Morgunblaðið - 10.05.2012, Blaðsíða 26
26 FRÉTTIRInnlent
MORGUNBLAÐIÐ FIMMTUDAGUR 10. MAÍ 2012
ÚR BÆJARLÍFINU
Skapti Hallgrímsson
Akureyri
Sumarið kom formlega til Akur-
eyrar á mánudaginn. Þegar ég leit út
um eldhúsgluggann var bæði verið
að slá fótboltavöllinn sem blasir við
og verið að setja upp vallarklukk-
una. Það er ætíð ánægjuleg stund;
eins og það er slæmt þegar hún er
tekin niður á haustin. Fyrstu dagana
eftir að hún er sett í geymslu veit
maður ekki hvað tímanum líður …
Á mánudagskvöldið sannfærð-
ist ég svo endanlega um að sumarið
væri komið til höfuðborgar Norður-
lands. Það var þegar byrjaði að
snjóa …
Stór hópur frá bandarísku borg-
inni Denver sótti Akureyri heim í
gær, þar á meðal borgarstjórinn,
Michael B. Hancock og fjöldi fólks
úr ferðaþjónustunni. Sendiherra
Bandaríkjanna á Íslandi, Luis E.
Arreaga, var með í för.
Hancock borgarstjóri og Eiríkur
Björn Björgvinsson, starfsbróðir
hans á Akureyri, undirrituðu við há-
tíðlega athöfn í Hofi viljayfirlýsingu
um að komið verði á formlegu vina-
bæjasambandi á milli Denver og Ak-
ureyrar sem fyrst, með áherslu á
samvinnu á sviði menningarmála,
menntunar og viðskipta.
Denver er í Colorado-ríki, við
rætur Klettafjalla. Í borginni og
næsta nágrenni búa um 620 þúsund
manns.
Bandarísku gestunum var boðið
í kynnisferð um Akureyri, m.a. var
farið út í Hrísey þar sem Hús Há-
karla-Jörundar var skoðað sem og
bláskelsræktun við eyjuna.
Forráðamenn bæjanna skiptust
á gjöfum í gær, eins og siður er við
slíkar athafnir. Denverbúar færðu
Eiríki bæjarstjóra t.d. forláta kú-
rekahatt sem fór honum afar vel í
sólinni sunnan við Hof …
Karl Frímannsson, skólastjóri á
Hrafnagili í Eyjafjarðarsveit, gegnir
stöðu fræðslustjóra á Akureyri
næsta árið í stað Gunnars Gísla-
sonar sem fer í leyfi. Ellefu sóttu um
starfið.
Meirihluti skólanefndar sam-
þykkti tillögu bæjarstjóra á fundi í
vikunni um að ráða Karl. Logi Már
Einarsson, S-lista, og Helgi Vilberg
Hermannsson, A-lista, sitja hjá og
Gerður Jónsdóttir, áheyrnarfulltrúi
B-lista, lét bóka að hún mótmælti
vinnubrögðum við ráðninguna. Skv.
samþykktum skólanefndar ætti
nefndin að veita bæjarstjóra umsögn
um þá sem sækjast eftir starfinu áð-
ur en ráðið er, en nefndin hefði aldr-
ei fjallað um málið.
Evrópustofa hefur tekið til
starfa á Akureyri. Útibú var opnað á
mánudaginn í húsnæði Norrænu
upplýsingaskrifstofunnar við Kaup-
vangsstræti, og á sama tíma var
opnuð plakatasýning á Glerártorgi
þar sem ESB er útskýrt í máli og
myndum.
Opnun Evrópustofu á Akureyri
er liður í þeirri viðleitni miðstöðv-
arinnar að auka almenna þekkingu á
Evrópusambandinu meðal íslensks
almennings, segir í tilkynningu frá
stofunni. „Þar munu gestir hafa að-
gang að upplýsingaefni, bæði al-
mennu kynningarefni sem og fræði-
legum bókakosti um ESB, ásamt því
sem fólki stendur til boða að setjast
niður við tölvu og sækja sér upplýs-
ingar um ESB og starfsemi þess á
veraldarvefnum.“
Tvennir gríðarlega vel heppnaðir
tónleikar voru í Hofi síðastliðið laug-
ardagskvöld. Þar var Evróvisjón-
stemning í algleymingi; hluti Sinfón-
íuhljómsveitar Norðurlands kom
fram ásamt kór og bakröddum og
söngvararnir Friðrik Ómar og Reg-
ína Ósk fluttu hvern smellinn af öðr-
um, úr Söngvakeppni evrópskra
sjónvarpsstöðva frá upphafi. Heið-
ursgestir voru Greta Salóme og
Jónsi, sem keppa fyrir Íslands hönd
í Aserbaídsjan. Þau fluttu lag Gretu,
Never Forget.
Tuttugu og sjö sóttu um starf
verkefnisstjóra atvinnumála hjá Ak-
ureyrarbæ. Sævar Pétursson lét af
því starfi 1. mars og umsóknar-
frestur rann út 25. apríl og gert er
ráð fyrir að ráða mann fljótlega.
Vorboðinn hrjúfi, KK, og Maggi
Eiríks verða með tónleika á Græna
hattinum á laugardagskvöldið. Þar
fara þeir yfir feril beggja í tali og
tónum.
Birtingarmyndir ofbeldis, af-
leiðingar og úrræði verða til umfjöll-
unar á ráðstefnu sem Jafnrétt-
isstofa, Rannsóknamiðstöð gegn
ofbeldi og Háskólinn á Akureyri
standa fyrir á morgun. Fjöldi at-
hyglisverðra erinda er á dagskránni.
Barokktónleikar verða í Hömr-
um í Hofi í kvöld kl. 20. Á tónleik-
unum verður flutt tónlist eftir tón-
skáld á borð við Buxtehude,
Marcello, Frescobaldi og Corelli.
Fram koma Ásdís Arnardóttir, selló,
Eyþór Ingi Jónsson, semball, og
Lára Sóley Jóhannsdóttir, fiðla.
Stefán B. Gunnlaugsson, lektor
við Háskólann á Akureyri, heldur
erindi í hádeginu í dag á málstofu í
skólanum; Áhrif frumvarpa um
stjórn fiskveiða og veiðigjald á ís-
lensk sjávarútvegsfyrirtæki. Stefán
og Daði Már Kristófersson athug-
uðu nýverið áhrif og afleiðingar
frumvarpanna, á vegum atvinnu-
veganefndar Alþingis, og ræðir Stef-
án í dag um niðurstöðu skýrslu
þeirra.
Framtíðarvinir Eiríkur Björn Björgvinsson, bæjarstjóri á Akureyri, og Michael B. Hancock, borgarstjóri í Denver.
Akureyri verður
vinabær Denver
Morgunblaðið/Skapti Hallgrímsson
Gaman Mikið fjör var á tvennum Evróvisjón-tónleikum í Hofi síðasta
laugardagskvöld. Greta Salóme, Friðrik Ómar, Regína Ósk og Jónsi.
Bæjarlind 16 - Kópavogur - Sími 553 7100 - www.linan.is opið mánudaga til föstudaga 12 - 18 laugardaga 11 - 16
Allegro 3ja sæta kr. 435.800
Edge tunguhornsófi 200x280
kr. 283.000
Simon
e 3ja
sæta
kr. 20
6.000
Simon
e 2ja
sæta
kr. 17
5.400
Avignon 3ja sæta kr. 232.800
Sófarstórir og smáir
Krabbameinsfélagið
Á móti hækkandi sól
Streita og áfallið að greinast
með krabbamein
Örráðstefna
10. maí kl. 16:30-18:00
16:30-16:35 Ráðstefnan sett.
Ragnheiður Haraldsdóttir forstjóri
Krabbameinsfélags Íslands.
16:35-16:40 Ráðgjöf.
Ásdís Káradóttir hjúkrunarfræðingur segir frá
Ráðgjafarþjónustu Krabbameinsfélagsins.
16:45-17:00 Sjálfsvíg og hjartaáföll í kjölfar krabbameins-
greiningar.
Dr. Unnur A. Valdimarsdóttir dósent í
lýðheilsuvísindum við Háskóla Íslands.
17:00-17:15 „Fyrstu skrefin“, fag- og reynsluþekking.
Dr. Snorri Ingimarsson krabbameins- og
geðlæknir.
17:15–17:30 „Sorg og fjalllendi“, stuðningur við fjölskyldur.
Sr. Sigurður Arnarson sóknarprestur í
Kópavogskirkju.
17:30-17:45 „Berskjaldaður - að brotna til að opna“.
Dr. Árelía Eydís Guðmundsdóttir dósent
við Viðskiptadeild Háskóla Íslands, ráðgjafi og
rithöfundur.
17:45-18:00 Kaffi og spjall.
Allir velkomnir - ókeypis aðgangur
Fundarstjóri: Rudolf Adolfsson, geðhjúkrunarfræðingur
Krabbameinsfélag Íslands, Skógarhlíð 8, 105 Rvk., 540 1900, www.krabb.is