Morgunblaðið - 04.05.2012, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 4. MAÍ 2012
–– Meira fyrir lesendur
PANTAÐU AUGLÝSINGAPLÁSS
Morgunblaðið
gefur út
stórglæsilegt
blað um garðinn
föstudaginn
18. maí.
Garðablaðð verður með góðum
upplýsingum um garðinn, pallinn,
heita potta,sumarblómin,
sumarhúsgögn og grill. Katrín Theódórsdóttir
Sími 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 12, mánudaginn 14. maí.
Garða
blaðið
SÉ
RB
LA
Ð
Garðablað
Ingveldur Geirsdóttir
ingveldur@mbl.is
Hrossaslátrun hefur verið með
meira móti í vetur hjá öllum slátur-
leyfishöfum. Nokkuð hefur dregið úr
hrossaslátruninni undanfarnar vikur
enda farið að sjá í græn grös og
bændur að sleppa með heyforðann.
Enn vantar þó hross til slátrunar til
að uppfylla eftirspurn erlendis frá.
Guðmundur Svavarsson, fram-
leiðslustjóri Sláturfélags Suðurlands
á Hvolsvelli, segir að mikið framboð
hafi verið af sláturhrossum í vetur en
nú sé sá kúfur búinn og slátrunin
komin aftur í jafnvægi. Þeir þurfi þó
fleiri hross til slátrunar. „Í fyrra-
sumar auglýstum við eftir hrossum
því við áttum erfitt með að fylla upp í
samninga. Það verður ekki langt
þangað til við þurfum að fara að aug-
lýsa eftir hrossum aftur,“ segir Guð-
mundur. Frá SS fer hrossakjötið á
innanlandsmarkað en mest af því fer
til Rússlands og annarra Evrópu-
landa.
150 tonn til Rússlands
Ágúst Andrésson, forstöðumaður
kjötafurðastöðvar KS á Sauðár-
króki, segir að þar sé búið að slátra
miklu af hrossum í vetur en nú sé
framboðið til slátrunar orðið lítið.
„Okkur vantar hross til slátrunar.
Við erum ekki alveg búnir að ná að
standa við gerða samninga við kaup-
endur í Rússlandi. Okkur vantar að
klára tvo gáma en áður eru farnir
sex gámar í vetur,“ segir Ágúst.
Samningur KS við Rússa hljóðar
upp á um 150 tonn af hrossakjöti.
Þar í landi er kjötið notað í unnar
kjötvörur. KS selur einnig hrossa-
kjöt til Kasakstan en bestu bitarnir
fara þó á innanlandsmarkað.
Að sögn Ágústs var 271 hrossi
slátrað hjá KS í janúar, 82 í febrúar
og 50 í mars, svo botninn datt hratt
úr slátruninni. „Ástæðan fyrir meiri
slátrun í vetur er að það var víða tak-
markaður forði af heyi. Bændur sáu
sig því frekar knúna til að grisja úr
stóðunum og fóðra ekki skepnur til
neins. Svo er líka minni lífhrossa-
sala,“ segir Ágúst.
Hrossaslátrun
með meira móti
 Enn vantar hross til slátrunar til að standa við samninga
Stóð Veturinn var harður og því
grisjuðu margir úr stóðum sínum.
SVIÐSLJÓS
Steinþór Guðbjartsson
steinthor@mbl.is
Stjórn Bjargtanga, félags land- og
sumarhúsaeigenda á Hvallátrum við
Látrabjarg, segir það eignaupptöku
á hlunnindum verði frumvarp til laga
um breytingu á lögum nr. 64/1994
um vernd, friðun og veiðar á villtum
fuglum og villtum spendýrum sam-
þykkt.
Gísli Már Gíslason, formaður
stjórnar Bjargtanga, segir að stjórn-
in hafi mótmælt fyrirhugaðri laga-
setningu í bréfi til ráðherra í janúar
sl., til umhverfisráðuneytisins í febr-
úar og til nefndarsviðs Alþingis í apr-
íl, en ekki fengið nein viðbrögð.
Hann segir að áður hafi landeigend-
ur fundað með ráðherra vegna hug-
mynda um að friðlýsa Látrabjarg og
þeir talið að ekki yrði gengið á hefð-
bundin hlunnindi, ekki frekar en gert
hafi verið við aðrar friðlýsingar. Í
frumvarpinu sé hins vegar lagt til
mjög sértæk friðun sem beinist að-
eins gegn tiltölulega fáum landeig-
endum, þ.e. þeim sem eiga Látra-
bjarg og stóru björgin á Horn-
ströndum. „Þarna eru yfir 90% af
öllum svartfugli,“ segir hann og
áréttar að á öðrum stöðum sé tekið
miklu stærra hlutfall af eggjum.
Engin veiði, bara eggjataka
Í fyrrnefndum bréfum kemur
fram að fuglaveiðar í Hornstranda-
björgum og Látrabjargi séu litlar
eða engar og þar sé aðeins stunduð
eggjataka. Á fyrri hluta 20. aldar hafi
tínslan verið 10 til 20 þúsund egg á
ári og jafnvel tvöfalt fleiri þegar vel
viðraði. Ætla megi að um 1-2% eggja
í bjarginu hafi verið tekin en þar sem
nær eingöngu langvíu- og álkuegg
hafi verið tekin gæti tínslan hafa ver-
ið 2-3% þessara stofna.
Gísli Már bendir á að í Látrabjargi
sé siglt undir á bátum þegar fært sé,
í rjómalogni, og egg aðeins tekin í
neðstu syllum og urðum við sjó en
ekkert úr 400 metra háu bjarginu
þar fyrir ofan.
Í skýrslu sem unnin var fyrir ráð-
herra um verndun og endurreisn
svartfuglastofna kemur fram að
fæðuskortur valdi afkomubrestinum.
„Við sjáum ekki hvernig svona lítil
eggjataka hafi áhrif á þetta,“ segir
Gísli Már. „Þarna er ekki gætt með-
alhófs og þetta bitnar fyrst og fremst
á landeigendum.“
Gísli Már segir að eigendur hafi
ekki skotið fugl í bjarginu í áratugi.
„Landeigendur hafa ætíð farið vel
með auðlind sína, svartfuglinn, og
nýtt hann af hófsemi og á sjálfbæran
hátt,“ segir í bréfinu til nefndarsviðs-
ins. „Stjórn Bjargtanga harmar að
umhverfisráðherra hefur ekkert til-
lit tekið til vel ígrundaðrar umsagnar
hennar um frumvarpsdrögin.“
Mótmæla
eignaupptöku
á hlunnindum
 Aðeins 1-2% eggjataka í Látrabjargi
Morgunblaðið/Árni Sæberg
Látrabjarg Hlunnindi eru óaðskilj-
anlegur hluti af landareign, segir í
bréfi stjórnar til Alþingis.
Þekking og reynsla
» Stjórn Bjargtanga leggst
gegn banni við eggjatöku í
fuglabjörgum vegna þess að
með banni tapist þekking og
reynsla í nýtingu fuglabjarga
og þar með þekking á því
hvernig staðið er að eggja-
tínslu.
» Stjórnin segir að litlar líkur
séu á því að þessi auðlind verði
nýtt í framtíðinni verði bann að
veruleika.
Guðrún J. Halldórs-
dóttir, fyrrverandi
skólastjóri og alþing-
ismaður, lést á hjúkr-
unarheimilinu Skjóli í
Reykjavík 2. maí, 77 ára
að aldri.
Guðrún fæddist í
Reykjavík 28. febrúar
1935. Foreldrar hennar
voru hjónin Þorbjörg
Jónsdóttir húsmóðir og
Halldór Jónsson tré-
smiður. Guðrún varð
stúdent frá Mennta-
skólanum í Reykjavík
árið 1955. Hún las ís-
lensk fræði við Háskóla Íslands um
tveggja ára skeið en lauk síðan prófi
frá Kennaraskólanum 1962. BA-prófi
í dönsku og sagnfræði lauk hún við
Háskóla Íslands 1967.
Hún var um árabil starfsmaður
Landsbanka Íslands og varð síðan
kennari við Lindargötuskóla 1962.
Hún kenndi þar í áratug, en 1972
varð hún forstöðumaður Námsflokka
Reykjavíkur og var
jafnframt stundakenn-
ari við Tollskóla Ís-
lands 1972-1990. Guð-
rún var hvatamaður að
stofnun Félags
dönskukennara og for-
maður þess 1973-1982.
Hún tók saman nokkr-
ar kennslubækur í
dönsku og skrifaði
greinar í tímarit og
blöð um fræðslumál og
stjórnmál. Hún var í
stjórn Skálholtsskóla-
félagsins frá stofnun
þess og í stjórn skóla-
nefndar Skálholtsskóla meðan lýðhá-
skólinn starfaði sem slíkur.
Guðrún var einn af stofnendum
Dyslexíufélagsins og í stjórn þess frá
upphafi. Hún sat í atvinnumálanefnd
Reykjavíkur í nokkur ár, var alþing-
ismaður fyrir Kvennalistann 1990-
1991 og 1994-1995 og tók fyrst sæti á
Alþingi sem varaþingmaður 1986.
Hennar var minnst á Alþingi í gær.
Andlát
Guðrún J. Halldórsdóttir Um 37 þúsund erlendir ferðamenn
fóru frá landinu um Leifsstöð í ný-
liðnum aprílmánuði eða um fimm
þúsund fleiri en í apríl 2011. Ferða-
menn í apríl voru 16,5% fleiri en í
apríl í fyrra. Á því ellefu ára tímabili
sem Ferðamálastofa hefur talið
ferðamenn í Leifsstöð hefur aukn-
ingin verið að jafnaði 8,2% milli ára í
mánuðinum.
Af einstaka þjóðernum voru flest-
ir ferðamenn í apríl frá Bretlandi
eða 22,4% af heildarfjölda. Næstfjöl-
mennastir voru Bandaríkjamenn,
11,8%, og Norðmenn, 10,3%. Ef litið
er til einstakra markaðssvæða má
sjá verulega fjölgun Norður-
Ameríkubúa og Breta frá því í apríl í
fyrra. Þannig fjölgaði Norður-
Ameríkubúum um 33,7% og Bretum
um 25,5%. Frá áramótum hafa
125.333 erlendir ferðamenn farið
frá landinu. Það er 20,4% aukning.
Svipaður fjöldi Íslendinga fór ut-
an í nýliðnum apríl og í fyrra eða um
29 þúsund. Frá áramótum hafa 100
þúsund Íslendingar farið utan, sex
þúsund fleiri en árið 2012. Aukn-
ingin nemur 6,4% milli ára.
Mikil fjölgun ferða-
manna í apríl
„Það eru nokkur skilti vitlaus og við erum á fullu að
laga þetta, við höfum fengið þetta að utan,“ segir Hall-
dór Ó. Sigurðsson, framkvæmdastjóri bygginga-
vöruverslunarinnar Bauhaus, en ljósmyndari Morgun-
blaðsins rakst á nokkur skringilega orðuð
auglýsingaskilti fyrir utan verslunina í gær sem hefðu
eflaust farið fyrir hjartað á mörgum íslenskukenn-
aranum. Að sögn Halldórs komu öll skiltin við versl-
unina að utan.
Þrátt fyrir að hafa vafist tunga um tönn við skilta-
gerðina verður verslun Bauhaus opnuð næstkomandi
laugardag klukkan 8:00. Viðskiptavinir eru þó hvattir
til að mæta fyrr enda mun verslunin byrja að dreifa
happdrættismiðum á meðal viðskiptavina klukkan 7:00.
Morgunblaðið/Ómar
Bauhaus vefst tunga um tönn