Morgunblaðið - 10.05.2012, Blaðsíða 36
36 FRÉTTIRErlent
MORGUNBLAÐIÐ FIMMTUDAGUR 10. MAÍ 2012
Ólympíueldurinn fyrir Ólympíuleikana í London í sumar verður kveiktur
við hátíðlega athöfn í Ólympíu í Grikklandi í dag. Gríska leikkonan Ino
Menegaki er hér í hlutverki hofgyðju og kveikir á ólympíukyndli á loka-
æfingu fyrir athöfnina í gær. Ólympíukyndillinn verður fluttur með flugvél
til Bretlands 18. maí og hlaupið verður með hann milli breskra borga og
bæja þar til Ólympíuleikarnir verða settir 27. júlí.
Ólympíueldur kveiktur
AFP
Elísabet II Bretadrottning flutti stefnuræðu ríkisstjórnar Íhaldsflokksins
og Frjálslyndra demókrata á breska þinginu í gær. Í ræðunni kom með-
al annars fram að ríkisstjórnin hyggst leggja fram lagafrumvörp sem
ættu að stuðla að „hagvexti, réttlæti og stjórnlagaumbótum“ en for-
gangsverkefnið yrði að minnka útgjöld ríkisins og fjárlagahallann. Boð-
aðar sparnaðaraðgerðir ríkisstjórnarinnar eru taldar ein af helstu skýr-
ingunum á fylgistapi stjórrnarflokkanna í nýlegum
sveitarstjórnarkosningum í Bretlandi.
AFP
Boðar lög til að stuðla að hagvexti
Bretadrottning flytur stefnuræðu bresku ríkisstjórnarinnar á þinginu
Eitt af hverjum sex krabbamein-
stilfellum sem greinast í heiminum,
eða um tvær milljónir tilfella á ári,
er vegna sýkinga sem hægt væri að
meðhöndla og þar með fyrirbyggja
krabbameinið.
Í vísindaritinu The Lancet Onco-
logy kemur fram að vísindamenn
rannsökuðu tíðni 27 tegunda
krabbameins í 184 löndum. Við
rannsóknina fundust fjórar sýk-
ingar sem taldar eru orsaka
krabbamein.
Þessar fjórar sýkingar, meðal
annars lifrarbólga B og C, eru tald-
ar valda um 1,9 milljónum tilfella af
legháls-, maga- og lifrar-
krabbameini í heiminum. Flest eru
tilfellin í þróunarlöndum.
Vísindamennirnir sem unnu
rannsóknina segja nauðsynlegt að
taka á þessum vanda. Krabbamein
vegna sýkinga séu þrisvar sinnum
algengari í þróunarlöndum, svo sem
í löndum Austur-Asíu, en á öðrum
svæðum, til að mynda í Bretlandi
þar sem sýkingarhlutfallið er lágt. Í
tæpum þriðjungi krabbameins-
tilfellanna eru sjúklingarnir undir
fimmtugsaldri, að því er fram kem-
ur í frétt BBC.
Krabbamein
er oft fyrir-
byggjanlegt
Eitt af hverjum
sex vegna sýkingar
Bogi Þór Arason
bogi@mbl.is
Maður, sem hryðjuverkahreyfingin
al-Qaeda á Arabíuskaga (AQAP)
hafði sagt að sprengja flugvél í loft
upp á leið til Bandaríkjanna, var
njósnari sem lék tveim skjöldum og
gekk í hreyfinguna í Jemen til að
bjóðast til að taka þátt í hryðjuverk-
um. Bandarískir fjölmiðlar skýrðu
frá þessu í gær og sögðu að leyni-
þjónusta Sádi-Arabíu hefði gegnt
mikilvægu hlutverki í aðgerðinni.
Bandarískir embættismenn láku
upplýsingum um aðgerðina í fjöl-
miðla eftir að embættismenn í Hvíta
húsinu í Washington tilkynntu að
tekist hefði að afstýra hryðjuverki á
vegum al-Qaeda á Arabíuskaga.
Bandaríska dagblaðið Los Angel-
es Times sagði að maðurinn hefði
verið á vegum sádiarabísku leyni-
þjónustunnar. Njósnarinn mun hafa
verið í nokkrar vikur á meðal liðs-
manna AQAP í Jemen og fengið
sprengju sem falin var í nærbuxum.
Mjög erfitt hefði verið að finna
sprengjuna við venjulega vopnaleit á
flugvöllum og haft var eftir
embættismönnum að hún væri nógu
öflug til að geta grandað farþega-
þotu.
Í stað þess að beita sprengjunni
kom njósnarinn henni í hendur
bandarískra og sádiarabískra leyni-
þjónustumanna. Sérfræðingar
bandarísku alríkislögreglunnar,
FBI, eru nú að rannsaka hana.
Embættismennirnir sögðu að
þetta væri mikilvægur sigur í barátt-
unni gegn hryðjuverkahreyfingunni
en bættu við að mikil hætta stafaði
enn af henni. Hættulegasti liðsmað-
ur hennar, Ibrahim Hassan Taleh al-
Asiri, væri enn staðráðinn í því að
búa til sprengjur sem fyndust ekki
við vopnaleit á flugvöllum.
Njósnari lék
á al-Qaeda
Fékk „nærfatasprengju“ og laumaði
henni til leyniþjónustu Bandaríkjanna
Reuters
Hættulegur Al-Asiri er talinn hafa
búið til nærfatasprengjuna.
Mannaskipti
urðu í gær í for-
ustu danska
Jafnaðarmanna-
flokksins. Var
Henrik Sass
Larsen kjörinn
þingflokks-
formaður í stað
Mogens Jensen,
sem tekur við
embætti vara-
formanns flokksins.
Sass Larsen hefur verið náinn
samstarfsmaður Helle Thorning-
Schmidt, flokksleiðtoga og forsætis-
ráðherra Dana. Almennt var búist
við því í haust þegar ný ríkisstjórn
undir stjórn Thorning-Schmidt tók
við völdum, að Sass Larsen yrði
fjármálaráðherra en af því varð
ekki þegar í ljós kom að hann hafði
átt óformlegan fund með einum af
leiðtogum vélhjólasamtakanna
Bandidos.
Mannaskipti
hjá jafnað-
armönnum
Henrik Sass
Larsen
28 ára Þjóð-
verji, sem var
stöðvaður á
flugvelli með 49
eðlur í farangr-
inum, bar því
við að hann
hefði ætlað að
borða þær og
bauðst jafnvel
til að bíta hausinn af einni þeirra til
að sanna það.
Þjóðverjinn var stöðvaður á flug-
velli í München eftir að hann kom
þangað með flugvél frá Óman. Sem
betur fer fyrir eðlurnar afþökkuðu
tollverðir tilboð hans um að sanna
mál sitt. Þeir gerðu eðlurnar upp-
tækar og þeim var því hlíft við því
að lenda á steikarpönnu mannsins.
Að sögn þýsku tollgæslunnar eru
eðlurnar við „hestaheilsu“ og
maðurinn fær líklega sekt að and-
virði að minnsta kosti 1.000 evra,
jafnvirði 163.000 króna. bogi@mbl.is
Sagðist vilja
eðlur í soðið
Ibrahim Hassan Taleh al-Asiri er
28 ára og eftirlýstur vegna gruns
um að hann hafi búið til sprengjur
sem al-Qaeda á Arabíuskaga hefur
beitt í árásum frá árinu 2009.
Hann er m.a. sagður hafa gert
sprengju sem bróðir hans beitti í
tilraun til að ráða aðstoðarinnan-
ríkisráðherra Sádi-Arabíu af dög-
um í ágúst 2009. Hann er einnig
talinn hafa búið til „nærfata-
sprengju“ sem Nígeríumaður
reyndi að sprengja í farþegaþotu
yfir Bandaríkjunum á jóladag
2009. Þá er talið að hann hafi gert
sprengjur sem fundust í tveimur
bögglum, sem voru póstlagðir til
Bandaríkjanna, en fundust í flug-
vélum í Dubai og Bretlandi í októ-
ber 2010.
Bjó til nærfatasprengju
EFTIRLÝSTUR FYRIR SPRENGJUGERÐ