Morgunblaðið - 04.05.2012, Blaðsíða 24

24
MORGUNBLAÐIÐ FÖSTUDAGUR 4. MAÍ 2012
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Eins og greintvar frá í
Morgunblaðinu í
gær sagðist Jó-
hanna Sigurð-
ardóttir forsætis-
ráðherra í
desember síðast-
liðnum ekki sjá nein rök fyrir
því að sameina efnahagsráðu-
neytið og fjármálaráðuneytið.
Skömmu síðar var ákveðið að
fara í einmitt þessa samein-
ingu og um áramótin var far-
ið út í ráðherraskipti, meðal
annars í tengslum við þessa
breytingu.
Enn hefur forsætisráð-
herra ekki útskýrt hvers
vegna ákveðið var að ráðast í
þessa sameiningu þrátt fyrir
að til þess skorti
rök og án þess að
„fagleg úttekt“
hefði farið fram,
eins og forsætis-
ráðherra orðaði
það af sama til-
efni.
Er það svo að breytingar á
ráðuneytum séu gerðar út frá
duttlungum tiltekinna ein-
staklinga sem eru í tíma-
bundinni aðstöðu til að ráðsk-
ast með þessa hluti? Var ekki
óþarfi, þó að forða þyrfti
efnahagsmálunum frá Jó-
hönnu Sigurðardóttur, að
hafa slíkt los á þeim að þau
staldri ekki við nema í
nokkra mánuði í hverju ráðu-
neyti?
Það styrkir ekki
efnahagsstjórnina
að hafa efnahags-
málin á flakki á milli
ráðuneyta}
Rakalaus málflutningur
Þegar litlarannsókn-arnefnd Al-
þingis skilaði af
sér við mikinn
fögnuð þingheims,
svo helst minnti á
útskriftardag á
barnaheimili, var því haldið
fram að þar með hefði fjöldi
siðbótartillagna verið sam-
þykktur samhljóða. Ein sið-
bótin var sögð sú, að fram-
vegis yrði framkvæmda-
valdinu gert að skila
lagafrumvörpum og stjórn-
artillögum fyrr en tíðkast
hefði, sem verið hefði mjög til
vansa og framvegis yrðu til-
lögur mun betur undirbúnar.
Atli Gíslason alþingismaður,
sem var formaður rannsókn-
arnefndarinnar, hefur upplýst
að í þessum efnum hafi engar
efndir orðið. Af hverju fara
ekki fram sérstakar afmark-
aðar umræður um það mál
núna? Og af hverju gerir
stjórnarandstaðan ekki sjálf-
stæða úttekt á því hvað gert
hefur verið með tillögurnar
sem þóttu marka svo mikil
tímamót?
Nú er hrúgað inn tugum
mála og sum þeirra eru sögð
vera svokölluð „stórmál“ og á
sérstökum forgangslista rík-
isstjórnarinnar. Eitt þeirra,
sem snýst um að kollvarpa
allri umgjörð íslensks sjávar-
útvegs, er almennt viðurkennt
að sé svo gallað og illa unnið að
það sé vita óbrúklegt. Það er
auðvitað ekkert vit í að ætla að
keyra slíkt mál í gegn á loka-
spretti fallandi ríkisstjórnar
án efnislegrar umræðu. Því
það er einmitt það sem gerist
við slíkar aðstæður.
Stjórnarandstaða hlýtur að
fjalla efnislega um mál sem
munu hafa jafn skaðleg áhrif
og þetta og ræða
það í þaula. En
venju samkvæmt
verður stuðnings-
mönnunum rík-
isstjórnarinnar
gert að þegja að
kröfu stjórnarfor-
ystunnar til þess að „málþófið“
takist ekki. Því fer ekki fram
nein raunveruleg efnis-
umræða um málið nema frá
annarri hliðinni.
Þetta getur ekki gengið. Er
algerlega óframbærilegt fyrir
þjóðþingið og gengur þvert
gegn öllu því sem lofað var um
siðbót hér og siðbót þar. Þeirr-
ar siðbótar sér hvergi stað,
þvert á móti. Þessi framganga
lýtur í einu og öllu því sem
kallað hefur verið for-
ingjaræði og er einkennilegt
að sjá að þingmenn Hreyfing-
arinnar hafa látið skrá sig um
borð í þá fleytuna.
Og því miður eru sömu ein-
kennin á nær öllum öðrum
málatilbúnaði ríkisstjórn-
arinnar sem nú er undir í þing-
störfunum. Eina sem „verk-
stjórinn“ forsætisráðherrann
hefur til málanna að leggja er
að hrópa hótanir úr ræðustól
Alþingis um að þingið muni
sitja út júní og kannski júlí!
Hverjum er verið að hóta? Það
er algjörlega nauðsynlegt að
þingið sitji óslitið til hausts ef
ríkisstjórnin ætlar að ganga
fram með þessum hætti.
Stjórnarandstaðan hlýtur
að taka þessum innantómu
hótunum Jóhönnu Sigurð-
ardóttur fagnandi. Andstöð-
unni gefst þar með kærkomið
tækifæri til að afhjúpa enn
betur en orðið er málefna-
fátækt ríkisstjórnar sem tveir
þriðju þjóðarinnar styðja ekki
og vilja losna við sem allra
fyrst.
Hótanir hafa verið
helsta pólitíska
kennimark Jóhönnu
Sigurðardóttur
frá fyrstu tíð}
Hver er að hóta?
Þ
egar starfsdaga leik- og grunnskóla-
kennara ber á góma, þá líður yfir-
leitt ekki á löngu þar til umræðan
kemst á eftirfarandi stig: „Þeim for-
eldrum sem hafa eitthvað við þetta
skipulag að athuga er alveg sama um gæði
skólastarfsins.“ Hin klassíska fullyrðing um að
skólarnir séu ekki geymslustaðir, þaðan af síð-
ur þjónustustofnanir atvinnulífsins, heyrist líka í
þessu sambandi. Eins og til er ætlast deyr umræð-
an fljótt út, því hver vill sitja undir ásökunum um
að vilja ekki vera með börnunum sínum eða
vera skeytingarlaus um gæði skólastarfs?
Það er sama sagan með þetta, eins og flest
sem lýtur að uppeldis- og skólamálum, um-
ræðan hrapar allt of fljótt niður í hyldjúpar
skotgrafir. Þið á móti okkur. Foreldrar á móti
skólum/sveitarfélögum. Og aldrei finnst nein
lausn sem málsaðilar geta sætt sig við.
Að sjálfsögðu eiga kennarar að fá svigrúm til fundar-
halda og undirbúnings starfa sinna og líklega er vand-
fundið það foreldri sem ekki styður það af heilum hug.
En málið snýst bara ekkert um það, heldur það, að for-
eldrar og atvinnulífið eru að greiða fyrir það sem sveitar-
félögunum ber að gera sem er að greiða kennurum
sómasamlega fyrir störf sín (enda löngu kominn tími til
þess) í stað þessa úrelta fyrirkomulags.
Sumir leikskólar eru lokaðir allt að sex daga á starfs-
tíma sínum á hverju ári í þeim tilgangi að fólkið sem
starfar þar geti skipulagt vinnuna sína og samkvæmt
lögum eru starfsdagar grunnskólakennara
fimm á hverju starfsári skóla.
Vegna þessa geta foreldrar sem eiga börn
bæði í leik- og grunnskóla þurft að taka allt að
11 daga af sumarfríinu sínu vegna starfsdaga,
því að allur gangur er á því hvort þeir eru sam-
ræmdir á milli skólastiga. Vissulega eru skóla-
dagheimili grunnskólanna stundum opin á
starfsdögum, en þau eru bara starfrækt fyrir
níu ára börn og yngri. Það er ekkert óalgengt
að fólk á almennum vinnumarkaði eigi 24
sumarfrísdaga og því hafa sveitarfélögin ráð-
stafað allt að 46 % af sumarfríi fólks með
þessum hætti. Án nokkurs samráðs.
Einhverjir geta tekið börnin með sér í
vinnuna, en allur gangur er á því hvernig það
gengur, eins og þeir vita sem reynt hafa.
Sumir eru líka í þannig vinnu að það er ein-
faldlega ekki hægt. En burtséð frá því; hvers vegna ættu
foreldrar og atvinnulífið allt að taka á sig kostnaðinn af
starfsdögum kennara, hvort sem er í beinhörðum pen-
ingum eða fyrirhöfn? Kennarar eru ráðnir til starfa hjá
sveitarfélögunum og gera kjarasamninga sína við þau,
ekki við foreldra.
Aðalröksemdafærslurnar fyrir starfsdögunum eru að
þeir séu forsenda góðs og metnaðarfulls skólastarfs.
Aldrei hefur neinn stutt þetta fyrirkomulag með neinum
faglegum rökum. Gott skólastarf er það sem allflestir
vilja, en það er algerlega ómögulegt að sjá nokkurt sam-
hengi á milli þess og starfsdaga. annalilja@mbl.is
Anna Lilja
Þórisdóttir
Pistill
Sveitarfélögin sjá um sumarfríið!
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
FRÉTTASKÝRING
Skúli Hansen
skulih@mbl.is
Í
ræðu sinni á útifundi á Ísa-
firði hinn 1. maí sl. kastaði
Björn Snæbjörnsson, for-
maður Starfsgreina-
sambandsins og Eflingar Iðju
á Akureyri, fram þeirri fullyrðingu að
vandi verkalýðshreyfingarinnar í dag
fælist í því að innan hennar væri fólk
sem væri tilbúið til þess að rægja og
deila á samstarfsaðila sína jafnvel
frekar en á atvinnurekendur.
Ummæli Björns eru athyglis-
verð, einkum í ljósi þess að í fyrra
voru þónokkur átök innan SGS en
hinn 10. maí næstkomandi verður
haldið framhaldsþing SGS og er stefnt
að því að þar verði samþykktar tölu-
verðar breytingar á skipulagi þess.
„Þessi ummæli, hjá formanni
Starfsgreinasambands Íslands, vekja
að sjálfsögðu athygli, en hann þá
væntanlega skuldar mönnum í sjálfu
sér skýringar á hvað hann eigi við og
ég treysti honum til þess að koma
fram með það hvað hann eigi við með
þessum orðum,“ segir Aðalsteinn Árni
Baldursson, formaður Framsýnar. Að
sögn Aðalsteins eru skiptar skoðanir
innan verkalýðshreyfingarinnar um
ýmsa hluti og nefnir hann sem dæmi
aðild að ESB, fiskveiðistjórnunar-
kerfið og þá launa- og kjarastefnu sem
verkalýðshreyfingin eigi að viðhafa á
hverjum tíma.
„Til dæmis í síðustu samningum
var ég einn af þeim sem voru tals-
menn þess að fiskvinnslufólk fengi
verulegar launahækkanir vegna þess
að ég sá fyrir mér að það væri góð
innistæða fyrir því,“ segir Aðalsteinn
og bætir við: „En ég þurfti í rauninni
að takast á við nokkra af mínum fé-
lögum innan verkalýðshreyfingar-
innar sem sáu þetta ekki í sama ljósi
og ég og töldu að það ætti ekkert að
hækka laun fiskvinnslufólks meira en
annarra launþega.“
Hann segir það eðlilegt að skoð-
anaskipti eigi sér stað á milli manna í
stórum fjöldahreyfingum á borð við
SGS og ASÍ. „Það er ósköp eðlilegt að
það séu skoðanaskipti,“ segir Aðal-
steinn og tekur einnig fram að menn
megi ekki líta á það sem árás þó svo að
aðrir séu ekki á sömu skoðun.
„Nei, alls ekki, mér vitanlega,“
segir Ásgerður Pálsdóttir, formaður
stéttarfélagsins Samstöðu, aðspurð
hvort búast megi við átökum á fram-
haldsþingi SGS í ljósi ummæla
Björns. Líkt og áður kom fram voru
mikil átök innan SGS í fyrra en Ás-
gerður segist ekki vita betur en búið
sé að gera upp öll þau mál.
Skoðanaskipti mikilvæg
„Ég veit svosem ekki við hverja
hann á, hann verður að svara því,“
segir Vilhjálmur Birgisson, formaður
Verkalýðsfélags Akraness, spurður
út í sitt álit á ummælum Björns og
bætir við: „En ég skal alveg viður-
kenna það að ég hef svosem haldið
uppi töluverðri gagnrýni á hreyf-
inguna og held að það sé mjög mik-
ilvægt að menn séu ekki þannig
steyptir í sama mót að það megi ekki
nema ein skoðun heyrast.“ Að sögn
Vilhjálms er ómögulegt að segja til
um það hvort þær breytingar sem
stefnt er að því að leggja fram á
framhaldsþinginu nái fram að ganga
en hann telur þó meiri líkur en minni
á að svo verði.
Björn Snæbjörnsson vildi í sam-
tali við Morgunblaðið 1. maí sl.
ekki útskýra nánar hvað hann
ætti við með þessum ummælum
sínum. Áreiðanlegar heimildir
herma að megn óánægja sé innan
SGS með bæði ummæli Björns sem
og tímasetningu þeirra, því er ljóst
að áhugavert verður að fylgj-
ast með framhaldsþingi
SGS.
Vandi verkalýðs-
hreyfingarinnar
Morgunblaðið/Ómar
Verkalýðshreyfing Brátt verður haldið framhaldsþing SGS en þar verða
lagðar fram talsverðar skipulagsbreytingar á sambandinu.
„Ég veit ekki annað en að
menn séu nokkuð sáttir við
þær breytingar sem þessi sjö
manna nefnd leggur til,“ segir
Hjördís Þóra Sigurþórsdóttir,
formaður AFL Starfsgreina-
félags, aðspurð út í þær
breytingar sem lagðar verða
fram á framhaldsþingi SGS til
samþykktar 10. maí næstkom-
andi.
Hún segir áætlað að gera
þónokkrar breytingar á skipu-
lagi SGS. „Þetta eru nokkuð
miklar breytingar. Það er ver-
ið að einfalda það og breyta
þjónustu og annað eftir því,“
segir Hjördís Þóra. Hún
bendir einnig á að á
kynningarfundum
í aðildarfélög-
unum, þar sem
breytingarnar
voru kynntar, hafi
menn almennt ver-
ið sáttir við
þær.
Segir menn
nokkuð sátta
SKIPULAGSBREYTINGAR
Hjördís Þóra
Sigurþórsdóttir