Morgunblaðið - 03.10.2012, Blaðsíða 36

36 DÆGRADVÖL
MORGUNBLAÐIÐ MIÐVIKUDAGUR 3. OKTÓBER 2012
Stjörnuspá
21. mars - 19. apríl 
Hrútur Það er til mikils ætlast af þér í
vinnunni og þú þarft að leggja þig allan fram.
Einhver gefur þér gjöf eða gerir þér greiða.
20. apríl - 20. maí 
Naut Af einhverri undarlegri ástæðu heillast
þú af yfirskilvitlegum hlutum. Hikaðu ekki við
að deila hugmyndum þínum með yfirmanni
þínum en hlustaðu líka á hugmyndir hans.
21. maí - 20. júní 
Tvíburar Þótt aðstæður á vinnustað séu ekki
eftir ykkar höfði skuluð þið ekki láta þær
ergja ykkur. Gríptu strax til þinna ráða og
kveddu orsökina í kútinn áður en usli hlýst af.
21. júní - 22. júlí 
Krabbi Þú finnur löngun hjá þér til að gera
eitthvað nýtt og gætir fengið tækifæri til
þess fyrr en síðar. Tilfinningaþrungin við-
brögð þín skýrast af því hversu þú samkennir
þig skoðunum þínum.
23. júlí - 22. ágúst 
Ljón Það myndi létta af þér miklum áhyggj-
um ef þú gæfir þér tíma til þess að koma
fjármálunum á hreint. Vertu óhræddur að
taka að þér erfið verkefni sem aðrir leggja
ekki í.
23. ágúst - 22. sept. 
Meyja Það kann að vera að manneskja, sem
er hjálpar þurfi, verði kynnt fyrir þér. Það er
miður ef óhófleg eyðsla þín kemur niður á
sambandinu.
23. sept. - 22. okt. 
Vog Engar hindranir geta haldið þér fjarri
þeim sem þér var ætlað að vera með. Vogin
er hlý og skilningsrík í samskiptum og hugs-
anlega laðast margir að henni.
23. okt. - 21. nóv.
Sporðdreki Þú þarft að skapa þér betri yf-
irsýn yfir verkefni þitt. Smávegis samkeppni
er af hinu góða. Gættu þín mjög vel gagnvart
fyrirætlunum nágranna þinna.
22. nóv. - 21. des.

Bogmaður Leiðin upp á tindinn getur stund-
um verið löng og snúin. Talaðu um það sem
þú sérð, sérstaklega þegar það er heillandi
sérviska annarra.
22. des. - 19. janúar 
Steingeit Það er ekki gott að láta tilfinning-
arnar hlaupa með sig í gönur. Reyndu að
forðast að kaupa einhvern óþarfa því þú
kannt að sjá eftir því síðar.
20. jan. - 18. febr. 
Vatnsberi Það gerir manni gott að eiga trún-
aðarvin til þess að deila með sínum hjartans
málum. Gefðu þér tíma til að rækta sálarlíf
þitt en gættu þess að forðast allar öfgar.
19. feb. - 20. mars

Fiskar Láttu ekki deigan síga þótt menn sýni
hugmyndum þínum takmarkaðan áhuga.
Langtímafjárfesting verður tekin fram yfir
skjótfenginn gróða.
Karlinn á Laugaveginum varglaðklakkalegur þegar ég hitti
hann þar sem bæjarklósettin höfðu
verið í Bakarabrekkunni. Hann
kinkaði kolli að stjórnarráðshúsinu.
Þarna inni stóð Hannes Hafstein
ráðherra við gluggann, virti fyrir
sér bæjarlífið og orti um það sem
fyrir augu bar:
Fallega tifar Tóta
tekur á milli fóta
eina alin rétta
yfir grundu slétta;
gott eiga þessar grundir
að gægjast þar upp undir:
Ó, að ég væri alin
í einu skrefi falin.
Svo fór karlinn að tala um Jó-
hönnu Sigurðardóttur, að hún ætl-
aði að hætta sem forsætisráðherra
eftir kosningar. „Vormerkin sjást á
haustdögum,“ sagði hann og rifjaði
upp, að hér fyrr meir hefði það kom-
ið fram á miðilsfundi, að flokks-
bróðir hennar Jónas píramídaspá-
maður hefði sagst ætla að hætta
afskiptum af opinberum málum.
Þetta þóttu svo mikil tíðindi, að þau
voru sögð Benedikt Sveinssyni þing-
forseta, sem þá var nýlátinn. Hann
svaraði að bragði: „Mál er að linni!“
Og karlinn velti vöngum, horfði
upp í septembertunglið og sagði:
Jóhanna þætti þó hún hætti núna
sitja í sínum kratakjól
í kommaskjóli á veldisstól
lengur en hún ætti.
Ég hitti gamlan kunningja, Her-
mann Guðmundsson, á biðstofu
lækna, þar sem góður tími gefst til að
spjalla. Hann kenndi mér vísu, sem
hafði fest honum í minni út af einu
orði, „herkinn“, sem hann ekki
þekkti og þýðir harður af sér eða þol-
góður. Vísan er eftir Gísla Helgason
á Hrafnsstöðum, föður Benedikts í
Hofteigi, og um tengdadóttur hans
Guðrúnu Eiríksdóttur á Hrafna-
björgum í Jökulsárhlíð.
Gunna fór að sækja svörð
sú er ekki herkin;
hún er vel af guði gjörð
og góð við karlmannsverkin.
Mér finnst önnur hendingin skrít-
in. Má vera að þar eigi að standa
óherkin í staðinn fyrir herkin?
Ég man ekki hvort ég hef haft orð
á því áður í Vísnahorni en faðir minn
sagði mér að Jón Ólafsson hefði lagt
drög að „Orðabók íslenzkrar tungu
að fornu og nýju“ út af einu orði og
til að hafa ástæðu til að setja á prent
„vestfirska“ vísu:
Það má heita furða full
að F....... er prestur,
allt af er hann áförull
eins og graður hestur.
Og svo verða menn að ráða í
punktana eins og þeir hafa þekkingu
eða smekk til!
Halldór Blöndal
halldor@simnet.is
Vísnahorn
Gunna fór að sækja svörð
eftir Jim Unger
„ÞESSI HAMAR LEMUR ALLTAF FIMM
SENTIMETRUM OF LANGT TIL VINSTRI.“
HermannÍ klípu
„ÞAÐ VAR EKKI ÉG - EN ÉG ER VISS UM
AÐ SÁ SEM GERÐI ÞETTA HAFÐI GÓÐA
ÁSTÆÐU TIL. FEGURÐ, SJARMI OG 10
DULNEFNI DUGA ÞÉR SKAMMT.“
eftir Mike Baldwin
Ferdinand
Hrólfur hræðilegi
Grettir
... að spila uppáhalds-
lagið ykkar saman.
HVAÐ SEGIRÐU ELÍN?... FINNST
ÞÉR ÉG LEIÐINLEGUR?
ÉG?...LEIÐINLEGUR?!
Z
Z
ÞAÐ SKIPTIR EKKI MÁLI
HVERSU LENGI ÉG ER Á
KRÁNNI...
ÞÉR TEKST ALLTAF AÐ
HALDA KVÖLDMATNUM
HEITUM!
JÆJA ELÍN, ÉG ÆTLA AÐ SEGJA
ÞÉR STUTTA SÖGU...
VEISTU HVAÐ MÉR ÞYKIR
BEST VIÐ ÞIG HELGA?
VERKFÆRI
Ritröðin um kirkjur Íslands er núorðin ansi viðamikil. Nú eru ný-
komin út 17. og 18. bindi ritrað-
arinnar og fjalla þau um kirkjur í
Reykjavík. Dómkirkjan er þar á
meðal eins og vænta mátti og rekur
einn höfunda kaflans um kirkjuna,
séra Þórir Stephensen, þar sögur af
séra Bjarna Jónssyni, forvera sín-
um í embætti dómkirkjuprests, sem
var þjóðþekktur fyrir kímnigáfu
sína, eins og segir í bókinni.
x x x
Í einni þeirra ganga séra Bjarni ogPáll Ísólfsson, organisti í Dóm-
kirkjunni, suður með Tjörn: „Kom
þá kría og dritaði á hatt Páls sem
sótbölvaði fuglinum. „Blótaðu ekki,
Páll minn,“ sagði þá séra Bjarni.
„Lofaðu heldur Guð fyrir að kýrnar
skuli ekki hafa vængi.“
x x x
Önnur saga lýsir vel orðheppniséra Bjarna: „Til hans kom eitt
sinn, heim í Lækjargötu 12, vinur
hans, prestur utan af landi. Hann
þurfti til uppskurðar á spítala og
kom til að leita ráða um hvaða lækni
hann ætti að biðja að framkvæma
aðgerðina. „Það er nú vert að íhuga
vel,“ sagði séra Bjarni. „Það er sko
ekki sama hver sker mann upp.“
Svo taka þeir upp léttara hjal. Talið
barst að ræðum presta. Utanbæj-
arpresturinn hélt því stíft fram að
þeir, sem þjónuðu úti á landi og
semdu kannski bara eina til tvær
ræður í mánuði, semdu betri pré-
dikanir en Reykjavíkurprestarnir
sem þyrftu að koma með nýja ræðu
hvern sunnudag, auk þess að þurfa
kannski að semja margar líkræður í
sömu vikunni. Hann gaf því engan
möguleika að æfingin gæti skapað
meistarann. „Hættum nú þessu
tali,“ sagði þá séra Bjarni. „Komdu
heldur með mér, ég þarf að skreppa
út í Eymundsson.“ Þeir gengu svo
saman norður Lækjargötuna og á
horninu við Skólabrú mættu þeir
lágvöxnum manni í frakka og með
hatt. Þeir tóku ofan hver fyrir öðr-
um og séra Bjarni kynnti kollega
sinn fyrir Ólafi Þorsteinssyni háls-,
nef- og eyrnalækni. Þá, allt í einu,
kviknaði á perunni hjá séra Bjarna
og hann sagði: „Láttu hann skera
þig. Hann gerir það svo sjaldan.““
víkverji@mbl.is
Víkverji
því að hjá þér er uppspretta lífsins, í
þínu ljósi sjáum vér ljós.
(Sálmarnir 36:10)
Tónastöðin • Skipholti 50d • Reykjavík • sími 552 1185 & Strandgata 25 • Akureyri • sími 456 1185 • www.tonastodin.is
Tónastöðin
býður upp á mikið úrval
hljóðfæra og nótnabóka
fyrir allar tegundir tónlistar
og leggur áherslu á góða
og persónulega þjónustu.
Hjá okkur færðu
faglega þjónustu,
byggða á þekkingu
og áratuga reynslu.