Morgunblaðið - 17.05.2012, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 17. MAÍ 2012
Guðni Einarsson
gudni@mbl.is
Gamla varðskipið Þór hverfur nú
sjónum smátt og smátt í Helguvík.
Þar vinna starfsmenn Hringrásar
að því að búta þetta sögufræga
skip niður og beita við það stór-
virkum vélum. Skipið er gamalt og
sterkbyggt og í því mikið af stáli
sem verður endurunnið hér og
flutt út sem hráefni til bræðslu.
Ýmsir munir varðveittir
Hringrás er með athafnasvæði í
Helguvík og var Þór tekinn þar á
þurrt. Grafin var rás upp í fjöru og
skipinu fleytt upp á háflóði. Byrjað
var á að tæma skipið af spilliefn-
um, að sögn Einars Ásgeirssonar,
framkvæmdastjóra Hringrásar.
„Þór er vel smíðaður og þetta
verður nokkurra vikna vinna,“
sagði Einar. „Það hefur verið
gengið ægilega illa um skipið og
þetta mikla fley er ekki svipur hjá
sjón miðað við það sem áður var.“
Einar sagði að stálið úr Þór yrði
endurunnið og brætt. Hann mundi
þannig eiga sitt framhaldslíf í því
sem búið yrði til úr stálinu. Önnur
aðalvélin er ónýt og hin komin vel
til ára sinna og ólíklegt að hlut-
verk finnist fyrir hana. Þær fara
því báðar í brotajárn. Einar sagði
að þannig mundu þær afla gjald-
eyris og borga fyrir niðurrif skips-
ins.
Hringrás á Nýfundnalandi
Framtíðin leiðir í ljós hvort
Hringrás tekur fleiri skip á land í
Helguvík til niðurrifs. Hringrás er
einnig með starfsemi á Nýfundna-
landi í Kanada og er þar með 20
ára samning um endurvinnslu.
„Við erum þar með heilmikla
starfsemi og vinnum þarna á okk-
ar eigin forsendum og fyrir eigið
fé. Það er okkar útrás,“ sagði Ein-
ar. „Við höfum mjög góðan með-
byr og höfum fengið góðar und-
irtektir í Kanada. Við finnum
mikinn velvilja hjá heimamönn-
um.“
Hjá Hringrás á Nýfundnalandi
vinna 35 starfsmenn, þar af 6-7 Ís-
lendingar. Á Nýfundnalandi eru
nokkur skip sem bíða niðurrifs og
ekki ljóst hvort þau verða rifin þar
eða jafnvel hér á landi.
Í gær var Hringrás að skipa út
um 4.000 tonnum af stáli frá Ný-
fundnalandi sem verða flutt til
endurvinnslu í Evrópu. Einar
sagði það fara eftir markaðsverði
og flutningskostnaði hvert brota-
járnið er flutt hverju sinni til end-
urvinnslu. Nú réð hagkvæmur
flutningskostnaður því að stálið
fór til Evrópu.
Með járnríkt blóð
Einar framkvæmdastjóri Hring-
rásar ber nafn afa síns, Einars Ás-
mundssonar sem kenndur var við
Sindra. Einar eldri stofnaði til
endurvinnslu brotajárns og málma
árið 1950 undir nafni Sindra. Son-
ur hans, Ásgeir, tók síðan við
framkvæmdastjórninni og Einar
yngri tók við af honum við stjórn
endurvinnslunnar. Hann segist
gera sitt besta til að kveða niður
goðsögnina um dugleysi þriðja
leggsins!
„Við höfum mikið járn í blóðinu
– enginn járnskortur hjá okkur,“
sagði Einar og hló. „Við fáumst við
að endurvinna málma, dekk, timb-
ur, pappír og plast. Við þjónum
mörgum stórum fyrirtækjum eins
og álverunum og fleirum.“
Einar sagði að góðir og dugandi
starfsmenn á öllum starfsstöðvum
Hringrásar væru lykillinn að vel-
gengni fyrirtækisins. „Við erum
mjög heppnir með starfsfólk og
það er ástæða til að hrósa því.“
Ljósmynd/Hilmar Bragi Bárðarson
Endurvinnsla Hringrás vinnur nú að því að endurvinna gamla varðskipið Þór. Skipið er traustbyggt og efnismikið auk þess að eiga sér merka sögu.
Sögufrægt skip að hverfa
 Verið er að rífa gamla varðskipið Þór í brotajárn  Hringrás endurvinnur stálið
til bræðslu  Mikil umsvif hjá Hringrás við endurvinnslu á Nýfundnalandi
Ferðum Iceland Express til og frá
Keflavíkurflugvelli seinkaði aldrei á
fyrri hluta þessa mánaðar. Stundvísi
fyrirtækisins hefur verið góð allar
götur síðan tékkneskt flugfélag hóf
að fljúga fyrir það í nóvember.
Nærri níu af hverjum tíu ferðum
Icelandair voru á réttum tíma á
tímabilinu. Þetta kemur fram á vef-
síðunni Túristi.is.
Icelandair flaug rúmlega fimm
hundruð sinnum til og frá landinu
síðustu tvær vikur. Ferðir Iceland
Express voru rúmlega sjötíu sem er
minna en lagt var upp með þegar
flugáætlun vorsins var kynnt. Sam-
kvæmt henni var gert ráð fyrir dag-
legu flugi Iceland Express til Kaup-
mannahafnar og London en úr því
varð ekki.
Flug sem tefst um minna en
stundarfjórðung telst vera á áætlun.
sunna@mbl.is
Iceland
Express
stundvísast
 Hefur alltaf haldið
flugáætlun í maí
Tveir vélsleða-
menn lentu í snjó-
flóði í suðurhlíð-
um Kerlingar í
Glerárdal ofan
Akureyri í gær-
dag. Annar mann-
anna grófst í flóð-
inu en náði að
komast upp úr því
af sjálfdáðum. Hvorugur þeirra slas-
aðist. Nokkrir vélsleðamenn voru á
leið upp á fjallið og lentu tveir þeir
öftustu í flekaflóði sem fór af stað í
kjölfar þeirra sem á undan voru. Sá
sem grófst í flóðinu var með bakpoka
með útblásanlegum loftpúðum sem
ætlað er að koma mönnum til að-
stoðar í aðstæðum sem þessum og
náði maðurinn að virkja loftpúðana
og má telja líklegt að það hafi hjálpað
til að halda manninum efst í flóðinu.
Félagar mannsins sáu því allan tím-
ann hvar hann var staddur í flóðinu.
Vélsleðamenn
lentu í snjóflóði
í Glerárdal
Verðmæti álframleiðslu á árinu 2011 var liðlega 230 millj-
arðar króna og samkvæmt hagtölum nam útflutningur á
áli um 40% af heildarverðmæti útflutningsvara. Þetta var
á meðal þess sem kom fram í erindi Ragnars Guðmunds-
sonar, formanns stjórnar Samtaka álfyrirtækja, á árs-
fundi samtakanna í gær.
Framlag til landsframleiðslu var um 90 milljarðar
samkvæmt nýlegri úttekt Hagfræðistofnunar. Fjárfest-
ingar áliðnaðarins á síðasta ári voru ríflega 28 milljarðar
króna og tengdra greina um 14 milljarðar, þannig að í
heild er fjárfesting tengd áliðnaði um 43 milljarðar eða
28% af heildarfjárfestingum atvinnuveganna.
Þá sagði Ragnar að losun gróðurhúsalofttegunda á Ís-
landi minnkaði á síðasta ári um 6% á hvert framleitt tonn
af áli. Losun hefði minnkað um 75% á hvert framleitt
tonn frá árinu 1990. Að sögn Ragnars er þetta mun betri
árangur en hjá fyrirtækjum annars staðar í heiminum.
Losun gróðurhúsalofttegunda í Kína sé um 15 tonn á
hvert áltonn en á Íslandi sé sambærileg losun 1,6 tonn.
Svandís Svavarsdóttir umhverfisráðherra flutti ávarp
á fundinum. Hún benti á að þó að dregið hefði úr losun á
gróðurhúsalofttegundum á hvert áltonn sem framleitt
væri á Íslandi hefði heildarlosun frá íslenskum áliðnaði
aukist verulega á síðustu árum vegna aukinnar fram-
leiðslu hér á landi. egol@mbl.is
Álframleiðsla um 40%
af útflutningsverðmæti
 Mengun af hverju framleiddu tonni af áli dregst saman
Morgunblaðið/Ómar
Straumsvík Ál er mikilvæg útflutningsgrein á Íslandi.
Þór sem nú er verið að rífa var þriðja varðskip Íslendinga til að bera
Þórs-nafnið. Skipið var smíðað í Danmörku og afhent Íslendingum ár-
ið 1951. Þór var flaggskip Landhelgisgæslunnar á sínum tíma og var í
fremstu víglínu í þremur þorskastríðum. Þór var endurbyggður að
hluta árið 1972 og þjónaði sem varðskip til ársins 1982 að það varð
skólaskip Slysavarnaskóla sjómanna og fékk nafnið Sæbjörg.
Var í fremstu víglínu
ÞRIÐJA VARÐSKIPIÐ SEM BAR NAFN ÞÓRS FER Í BROTAJÁRN