Morgunblaðið - 16.11.2012, Blaðsíða 9

FRÉTTIR 9Innlent
MORGUNBLAÐIÐ FÖSTUDAGUR 16. NÓVEMBER 2012
Ágúst Ingi Jónsson
aij@mbl.is
Sveitarfélög og hafnarsjóðir hefðu
fengið verulega auknar tekjur á síð-
asta ári ef allur bolfiskafli sem
veiddur er við Ísland hefði verið
seldur á opnum fiskmarkaði. Tekjur
hafnarsjóða og -samlaga hefðu
hækkað um tæplega 280 milljónir
króna árið 2011 vegna viðskipta
með fjórar helstu tegundir bolfisks.
Að sama skapi hefðu útsvarstekjur
sveitarfélaga aukist um tæpan
milljarð á síðasta ári og er þá miðað
við 14,41% meðalútsvar. Gert er ráð
fyrir að verð á mörkuðum haldist
óbreytt þótt framboð aukist og allur
fiskur fari á markað.
Þetta er meðal þess sem kemur
fram í samantekt sem er unnin af
fyrirtækjasviði KPMG ehf. fyrir
stjórn Samtaka fiskframleiðenda og
útflytjenda (SFÚ). Skoðað var verð
á þorski, ýsu, ufsa og karfa. Borið
var saman verð í beinum viðskipt-
um milli aðila samkvæmt Verðlags-
stofu skiptaverðs og meðalverð á
fiskmörkuðum.
19 milljarða aukið verðmæti
Miðað við forsendur KPMG hefði
heildaraflaverðmæti á síðasta ári
aukist um tæplega 19 milljarða í
fyrra ef allur þorskur, ýsa, ufsi og
karfi hefðu farið í gegnum fisk-
markað og verð þar haldist óbreytt.
Tekjur hafnarsjóða vegna viðskipta
á markaði með þessar fjórar teg-
undir hefðu verið 1.358 milljónir.
Aflagjöld hefðu hækkað um u.þ.b.
25%. Áhrifin hefðu verið mest á
suðvesturhorni landsins þar sem
aflagjöld hefðu hækkað um tæpar
119 milljónir.
Í skýringum á bakgrunni verk-
efnisins segir: „Að þeirri forsendu
gefinni að fiskverð hækki við það að
stærri hluti af afla fer um markað
mun það væntanlega leiða til meiri
tekna fyrir hafnarsjóði þar sem
hluti gjalda þeirra er lagður á afla-
verðmæti. Hærra fiskverð myndi
líka hafa áhrif á heildartekjur sjó-
manna til hækkunar sem myndi
leiða til þess að útsvarstekjur sveit-
arfélaga myndu hækka samsvar-
andi.“
Myndi jafna samkeppnisstöðu
Skýrsla KPMG var lögð fram á
aðalfundi SFÚ síðdegis í gær, en á
fundinum var athyglinni sérstak-
lega beint að verðlags- og sam-
keppnismálum í sjávarútvegi. SFÚ
hafa sett fram þau sjónarmið að
viðskipti með sjávarafla ættu að
mestu leyti að fara í gegnum op-
inberan fiskmarkað. Slíkt fyrir-
komulag myndi að þeirra mati jafna
samkeppnisstöðu fiskverkenda,
auka gagnsæi í verðmyndum og
leiða til hærra fiskverðs.
Reiknistofa Fiskmarkaða tengir
14 fiskmarkaði á 28 stöðum á land-
inu saman í eitt uppboðsnet. Á und-
angengnum árum hefur heldur auk-
ist það magn sem fer um
fiskmarkaði. Frá 2003 hefur virkum
kaupendum á fiskmarkaði fækkað
úr 380 í 230. Leiða má að því líkur
að ótryggt framboð og hátt verð
hafi leitt til fækkunar fiskkaupenda,
segir í skýrslu KPMG.
Auknar tekjur á opnum markaði
 Útsvarstekjur og tekjur hafnarsjóða hefðu aukist um yfir 1200 milljónir ef allur
fiskur hefði verið seldur á markaði í fyrra  Miðað við óbreytt verð á mörkuðum
Skipting heildarafla eftir magni
Bein viðskipti Sjófryst Innlendir markaðir
100%
90%
80%
70%
60%
50%
40%
30%
20%
10%
0%
2009 2010 2011 2009 2010 2011
Þorskur Ýsa
15%
18%
60%
15%
20%
61%
15%
18%
65%
29%
25%
27%
33%
15%
35%
33%
10%
40%
Heimild: KPMG
Aðalræðismaður Íslands í Tékklandi
heimsótti í vikunni íslensku stúlk-
urnar tvær sem voru handteknar í
landinu í síðustu viku vegna gruns
um fíkniefnasmygl.
„Auðvitað er þetta rosalegt sjokk
fyrir þær,“ sagði Þórir Gunnarsson
aðalræðismaður í samtali við mbl.is.
„Þær eru búnar að gera sér grein
fyrir þessum veruleika að einhverju
leyti.“
Þórir sagði að nú væri beðið eftir
að fá að vita hversu mikið magn af
fíkniefnum hefði verið í farangri
stúlknanna.
„Þangað til er ekkert rætt við þær
eða neitt. Þær fá bara að dúsa
þarna,“ segir Þórir. Hann bendir á
að frumskýrslur hafi verið teknar af
stúlkunum þegar þær voru hand-
teknar á flugvellinum í Prag 7. nóv-
ember sl. og stóð skýrslutakan yfir í
um 18 tíma.
Aðbúnaðurinn slæmur
Stúlkurnar eru nú hvor í sínu
fangelsinu í höfuðborginni Prag,
önnur er í Ruzyne- og hin í Pankrác-
fangelsi. Að sögn Þóris er aðbún-
aður þeirra „jafnlélegur“ á báðum
stöðum; þær séu í nokkurs konar
einangrun og megi aðeins ræða við
tvær konur.
„Ég fékk allan tíma sem ég vildi,“
segir Þórir en hann sat með hvorri
stúlknanna í um einn og hálfan tíma.
Megintilgangurinn var að huga að
aðbúnaði þeirra og veita þeim stuðn-
ing. Hann útvegaði þeim m.a. pen-
inga sem þær geta notað til að kaupa
nauðsynjavörur í fangelsinu, t.d.
sjampó. jonpetur@mbl.is
Fíkniefni Tollverðir fundu kókaínið
falið í töskum stúlknanna.
Ræðismað-
ur heimsótti
stúlkurnar
ÞRÍR FRAKKAR Baldursgötu 14, Reykjavík - Sími: 552 3939
Opið virka daga 11:30 - 14:30 og 18:00 - 22:00
Opið um helgar frá 18:00 - 23:00
frakkar@islandia.is - www.3frakkar.com
Í gamla bænum - rétt við hjarta miðborgarinnar
Þrír Frakkar
Café & Restaurant
Hádegistilboð virka daga
fram að jólum
Súpa, nýbakað brauð og
gratineraður Plokkfiskur - 1890 kr
Ný kjólasending
Kjóll á 10.900 kr.
Str. 4
0-56
Bæjarlind 6, sími 554 7030
Eddufelli 2, sími 557 1730
www.rita.is Ríta tískuverslun
Sjálfstæðismenn!
Verið velkomnir að þiggja kaffi
og með því við opnun skrifstofu
stuðningsmanna Sigríðar Á. Andersen,
laugardaginn 17. nóvember kl. 15 við
Síðumúla 28.
PRÓFKJÖR SJÁLFSTÆÐISFLOKKSINS
Í REYKJAVÍK 24. NÓVEMBER 2012
Sigríður Á. Andersen
3.–4. sæti
www.sigridur.is