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 11. FEBRÚAR 2012
Kærleiksvika verður haldin í þriðja
sinn í Mosfellsbæ 12.-19. febrúar.
Þátttaka hefur ætíð verið góð.
„Markmið vikunnar er að hver ein-
asti bæjarbúi finni fyrir kærleik í
sinn garð og gefi af sér kærleik.
Þetta gæti falist í hrósi, faðmlagi,
brosi, fallegum skilaboðum eða ein-
hverju öðru uppbyggilegu og
skemmtilegu,“ segir í tilkynningu.
Skipulögð hefur verið fjölbreytt
dagskrá fyrir alla fjölskylduna alla
vikuna. Meðal annars er stefnt að
því að setja Íslandsmet í fjölda
skýjalukta. Þá verður kærleiks-
hátíð í Kjarna á mánudaginn.
Dagskrá vikunnar er kynnt á vef
Mosfellsbæjar www.mos.is/
kaerleiksvika og á Facebook-síðu
Kærleiksvikunnar.
Morgunblaðið/Heiddi
Gleði Knúsað á kærleiksviku í Mosó.
Kærleiksvika
Rauði kross Íslands hefur sent
neyðarstyrk sem nemur tveimur
milljónum króna til aðstoðar fórn-
arlömbum kuldabylgjunnar í Hvíta-
Rússlandi en frost í landinu hefur
farið niður fyrir þrjátíu gráður á
síðustu vikum. Veðurspá gerir ráð
fyrir áframhaldandi frosthörkum
nú um helgina og mikilli kuldatíð út
febrúarmánuð. Þá var heill gámur
af hlýjum fatnaði sem sjálf-
boðaliðar á Íslandi hafa safnað og
prjónað sendur af stað til Hvíta-
Rússlands í vikunni og munu þau
föt nýtast um 12.500 manns. Sams-
konar fatagámur var einnig sendur
til landsins á haustmánuðum og
kemur sá fatnaður fjölda fólks að
góðum notum í frosthörkunum.
Rauði krossinn
sendi út fatagám
Framkvæmdastjórn ESB er um
þessar mundir að mæla breiðbands-
hraða í 30 Evrópulöndum, þ.e. að-
ildarríkjunum 27 auk Króatíu, Nor-
egs og Íslands. Sambandið og
samstarfsaðilar leita nú að sjálf-
boðaliðum á Íslandi til að taka þátt í
mælingunni. Til að taka þátt í könn-
uninni þarf að fara á vefsíðuna
http://www.samknows.eu/is/ipad
og skrá sig þar. Eftir að valið hefur
verið úr hópi sjálfboðaliða fá 100
þeirra send mælitæki. Einn úr
hópnum fær síðan iPad2 í verðlaun.
ESB mælir hraða
STUTT
Birkir Fanndal
Mývatnssveit
Fuglasafn Sigurgeirs við Mývatn
er rekið af miklum metnaði og á
það við um sýninguna svo og um-
gjörð alla.
Hinn 31. janúar var þess minnst
myndarlega að Sigurgeir Stefáns-
son, stofnandi safnsins, hefði orðið
50 ára þann dag, en hann fórst við
þriðja mann við vinnu á Mývatni í
október 1999. Á afmælisdaginn
var fjölskylda hans með opið hús
og rausnarlegar veitingar á safn-
inu, þangað kom fjöldi fólks í til-
efni dagsins, einkum sveitungar
Sigurgeirs og vinir.
Laugardaginn 4. febrúar var
síðan aftur boðið þar til samkomu
með fjölbreyttri fræðsludagskrá.
Flutt voru allmörg erindi, m.a. um
fugla og fuglaskoðun, hljómsveit
skemmti með tónlist og rausn-
arlegar veitingar voru í boði
safnsins. Fjölmenni kom til sam-
komunnar, sem tókst vel í alla
staði.
Fuglasafn Sigurgeirs er opið
alla daga frá vori til hausts og á
öðrum tímum eftir samkomulagi.
Aðsókn er þokkalega góð en mætti
verið meiri. Á síðasta ári komu um
11 þúsund gestir á safnið. Þar get-
ur að líta eintök allra íslenskra
fugla auk margra erlendra. Í tjörn
inni í safninu syndir bleikja og þar
er einnig kúluskítur, en hann hef-
ur hægt um sig. Fuglasjónaukar
eru þar til staðar og má í þeim á
sumardegi sjá flórgoða og fleiri
fugla á hreiðrum sínum skammt
frá safninu.
Efst á óskalista safnstjórans,
Péturs Bjarna Gíslasonar, er að
vegurinn að safninu verði endur-
byggður og lagður bundnu slitlagi,
þannig að greiðfært sé stórum
rútum.
Vetur við Fuglasafn Sigurgeirs
Morgunblaðið/Birkir Fanndal
Vetrarfegurð Umgjörð fuglasafnsins er ægifögur þegar Mývatnssveit skartar sínu fegursta , Bláfjall í baksýn.
Nú stendur yfir söfnunarátak ABC barna-
hjálpar í samstarfi við grunnskóla lands-
ins. Söfnunin stendur yfir til 8. mars nk og
munu skólabörn úr 4.-6. bekk ganga í hús
með söfnunarbauka frá ABC. Þessi söfn-
un, sem nú er haldin í 12. sinn, er mikil-
væg fjáröflun fyrir ABC barnahjálp en
fyrir afrakstur þeirra hafa verið byggðir
fjölmargir skólar og heimili fyrir fátæk
börn í þróunarlöndum.
Í fyrra tóku 2.696 börn úr 87 skólum
þátt í söfnuninni og söfnuðust samtals
7.485.844 kr. Söfnunarfénu var ráðstafað
til efirfarandi verkefna: Til að ljúka bygg-
ingu nýs skóla fyrir El Shaddai-heimilið í
Chennai á Indlandi, til að kaupa skólaborð
og bekki fyrir ABC-skólana í Pakistan og
til að kaupa lóð og hefja byggingu
heimavistarskóla fyrir götubörn í Nairobi
í Kenía.
Í ár verður söfnunarfénu m.a varið til
að halda áfram byggingu ABC-skólans í
Nairobi. Einnig verður byggður lítill skóli
fyrir fátæk Masai-börn sem búa á slétt-
unni við fjallið Kilimanjaro í Kenía.
Skólabörn safna fyrir ABC
Söfnun Isaac, götudrengur í
Nairobi sem nýtur stuðnings.
100.000 kr. í Debenhams
Meikóver-dag með Kalla
Fjölda annarra vinninga
Sendu 5 toppa
af Merrild eða
Senseo-pökkum fyrir
17. mars til:
Merrild
Pósthólf 78
130 Rvk
Helgi Bjarnason
helgi@mbl.is
Mikil eftirspurn var eftir minka-
skinnum á loðskinnauppboði Kopen-
hagen Fur sem lauk í gær. Verðið
hækkaði og hefur aldrei verið hærra.
Áætlað er að meðalverð íslenskra
skinna sem þar voru boðin til sölu
hafi farið yfir 10 þúsund krónur.
Pláss er fyrir 600 kaupendur í
uppboðssalnum í Kaupmannahöfn.
Einar E. Einarsson, loðdýraræktar-
ráðunautur Bændasamtaka Íslands,
var á staðnum og segir að salurinn
hafi verið fullur við upphaf uppboðs-
ins á þriðjudag. Alls komu um 700
kaupendur við sögu á uppboðinu, þar
af um 400 frá Austur-Asíu. Til sam-
anburðar má geta þess að á febr-
úaruppboði í fyrra voru innan við 500
kaupendur og aðeins 130 frá Asíu.
Hálf milljón á sekúndu
Salan var eftir því. Selt var fyrir
um hálfa milljón íslenskra króna á
hverri sekúndu fyrsta daginn. Verð-
ið hækkaði. Ekki hafa verið birtar
sölutölur en Einar áætlar að minka-
skinnin hafi hækkað um 15% að með-
altali, frá síðasta uppboði.
Aukin eftirspurn er rakin til harðra
vetra í Rússlandi og Kína. Salan loð-
skinna í Kína hefur aukist hratt.
Þannig gekk mjög á birgðir þar í jan-
úar þegar Kínverjar fögnuðu nýju ári.
Meðalverð á minkaskinnum var
um 8.200 krónur á síðasta sölutíma-
bili og hafði aldrei verið hærra. Ein-
ar segir ljóst að verðið á uppboðinu
nú verði enn hærra og telur sig geta
fullyrt að meðalverðið sé komið yfir
10 þúsund krónur.
„Þeir sem eru starfandi í grein-
inni eru í skýjunum,“ segir Einar
um viðbrögð bænda. Hann bætir
því við að einhverjir séu að stækka
við sig og tveir nýir að bætast í hóp-
inn.
Hann kveðst bjartsýnn um fram-
haldið. „Verðið verður ekki lengi í
þessum hæðum en ég hef fulla trú á
að við fáum viðunandi verð á kom-
andi árum,“ segir Einar.
Fá 10 þúsund kr. fyrir skinnið
 Mikil eftirspurn á loðskinnauppboði í Kaupamannahöfn  Loðskinnskápur
renna út í kuldunum í Rússlandi og Kína  Verðið í hæstu hæðum
Boðið Líflegt er á uppboðum í danska uppboðshúsinu, Kopenhagen Fur.
Loðskinnauppboð
» Íslenskir minkabændur selja
skinn sín á loðskinnauppboði í
danska uppboðshúsinu í Kaup-
mannahöfn.
» Fimm uppboð eru haldin á
hverju ári og er febrúaruppboðið
fyrsta stóra uppboðið í vetur.
» Áætlað er að 30 þúsund ís-
lensk skinn hafi verið boðin þar
til sölu en ársframleiðslan er um
160 þúsund skinn.Ljósmynd/Kopenhagen Fur
Rangt farið með
Í umfjöllun um sjóðfélagafund Sam-
einaða lífeyrissjóðsins í blaðinu í
gær stóð: „Gunnar Þór Skúlason,
stjórnarmaður og fundarstjóri, benti
þá á að einu mennirnir sem hefðu
setið í stjórninni fyrir árið 2008
væru Kristján Örn Sigurðsson fram-
kvæmdastjóri og Þorbjörn Guð-
mundsson varaformaður.“
Þar átti hins vegar að standa.
„Georg Páll Skúlason, stjórnar-
maður og fundarstjóri, benti þá á að
einu mennirnir sem setið hefðu í
stjórninni árið 2008 væru Þorbjörn
Guðmundsson, sem verið hefur í
stjórn frá 1999, og Georg Páll Skúla-
son sem kom í stjórn sjóðsins árið
2006. Þá hefði Kristján Örn Sigurðs-
son tekið við starfi framkvæmda-
stjóra árið 2005.“
Beðist er velvirðingar á þessu.
LEIÐRÉTTING