Morgunblaðið - 10.05.2012, Blaðsíða 20

BAKSVIÐ
Björn Jóhann Björnsson
bjb@mbl.is
Til meðferðar er hjá innanríkisráðu-
neytinu kæra frá foreldrum barna í
Hamra- og Húsaskóla í Grafarvogi
vegna fyrirhugaðrar sameiningar
unglingadeilda skólanna við Folda-
skóla. Vísaði menntamálaráðuneytið
erindi foreldra þangað þar sem inn-
anríkisráðuneytið hefur stjórnsýslu-
eftirlit með starfsemi grunnskóla.
Foreldrarnir telja að ekki hafi ver-
ið staðið að undirbúningi sameining-
arinnar eins og lög og reglur kveði á
um. Innanríkisráðuneytið hefur
fengið frekari gögn frá foreldrunum
og líklega verður kallað eftir frekari
gögnum áður en úrskurður liggur
fyrir.
Samkvæmt upplýsingum úr innan-
ríkisráðuneytinu liggur ekki fyrir
hvenær niðurstöðu er að vænta, það
geti þó tekið vikur eða mánuði.
Hins vegar er búist við úrskurði
frá ráðuneytinu í næstu viku varð-
andi kæru vegna sameininga nokk-
urra leik- og grunnskóla sem sam-
þykktar voru í borgarstjórn í apríl
2011. Sameiningar unglingadeilda
grunnskóla í sunnanverðum Grafar-
vogi voru ekki hluti af þeirri kæru.
Sumar af þessum sameiningum urðu
að veruleika um síðustu áramót, eins
og samruni Korpu- og Víkurskóla
annars vegar og Borga- og Engja-
skóli hins vegar.
Keyrt í gegn af meirihlutanum
Eins og fram kom í Morgunblaðinu
í gær hefur Jón Gnarr borgarstjóri
svarað foreldrunum í Hamra- og
Húsahverfi á þá lund að fyrirhugaður
samruni í Grafarvogi standi og komi
til framkvæmda í haust. Engin rök
hafi komið fram sem réttlæti að borg-
in hætti við áform sín. Við þessi svör
eru foreldrar mjög ósáttir og var haft
eftir talsmanni þeirra í blaðinu í gær
að vilji nær allra foreldra barna í
skólunum, eða um 90%, skipti borg-
ina greinilega engu máli.
Kjartan Magnússon, borgar-
fulltrúi Sjálfstæðisflokksins, situr í
skóla- og frístundaráði. Hann segir
allt líta út fyrir að málið verði keyrt í
gegn hjá meirihlutanum í borgar-
stjórn þrátt fyrir hávær mótmæli
íbúa í hverfunum og andstöðu meira
en 90% foreldra barna í þessum skól-
um. Greinilega eigi ekkert að hlusta á
þessar raddir.
Einnig stendur til að flytja Hamra-
setur úr Hamraskóla yfir í Folda-
skóla, en það er sérdeild fyrir ein-
hverfa nemendur. Bendir Kjartan á
að foreldrafélög Hamraskóla og
Foldaskóla hafi í umsögnum sínum
um sameininguna gert athugasemdir
við þennan flutning og dregið í efa að
nægur tími sé til undirbúnings á
flutningnum fyrir næsta skólaár.
„Þetta mál allt saman sýnir betur
en margt annað að þau orð sem komu
fram í samstarfsyfirlýsingu Besta
flokksins og Samfylkingarinnar, um
aukið samráð og aðkomu foreldra að
lykilákvörðunum í skólamálum, hafa
reynst innantóm og merkingarlaus.
Það ber ekki mikið á íbúalýðræði í
þessu, málið er keyrt í gegn án þess
að leggjast í neina athugun á afleið-
ingum og kostnaði við samein-
inguna,“ segir Kjartan og efast stór-
lega um að markmið um hagræðingu
við sameininguna nái fram að ganga.
Ætlaður sparnaður sé heldur ekki
mikill.
Spurningum ekki svarað
Bendir Kjartan á að fjölmargir að-
ilar, m.a. menntamálaráðuneytið,
hafi komist að þeirri niðurstöðu að
ekki hafi verið vel að verki staðið í
undirbúningnum. Margs konar regl-
ur í breytingastjórnun hafi t.d. verið
hunsaðar.
Kjartan tók málið upp í borgar-
stjórn í síðustu viku og þar lögðu
borgarfulltrúar Sjálfstæðisflokksins
fram bókun þar sem sameiningin og
flutningur Hamraseturs voru harð-
lega gagnrýnd. Tillaga um að setja
málið í sáttafarveg var felld af meiri-
hlutanum. Að sögn Kjartans tóku
fulltrúar meirihlutans ekki þátt í
þessari umræðu og þannig hafi
formaður skóla- og frístunda-
ráðs, Oddný Sturludóttir, ekki
svarað neinum spurningum sem
að henni var beint á fundi borg-
arstjórnar.
„Þegar slíkt gerist er
fokið í flest skjól. Á hvaða
vettvangi verður þá
hægt að taka mál upp,
ef ekki á borgarstjórn-
arfundum?“ spyr
Kjartan, sem hyggst
fylgjast vel með mál-
inu áfram.
Kæra foreldra til meðferðar
 Innanríkisráðuneytið fjallar um kæru frá foreldrum vegna samruna unglingadeilda Hamra- og Húsa-
skóla við Foldaskóla  Úrskurðar ráðuneytisins að vænta um nokkrar skólasameiningar í Reykjavík
Morgunblaðið/Árni Sæberg
Foreldrar Mikil andstaða hefur verið við áform borgarinnar um samruna unglingadeilda í sunnanverðum Grafar-
vogi. Kynningarfundir voru haldnir í vetur þar sem fjöldi foreldra mætti og borgarfulltrúar sátu fyrir svörum.
20 FRÉTTIRInnlent
MORGUNBLAÐIÐ FIMMTUDAGUR 10. MAÍ 2012
Kolabarinn 4ðu hæð Hörpu opinn
fyrir og eftir sýningu
Kolabrautin er á 4ðu hæð Hörpu – Borðapantanir 519 9700
info@kolabrautin.is – www.kolabrautin.is
Ekki náðist tal af Jóni Gnarr
borgarstjóra í gær en að sögn
Björns Blöndals, aðstoð-
armanns borgarstjóra, er engu
að bæta við það bréf sem borg-
arstjóri sendi foreldrum barna í
Hamra- og Húsaskóla. Þar segir
Jón Gnarr m.a. að safnskóli í
Foldaskóla sé „afar góður kost-
ur fyrir unglingana í hverfinu,
auk þess sem hann mun skila
hagræðingu í skólamálum borg-
arinnar í heild“.
Síðan telur Jón upp helstu
röksemdir borgarinnar fyrir
safnskóla í sunnanverðum Graf-
arvogi. Fámennar unglinga-
deildir séu í þessum skólum í
dag. Bjóða mætti upp á aukið
framboð af valgreinum á ungl-
ingastigi og með því að byggja
upp sterka unglingadeild í
Foldaskóla mætti efla og styrkja
unglingamenningu í hverfinu.
Borgarstjóri segir góða fé-
lagsaðstöðu vera í Foldaskóla
fyrir unglinga og með sameig-
inlegu félags- og forvarnastarfi
fyrir alla nemendur á svæðinu
megi vænta góðs árangurs.
Þá segir hann að með einni
fjölmennri unglingadeild
verði sérhæfing kennara
meiri, „sem eykur líkur á
dýpri fagþekkingu þeirra og
sérhæfingu í kennslu,
nemendum til hags-
bóta“.
Loks biður Jón
foreldrana að
vinna að samein-
ingunni með já-
kvæðum huga.
Sameiningin
góður kostur
ÚR BRÉFI BORGARSTJÓRA
Jón Gnarr
Úthlutað var í gær úr Skólasafna-
sjóði til bókasafna 40 grunnskóla um
allt land.
Skólasafnasjóði var komið á lagg-
irnar árið 2010 til að bregðast við
bágri stöðu skólabókasafna á Íslandi
í kjölfar efnahagsþrenginganna. Fé í
hann er safnað með verkefninu
„Ávísun á lestur“ sem dreift er til
allra heimila landsins í Viku bókar-
innar. Hver ávísun gildir sem 1.000
króna afsláttur við bókakaup og þá
renna 100 krónur í sjóðinn. Vonir
standa til að ein milljón króna safnist
á þennan hátt, að því er fram kemur í
tilkynningu. Í gær lagði Arion banki
eina milljón í sjóðinn til viðbótar.
Brynhildur Þórarinsdóttir, stjórn-
arformaður Barnabókastofu á Akur-
eyri, flutti tölu við afhendinguna og
fór yfir rannsóknir sínar á stöðu
skólabókasafna og mikilvægi þeirra
til að efla læsi á Íslandi en minnkandi
lestrarkunnátta íslenskra barna hef-
ur verið mikið í fréttum undanfarin
misseri. Benedikt Kristjánsson,
stjórnarformaður Skólasafnasjóðs,
tók við styrknum úr hendi Höskuld-
ar Ólafssonar, bankastjóra Arion
banka.
Styrkir Benedikt Kristjánsson, Brynhildur Þórarinsdóttir og
Höskuldur Ólafsson við afhendingu styrkja til bókasafna.
Styrkir veittir til
skólabókasafna