Morgunblaðið - 17.05.2012, Blaðsíða 12
Morgunblaðið/Kristján
Fjárfesting Nýjasta skipið í flotanum, Heimaey.
Atvinnuveganefnd Alþingis fékk sérfræðingana
Daða Má Kristófersson og Stefán Gunnlaugsson til
að meta efnahagslegar og byggðalegar afleiðingar
samþykktar frumvarpa um veiðigjöld og fiskveiði-
stjórnun og er vikið er að greinargerð þeirra nið-
urlagi nýrrar umsagnar fjármálaráðuneytisins. Í
ágripi að greinargerð sérfræðinganna segir meðal
annars:
„Mat frumvarpsins á fjármagnsþörf er vanmat á
raunverulegri fjármagnsþörf í veiðum og vinnslu.
Þetta vanmat leiðir til ranglega metinnar auðlinda-
rentu og þar með ranglega ákvarðaðs sérstaks
veiðigjalds. Mat frumvarpsins á fjármagnskostnaði
virðist tilviljanakennt. Betur hefði farið á því að
fjármagnsþörf yrði metin af sérfræðingum á
grundvelli markaðsgagna ...
Skatthlutfall sérstaks veiðigjalds verður að að
teljast mjög hátt, sérstaklega í ljósi þeirra ágalla
sem nefndir hafa verið. Ljóst er að afleiðingar
gjaldtöku af þessu umfangi eru verulegar, bæði fyr-
ir fyrirtæki í sjávarútvegi og tengdum greinum,
starfsfólk og sjávarbyggðir …
Að teknu tilliti til allra þessara ágalla er nið-
urstaðan sú að umfang gjaldtöku samkvæmt frum-
varpinu sé langt umfram það sem útgerðin getur
staðið undir. Verulegar breytingar þarf að gera á
aðferðafræði frumvarpsins við mat á auðlindarentu
áður en hægt er að ákvarða hvað mundi teljast hóf-
leg gjaldtaka. Álagning sem byggir á meðaltals-
gögnum heillar atvinnugreinar, gögnum sem aldrei
var safnað í þeim tilgangi að meta auðlindarentuna,
þarf að vera hófleg …“ aij@mbl.is
Vanmat á raunverulegri fjármagnsþörf
12 FRÉTTIRInnlent
MORGUNBLAÐIÐ FIMMTUDAGUR 17. MAÍ 2012
Á aðalfundi Faxaflóahafna sf. var
undirritaður samningur við Lands-
björg, Björgunarbátasjóð Reykja-
víkur og fjórar björgunarsveitir við
Faxaflóa um styrk við starfsemina
næstu fimm árin. Í samningnum
felst m.a. að björgunarsveitirnar fá
árlega tvær milljónir króna frá
Faxaflóahöfnum sf. Heildarstyrkur
Faxaflóahafna sf. á samningstím-
anum nemur því 10 milljónir. Auk
Landsbjargar og Björgunarsjóðs
Reykjavíkur nær samningurinn til
Björgunarsveitarinnar Ársæls í
Reykjavík, sem hyggur á bátakaup,
Björgunarsveitarinnar Kjalar á
Kjalarnesi, Björgunarfélags Akra-
ness og Björgunarsveitarinnar
Brákar í Borgarnesi.
Styrktarsamningur
Föstudaginn 18. maí flytur David
Vareba fyrirlestur í Háskóla Ís-
lands, Öskju, stofu 131. klukkan 12.
Hann er gestur Íslandsdeildar Am-
nesty International sem stendur að
fyrirlestrinum í samvinnu við
Framtíðarlandið, Mannréttinda-
skrifstofu Íslands og Verkfræði- og
náttúruvísindasvið Háskóla Íslands.
David Vareba er mannréttinda-
frömuður, menntaður í heimspeki.
Hann fæddist í Bodó í Ogonílandi í
Nígeríu árið 1978 og þekkir vel þær
raunir sem íbúar á svæðinu hafa
mátt þola vegna umhverfisspjalla
og mannréttindabrota olíurisans
Shell, segir í tilkynningu. Hann
mun m.a. greina frá áhrifum olíu-
mengunar Shell á lífsviðurværi og
mannréttindi íbúa á óseyrum Níg-
erfljóts.
Fyrirlestur um áhrif
olíumengunar
Sýning á verkum nemenda í hönn-
un við listnámsbraut Iðnskólans í
Hafnarfirði verður að þessu sinni í
anddyri IKEA. Sýningin verður
opnuð 18. maí og er opin á versl-
unartíma.
Listnámsbraut Iðnskólans í
Hafnarfirði hefur verið starfrækt
síðan árið 2000 og býður upp á list-
nám með kjörsvið í almennri hönn-
un. Námstími er að jafnaði þrjú ár
en nemendur með stúdentspróf
geta lokið því á tveimur árum.
Sýning í IKEA
Margir af glæsilegustu fornbílum
Íslands verða til sýnis á Korputorgi,
helgina 18.-20. maí, þegar Forn-
bílaklúbbur Íslands fagnar 35 ára
afmæli sínu.
Um 80 bílar verða til sýnis, sá
elsti frá 1930 og sá yngsti frá 1987,
en miðað er við að bílar séu a.m.k.
25 ára til þess að vera kallaðir forn-
bílar. Í Fornbílaklúbbi Íslands eru
1.100 félagsmenn og stendur hann
fyrir afmælissýningum sem þessari
á fimm ára fresti. Sýningin hefst
áföstudaginn kl. 18 og stendur til
kl. 22, opið verður á laugardaginn
kl. 10-22 og sunnudaginn kl. 12-18.
Fornbílar verða til
sýnis á Korputorgi
Morgunblaðið/Ernir
STUTT
Hafberg Þórisson, garðyrkjumaður
og eigandi gróðrarstöðvarinnar
Lambhaga, tók í gær á móti Gao
Hongbin, aðstoðarlandbúnaðar-
ráðherra Kína. Gao kynnti sér
starfsemina í gróðurhúsinu en mik-
ill áhugi er á því að byggja gróð-
urhús að íslenskri fyrirmynd í Suð-
ur-Kína. Gróðurhúsin hér eru
einfaldari en í Evrópu. Vonast er til
þess að fyrsta gróðurhúsið verði
tekið í notkun næsta sumar í Kína.
Aðstoðarlandbúnaðarráðherra Kína skoðaði gróðurhúsin í Lambhaga í gær
Skoða íslensk
gróðurhús
Morgunblaðið/Árni Sæberg
Smakkað Gao Hongbin, aðstoðarlandbúnaðarráðherra Kína, smakkar grænkál í Lambhaga.
Kjartan Kjartansson
kjartan@mbl.is
Deloitte sendi frá sér yfirlýsingu síð-
degis í gær þar sem fyrirtækið hafn-
ar þeim ávirðingum sem það segir
sjávarútvegsráðuneytið setja fram í
umsögn sinni um skýrslu þess um
kvótafrumvörpin. Þá harmar fyr-
irtækið það sem það kallar aðför
sjávarútvegsráðherra að því á fund-
um og opinberum vettvangi í
tengslum við frumvörpin.
Í yfirlýsingu er farið lið fyrir lið í
gagnrýni sjávarútvegsráðuneytisins
á skýrslu Deloitte. Varðandi for-
sendur fyrirtækisins í útreikningum
á fjárfestingum og fjármagnskostn-
aði segir Deloitte að ágreiningurinn
snúist um hvort byggja eigi á göml-
um, óverðleiðréttum fjárhæðum frá
því fyrir hrun eða á raunverulegri
fjárfestingarþörf sjávarútvegsins
miðað við núverandi verðlag og
gengi. Skýrsla Deloitte styðjist við
hið síðarnefnda.
Bent er á að vaxtaálag íslenskra
banka fari hækkandi og gera megi
ráð fyrir að vextir hækki. Fisk-
veiðistjórnunarkerfið eigi að gilda í
áratugi og því gangi ekki að miða við
vexti á þeim tíma í fortíðinni þegar
vextir og vaxtaálag hafi verið í sögu-
legu lágmarki.
Varðandi þá gagnrýni ráðuneyt-
isins að margar umsagnir sem bár-
ust um frumvörpin hafi byggt á
skýrslu Deloitte bendir fyrirtækið á
að aðeins 19 umsagnir af 78 hafi bor-
ist þinginu eftir að skýrslunni var
skilað. Þar af hafi átta komið frá
ráðuneytum og undirstofnunum
þeirra, sex frá sveitarfélögum og
tengdum aðilum og ein frá sér-
fræðihópi skipuðum af atvinnuvega-
nefnd.
Mat ekki hærra veiðigjald
Deloitte bendir einnig á að fyr-
irtækið hafi aldrei lagt mat á hversu
hátt veiðigjald útgerðin þolir, aðeins
áhrif þess veiðigjalds sem kveðið sé á
um í frumvörpunum. Fyrirtækið
hefði hvergi ályktað að útgerðin
þyldi ekki hærra veiðigjald.
Ekki verði annað séð en að nið-
urstöður í skýrslu Daða Más Krist-
óferssonar og Stefáns Gunnlaugs-
sonar um áhrif frumvarpanna á
einstök félög og sjávarútveginn í
heild sinni sé samhljóða niðurstöðum
Deloitte: að útgerðin geti ekki staðið
undir gjaldinu.
Átelur fyrirtækið vinnubrögð
stjórnvalda, hversu hratt frumvörpin
hafi verið keyrð áfram og þann
skamma tíma sem hagsmunaaðilar
hafi haft til að skila umsögnum.
„Jafnframt er það áhyggjuefni að
sjá með hve miklu offorsi sjáv-
arútvegsráðuneytið ræðst gegn heil-
indum fyrirtækisins í ummælum sín-
um. Vinnubrögð sem þessi geta varla
talist til þess ætluð að hlúa að vand-
aðri málsmeðferð,“ segir í yfirlýs-
ingu Deloitte.
Morgunblaðið/RAX
Afli Deloitte studdist við EBITDA-afkomu sjávarútvegsfyrirtækja árið 2010
samkvæmt upplýsingum frá Hagstofunni í útreikningum sínum.
Hafna
gagnrýni
ráðuneytis
Deloitte finnur að vinnubrögðunum
Skannaðu kóðann
til að sjá meira um
heimsóknina.
Sjávarútvegsráðuneytið hefur sent atvinnuveganefnd Alþingis samantekt
„um aðferðafræði og niðurstöður Deloitte“. Í samantektinni eru vinnu-
brögð endurskoðunarfyrirtækisins gagnrýnd harkalega og finna má þar
orð eins og vafasamar og fráleitar forsendur, órökstuddar fullyrðingar, að
afskriftir séu „vísvitandi áætlaðar um 60% hærri en rök standa til“ og
marklausa útreikninga.
Í niðurlagi samantektar ráðuneytisins segir svo: „Af ofangreindum at-
hugasemdum er ljóst að niðurstöður Deloitte um áhrif veiðigjalda á af-
komu fiskveiða og fiskvinnslu eru ekki marktækar þar sem afskriftir eru
ofreiknaðar, fjármagnskostnaður of hár og fjárfestingarþörf ofáætluð.
Allt þetta leiðir til miklu dekkri niðurstöðu um áhrif frumvarpsins en ætla
mætti. Í raun staðfestir greinargerð Daða Más [Kristóferssonar] og Stef-
áns Gunnlaugssonar þetta því að í henni er komist að þeirri niðurstöðu að
útgerðin þoli miklu hærra veiðigjald en Deloitte kemst að niðurstöðu um.
Sérstök ástæða er svo til að vekja athygli á því að margar þær umsagnir
sem borist hafa þinginu byggja á niðurstöðum Deloitte og ætla mætti að
þær væru öðruvísi ef vandaðra mat lægi þeim til hliðsjónar.“ aij@mbl.is
Ráðuneyti gagnrýnir Deloitte harkalega