Morgunblaðið - 16.11.2012, Síða 10

10 DAGLEGT LÍF
MORGUNBLAÐIÐ FÖSTUDAGUR 16. NÓVEMBER 2012
María Ólafsdóttir
maria@mbl.is
K
aratekappinn og
menntaskólaneminn
Heiðar Benediktsson
náði fyrr í mánuð-
inum í gullverðlaun,
silfurverðlaun og þrenn brons-
verðlaun á Gautaborg Open-
mótinu. Heiðar hefur æft karate
síðan hann var sjö ára gamall og er
með svarta beltið en hann iðkar
svokallað shotokan-karate.
Notar góðu tilfinningarnar
til að sannfæra hugann
„Markmiðið er alltaf að ná
fyrsta sæti í öllu og í það minnsta
að ná einhverjum verðlaunum. Ég
hef farið tvisvar á Norðurlanda-
meistaramót og lent þar í öðru og
þriðja sæti. Það er gott að eiga til-
finningar frá því að hafa unnið mót
innra með sér svo og góðar tilfinn-
ingar fyrir utan íþróttina því þær
getur maður notað til að sannfæra
hugann um að maður sé bestur.
Slíkur hugsanagangur stjórnar lík-
amanum á ákveðinn hátt þannig að
mér líður vel með tæknina sem ég
beiti og þá framkvæmir líkaminn
tæknina náttúrulega,“ segir Heiðar.
Í keppnum er keppt í kata og
kumite. Heiðar er í landsliðinu í
kata en keppir einnig í kumite. Í
kumite er barist á móti andstæð-
ingi en í kata er ákveðin tækni
sýnd í samfelldri runu með flæði,
styrk, læsingu og snerpu.
Í Svíþjóð keppti Heiðar í fimm
flokkum þar af fjórum í kata og
einum í kumite. Karateþjálfun er
þannig uppbyggð að fyrst eru
kenndar einfaldar tækniæfingar en
ótal margar slíkar eru til. Þegar
tæknin er komin á hreint þarf síðan
að læra að beita henni á ákveðinn
hátt á móti andstæðingi.
Agi og sjálfsstjórn
Heiðar byrjaði að æfa karate
hjá Breiðabliki en flutti til Dan-
merkur með fjölskyldu sinni þegar
hann var níu ára gamall og hélt
áfram að æfa þar. Hann fékk góðan
þjálfara í Danmörku sem hefur m.a.
komið til Íslands til að þjálfa lands-
liðið í karate.
Heiðar byrjaði snemma að
keppa hér heima en var hann þá
fyrst með gula beltið. En í Dan-
mörku er það þannig að aðeins þeir
bestu í félaginu fá að keppa. Það
tók Heiðar þau þrjú ár sem hann
bjó í Danmörku að komast í þann
hóp og segist hann hafa öðlast góða
karatereynslu við það. Hann náði
þó að keppa á einu móti úti og hélt
síðan áfram að æfa og keppa með
Breiðabliki þegar hann kom heim
aftur. Heiðar hefur verið með
svarta beltið frá árinu 2009.
„Karate er mjög huglægt og
þjálfar mikið aga og sjálfsstjórn.
Það hjálpar huganum að einbeita
sér að einhverju ákveðnu. Ég er
aldrei stressaður heldur bara róleg-
ur í öllu sem ég geri. Þegar ég fer á
mót mæti ég alveg rólegur en þegar
ég er kominn í gallann kveiki ég á
huganum og hugsa þá bara um að
nú sé ég að fara í keppni og verði
að berjast. Maður þjálfar vissa
tækni til að geta kveikt og slökkt
svona á huganum til skiptis,“ segir
Heiðar.
Karate er huglæg
íþrótt og þjálfar aga
Karatekappinn Heiðar Benediktsson náði gull-, silfur og bronsverðlaunum á
Gautaborg Open-mótinu nýverið. Heiðar hefur æft karate síðan hann var sjö ára
og segist ætíð fara á mót með því hugarfari að vinna til verðlauna.
Morgunblaðið/RAX
Fjölhæfur Heiðar æfir karate, syngur í kór og setur saman reiðhjól.
Herbergi barnsins breytist með ár-
unum eftir því sem það eldist og
þroskast. Þegar kemur fram á ung-
lingsárin vilja margir gera róttækar
breytingar á herberginu sínu, skipta
út húsgögnum og mála. Jafnvel
hanna eitthvað sjálfir bæði í skreyt-
ingum og lausnum eins og hillum og
stólum. Ef slíkar framkvæmdir eru í
nánd á þínu heimili er vert að kíkja á
heimasíðuna www.hgtv.com en á
henni er efnisflokkur með ýmiss kon-
ar hugmyndum að flottu útliti á her-
bergjum fyrir unga fólkið. Það má
örugglega nýta sér einhverjar hug-
myndir þarna og bæta svo við og
sníða líka eftir eigin höfði.
Vefsíðan www.hgtv.com
Unglingaherbergi Næði til að læra, slappa af og sinna áhugamálum.
Öðruvísi unglingaherbergi
Tókýó í lit kallast ljósmyndasýning
Árna Kristjánssonar sem stendur yfir
á KEX hosteli nú um helgina, 17.-18.
nóvember. Viðfangsefni mynda Árna
er daglegt líf í japönsku samfélagi og
reynir hann að fanga stutt augnablik
í daglegu lífi Japana og hina sérstöku
birtu sem umvefur fólk og stræti
Tókýóborgar. Myndirnar á sýningunni
„Tókýó í lit“ eru litmyndir teknar
2011-2012 víðsvegar um Tókýó og
framkallaðar af filmu á ljósmynda-
pappír af Árna sjálfum.
Árni fæddist árið 1981 og vaknaði
áhugi hans á ljósmyndun í mennta-
skóla en fór á skrið eftir að hann
kynntist ódýrum japönskum filmu-
vélum í Japan. Eftir útskrift úr
Menntaskólanum í Hamrahlíð lá leið
hans í japönskunám við Háskóla Ís-
lands sem hann lauk í desember
2006. Í apríl 2008 fluttist hann til
Japans og hóf nám í menningar-
fræðum við Tokyo University of the
Arts. Hann lauk meistaragráðu í mars
2011 og er nú í doktorsnámi við sama
skóla.
Endilega …
… sjáið Tókýó
í lit á Kex
Tókýó í lit Viðfangsefni mynda Árna
er daglegt líf í japönsku samfélagi.
Næstkomandi sunnudag verður líf
og fjör á Kjarvalsstöðum en þar
verður haldin grafíksmiðja fyrir börn
á öllum aldri. Í smiðjunni verða
kynnt á aðgengilegan hátt ólík tækni
og vinnubrögð sem jafnan eru notuð
við gerð grafíkverka eða svartlistar.
Smiðjan er samstarfsverkefni Lista-
safns Reykjavíkur og Íslenskrar graf-
íkur. Leiðbeinendur eru grafík-
listamaðurinn og hönnuðurinn
Gunnhildur Þórðardóttir ásamt Elísa-
betu Stefánsdóttur grafíklistamanni.
Smiðjan er unnin í tengslum við sýn-
ingu Ragnheiðar Jónsdóttur sem
verður opnuð á Kjarvalsstöðum laug-
ardaginn 17. nóvember.
Frítt er fyrir börn undir 18 ára
aldri og handhafa Menningarkorts-
ins.
Það er tilvalið að gera sér daga-
mun með börnunum á sunnudegi og
fá sér svo kannski heitt súkkulaði og
kökusneið á eftir. Um að gera að
sækja skemmtilega viðburði sem
þessa nú í skammdeginu.
Grafíksmiðja á Kjarvalsstöðum
Ólík tækni og vinnubrögð
kynnt á aðgengilegan hátt
Morgunblaðið/Styrmir Kári
Grafík Yngsta kynslóðin hefur gaman af því að gera skapandi hluti.
Skannaðu kóðann
til að fara inn á
vefsíðuna.
Gjafavara
Skoðaðu úrvalið
www.jens.is
Mikið úrval gjafavöru,
borðbúnaðar, skúlptúra
og skartgripa
Hurðarhanki
9.900 kr
Jólagjafahugmyndir
Eilífðarrósin
lítil 41.500 kr
stór 44.800 kr
ofnrétti og ís
15.800 kr
Skeið fyrir t.d.
Blaðastandur
11.900 kr
Eyjafjallajökull, skál
5.900 kr
Vatnajökull, skál
7.900 kr
Kringlunni og
Síðumúla 35
Salattöng
13.900 kr
Smjörhnífur
8.900 kr
Ostahnífur
6.900 kr