Morgunblaðið - 31.05.2012, Side 14
14 FRÉTTIRInnlent
MORGUNBLAÐIÐ FIMMTUDAGUR 31. MAÍ 2012
Nemendur unglingadeildar Sala-
skóla stóðu á dögunum fyrir kaffi-
og kökusölu til styrktar börnum í
SOS Barnaþorpum í þremur löndum
í jafn mörgum heimsálfum.
Salan var lokahnykkurinn á
þemaverkefni sem unglingarnir
unnu um þróunarsamvinnu. Auk
veitinganna seldu nemendurnir
pappírsfugla (trönur) sem þeir brutu
saman á ákveðinn hátt og af mikilli
lagni. Þá söfnuðu þau dósum og
flöskum fyrir málstaðinn.
Söfnunin gekk mjög vel en alls
söfnuðust um 140.000 krónur. Upp-
hæðin mun renna óskipt til barna í
SOS Barnaþorpunum í Cap-Haitien
á Haítí, Abomey-Calavi í Benín og
Phuket á Tælandi. Börnin í þorp-
unum eiga það sameiginlegt að eiga
ekki foreldra sem geta annast þau. Í
barnaþorpunum hafa þau hins vegar
fengið SOS-móður, systkini og heim-
ili til frambúðar. Orri og Lovísa,
fulltrúar nemenda, afhentu Ragnari
Schram framkvæmdastjóra SOS
Barnaþorpanna styrkinn
Söfnuðu fyrir börn
í SOS barnaþorpum
Í tilefni af komu skipsins Pourquoi-
pas? til Íslands heldur fram-
kvæmdastjóri Stofnunar Paul-
Emile Victor, Pierre-Yves Frenot,
fyrirlestur fimmtudaginn 31. maí
kl. 12 í fyrirlestrarsal 132, Öskju,
HÍ. Fyrirlesturinn í ár er sá fimmti í
röð árlegra fyrirlestra um Charcot
skipherra og vísindalega og sögu-
lega arfleifð hans. Frenot flytur
fyrirlestur sinn á ensku, en hann
ber heitið: Starfsemi Stofnunar
Paul-Emile Victor á eyjum við Suð-
urskautslandið: athuganir á lofts-
lagsbreytingum og áhrifum þeirra
á fjölbreytni lífríkisins.
Fyrirlestur um
Charcot skipherra
Ársfundur Byggðastofnunar verð-
ur haldinn föstudaginn 1. júní nk. í
Miðgarði, Skagafirði. Fundurinn
hefst kl. 13 og er öllum opinn.
Auk hefðbundinna ársfundar-
starfa verður haldið málþing um
stöðu sveitasamfélaga og hefst það
kl. 14. Erindi flytja: Steingrímur J.
Sigfússon landbúnaðarráðherra,
Anna Karlsdóttir, lektor við Há-
skóla Íslands, Sigurður Árnason
sérfræðingur, Eiríkur Blöndal,
framkvæmdastjóri Bændasamtak-
anna, og Hafdís Sturlaugsdóttir,
bóndi í Húsavík á Ströndum. Síðan
verða umræður og fyrirspurnir.
Þóroddur Bjarnason stýrir fundi.
Málþing um stöðu
sveitasamfélaga
STUTT
FRÉTTASKÝRING
Guðrún Sóley Gestsdóttir
gudrunsoley@mbl.is
Íslensk ferðaþjónusta þjáist af tölu-
verðum vaxtarverkjum samkvæmt
niðurstöðum kannana sem Anna
Dóra Sæþórsdótir, dósent í ferða-
málafræði, gerði. Morgunblaðið
fjallaði í blaði gærdagsins um
óánægju erlendra ferðamanna sem
þykja margar af helstu náttúruperl-
ur landsins of þétt skipaðar gestum.
Um þriðjungi ferðamanna finnst of
mikið um ferðafólk í Landmanna-
laugum og heil 40% telja svo vera í
tilfelli Hrafntinnuskers á Laugavegi.
Hvergi eru þó uppi áætlanir um að
stjórna umferðinni með markvissum
hætti né sporna gegn fjölgum.
Ferðaþjónustufólk er á einu máli
um að fjölgunar verði víða vart og
mikilvægt sé að þær væntingar sem
byggðar eru upp meðal ferðamanna
séu í takt við raunveruleikann. Þann-
ig séu til að mynda gönguleiðir á
miðhálendinu ekki lengur þeir af-
skekktu, fáförnu staðir sem þær
voru eitt sinn. Þetta er þó ekki algilt
því sums staðar undrast menn skort
á ferðamönnum eins og til dæmis í
Kerlingarfjöllum og um Kjalveg.
Kallar á frekara skipulag
Auknum straumi ferðamanna
fylgir óhjákvæmilega rof á göngu-
stígum, aukin notkun á allri aðstöðu,
svo sem rennandi vatni og rafmagni
auk þess sem einhverjir skilja eftir
sig rusl. Tekjum af fjölgun ferða-
manna um svæðin verður varið til
þess að bæta aðstöðu og koma til
móts við gesti í meira mæli en áður
hefur tíðkast. Til að mynda hefur
ekki verið gert deiliskipulag fyrir
Landmannalaugar, en ætlunin er að
hrinda því í framkvæmd á næstu
árum. Auk þess kallar aukinn
fjöldi gesta á skipulagsvinnu sem
fylgir atvinnugrein í svo örum vexti.
Í því samhengi má nefna að Rang-
árþing ytra fékk styrk fyrr á þessu
ári úr framkvæmdasjóði ferða-
mannastaða að upphæð fimm millj-
ónir króna til að vinna samræmt
ramma- eða svæðisskipulag fyrir
Stór-Fjallabakssvæðið með tilliti til
ferðamennsku, öryggismála, álags á
náttúru og samgangna. Fulltrúar
Ferðamálastofu telja að rannsóknir
á borð við þá sem Anna Dóra stend-
ur á bak við séu nauðsynlegur þáttur
í mótun og uppbyggingu ferðaþjón-
ustu á Íslandi. Móta þurfi skýra sýn
út frá niðurstöðum rannsókna af
þessu tagi, svara þörfum þeirra ólíku
hópa sem sækja landið heim, hvort
sem þeir sækist eftir að heimsækja
fáfarna staði eða vera innan um aðra
ferðamenn á vinsælum áningarstöð-
um um land allt.
Einsemd í afskekktri
náttúru vandfundin
Morgunblaðið/RAX
Væntingar Mikilvægt er að samræmi sé milli markaðssetningar og þess raunveruleika sem mætir ferðamönnum.
Íslenskar náttúruperlur sífellt fjölsóttari Óánægja ferðamanna eykst
„Þörf er á að
skoða Land-
mannalaugar og
verið er að hefja
vinnu við skipu-
lagsmál á því
svæði,“ segir
Ólöf Ýrr Atla-
dóttir ferða-
málastjóri. Hún
segir að miðað
við þá ímynd sem Landmannalaug-
ar hafa sé ekki skrýtið að ferða-
mönnum þyki þar of mikið um
fólk. „Landmannalaugar eru að
mörgu leyti birtingarmynd þeirrar
þróunar sem varð því miður á
sumum stöðum. Í byrjun var ekki
hugsað nægilega heildstætt um
mótun. En svo lengi lærir sem lifir
og ferðaþjónusta og móttaka
ferðamanna er í stöðugri þróun.“
Að sögn Ólafar byggist ímynd
landa og svæða meðal annars á
samspili milli ólíkra þarfa ferða-
manna. „Kannski höfum við í
gegnum tíðina farið örlítið fram úr
okkur hvað þetta varðar. Þess
vegna eru niðurstöður Önnu Dóru
áhugaverðar því nú gefst tækifæri
til endurskoðunar í ljósi nýrra
upplýsinga.“
„Samspil milli ólíkra
þarfa ferðamanna“
Ólöf Ýrr Atladóttir
„Það getur enginn búist við því að
fara í Landmannalaugar og eiga
von á að þær séu eins og þær voru
fyrir 30 árum. Þær og Laugaveg-
urinn eru einfaldlega ekki lengur
fáfarnir staðir. Fjölfarnir vegir af
þessu tagi eru til úti um allan
heim,“ segir Ólafur Örn Haralds-
son, forseti Ferðafélags Íslands.
„Þeir sem ganga slíka vegi verða að
gera sér grein fyrir að þar er ekki
að finna það fámenni sem margir
þeirra leita að. Þeir eru þó ekki
verri fyrir vikið.“
Ólafur telur óánægju með þessa
breytingu óþarfa.
„Margir hafa ánægju af að ganga
fjölfarnar leiðir og þiggja góða
þjónustu. Ef eitthvað er kalla okkar
viðskiptavinir eftir meiri þjónustu.
Við erum óskaplega leið og þreytt á
ósanngjarnri umræðu og óhróðri
um Landmannalaugar, að þar sé
allt í skít og skömm, það er einfald-
lega ekki tilfellið.“
Þreytt á óhróðri um
Landmannalaugar
„Erlendis hafa menn brugðist við
mannmergð á gönguslóðum með
því að setja upp einstefnugöngu.
Þannig verður göngu-
fólk minna vart við
umferðina því allir
ganga í sömu átt,“
segir Ólafur Örn
Haraldsson, for-
seti Ferðafélags Ís-
lands. Hann segir
að þetta sé
raun-
hæfur
kostur hér á landi. „Mér finnst
koma mjög sterklega til greina að
taka þetta fyrirkomulag upp hér á
landi, að minnsta kosti á Lauga-
veginum,“ segir Ólafur. „Um
Laugaveginn fara 9-12 þúsund
manns á ári hverju og það eru ekki
margir miðað við það sem gerist á
þekktustu gönguleiðunum erlend-
is. Við erum á ágætri leið og þurf-
um bara að auka og bæta þjón-
ustuna, en ætlunin er að nýta
tekjurnar sem skapast af aukinni
aðsókn í það.“
Einstefna á Laugaveginum
BREGÐAST VIÐ FJÖLDANUM Á FRUMLEGAN HÁTT
Ólafur Örn
Haraldsson
Z-Brautir og gluggatjöld
Faxafeni 14 - 108 Reykjavík - S. 525 8200 - z.is
Veggfóður frá
Prestigious
Úrval - gæði - þjónusta