Morgunblaðið - Sunnudagur - 04.11.2012, Blaðsíða 6
Eitt fórnarlamba Jimmys
Saviles lýsti reynslu sinni fyrir
Independent on Sunday. Hún
var í heimsókn hjá móður
sinni á Stoke Mandeville-
sjúkrahúsinu á sjöunda ára-
tugnum, þá táningur. Henni
var boðið í hljóðver í sjúkra-
húsinu og þar sat Savile við
plötuspilara. „Ég vissi ekki fyrr
en hann hafði tekið mig á lærið
á sér … Ég fann fingur hans
snerta fótinn á mér í gegnum
göt á sokkabuxunum … Svo
lagði hann höndina undir
kjólinn minn og setti hana
á vinstra brjóstið.“ Hún
slapp og sagði
hjúkrunarkonu
hvað hefði gerst,
en var ekki
trúað.
Þegar dánarfréttir voru skrif-aðar um Jimmy Savile fyrirári var hans minnst sem
skrautlegs sérvitrings. Ýmsir höfðu
þó varann á sér gagnvart honum og
nú er komið í ljós að hann er senni-
lega einn atkvæðamesti kynferð-
isafbrotamaður og barnaníðingur,
sem sögur fara af á Bretlandi.
Fórnarlömbin skipta hundruðum.
Savile var skemmtikraftur og
kynnir hjá breska ríkisútvarpinu,
BBC, og sá meðal annars um þátt-
inn Top of the Pops. Hann var einn
þekktasti sjónvarpsmaður Bret-
lands frá sjöunda áratug 20. aldar
og út þann níunda. Einnig lét hann
að sér kveða í góðgerðarmálum og
munu 40 milljónir punda hafa safn-
ast í hans nafni til góðgerðarmála,
einkum í þágu barna.
Læknar samsekir
Savile virðist hafa notað sér að-
stöðu sína markvisst til kynferðisof-
beldis á hendur ungum konum,
jafnt barnungum aðdáendum sem
fötluðum sjúklingum. Hann hafði
óheftan aðgang að Mandeville-
sjúkrahúsinu í Stoke þar sem hann
fór sínu fram á meðan starfsfólk og
yfirmenn þögðu af ótta við að pen-
ingarnir myndu hætta að streyma
inn. Læknar virðast hafa verið
samsekir.
Innan BBC logar allt í illdeilum.
Hafin hefur verið rannsókn á
vinnureglum útvarpsins á þeim
tíma, sem Savile var þar við störf.
Á að fara ofan í saumana á því
hverjir hafi vitað hvaða mann Sav-
ile hafði að geyma og hvenær þeir
hafi orðið þess áskynja. Fyrrver-
andi samstarfsmenn hans hafa sagt
að þrálátur orðrómur hafi verið um
afbrigðilega hegðun hans. Fyrrver-
andi yfirmaður góðgerðarsjóðs
BBC, Children in Need, greindi frá
því á mánudag að hann hefði neitað
að láta Savile koma nálægt starfi
sjóðsins og sagði að hann hefði ver-
ið „nokkuð hrollvekjandi náungi“.
Einnig er verið að rannsaka hvern-
ig á því stóð að rannsókn frétta-
skýringarþáttar BBC, Newsnight,
sem hófst á Savile eftir lát hans,
var stöðvuð þrátt fyrir að þar hefði
kona borið því vitni að hann hefði
brotið gegn sér fyrir opnum tjöld-
um. Var ætlunin að þagga málið
niður og hversu víðtæk var yf-
irhylmingin?
Spurningar hafa líka
vaknað um það hvað fyrr-
verandi yfirmaður
BBC, Mark Thomp-
son, sem á að taka við
stöðu framkvæmda-
stjóra bandaríska dag-
blaðsins New York
Times 12. nóvember, vissi um
ákvörðunina um að hætta rannsókn
Newsnight og hvenær. Stjórn
blaðsins styður Thompson, en á rit-
stjórninni eru efasemdir.
Uppnámið einskorðast ekki við
BBC. Heilbrigðiskerfið liggur einn-
ig undir ámæli vegna óhæfuverka
Saviles og sömuleiðis lögreglan fyr-
ir að hafa hunsað kvartanir að
minnsta kosti sjö fórnarlamba
vegna framferðis hans.
Bernard Hogan-Howe, yfirmaður
bresku rannsóknarlögreglunnar,
Scotland Yard, segir að hinar ýmsu
kvartanir á meðan Savile var á lífi
hefðu átt að sýna hegðunarmynst-
ur. „Svo virðist sem fólk hafi af og
til haft áhyggjur, ætlað að skerast í
leikinn, en síðan reitt sig aðeins of
mikið á orðspor hans og yfirlýs-
ingar um að hann hefði ekkert
gert,“ sagði Hogan-Howe.
Eftir að ljóstrað var upp um brot
Saviles í fréttaskýringarþætti sjón-
varpsstöðvarinnar ITV í upphafi
mánaðarins hafa lögreglu borist
ásakanir frá 300 manns og eru þær
nú til rannsóknar. Flestar beinast
gegn Savile, en aðrir eru einnig
nefndir til sögunnar. Framleiðandi,
sem vann með Savile og sagður
hafa vitað af brotum hans, er sagð-
ur vera í felum. Lögreglunni hafa
meðal annars borist ásakanir um að
læknir á sjúkrahúsi í Leeds hafi
ásamt Savile valið fórnarlömb til
nauðgunar.
Ótti grípur um sig
Almannatengslaráðgjafinn Max
Clifford sagði í viðtali við breska
blaðið Independent on Sunday að
fræga fólkið streymdi nú til sín
tugum saman og vildi ráðgjöf af því
að það óttaðist að verða dregið inn
í rannsókn málsins. „Ýmislegt gerð-
ist í fortíðinni [og enginn] spurði
nokkurn mann um fæðingarvott-
orð,“ sagði hann og bætti við að
þetta fólk væri „dauðhrætt“.
Mál Saviles hefur skekið breskt
samfélag og það er langt frá því að
öll kurl séu komin til grafar.
Afhjúpun
níðings
skekur Breta
AÐ KYNNA SÉR MÁL BRESKA SJÓNVARPSMANNSINS
JIMMYS SAVILES ER EINS OG AÐ HORFA OFAN Í ROTÞRÓ.
ÁRATUGUM SAMAN KOMST HANN UPP MEÐ KYNFERÐIS-
OFBELDI OG BARNANÍÐ, SEM NÚ HEFUR VERIÐ AFHJÚPAÐ.
Jimmy
Savile
VAR EKKI TRÚAÐ
Jimmy Savile komst áratugum saman upp með ógeðfelld kynferðisbrot. Þegar hann var afhjúpaður í sjónvarpsþætti
ári eftir andlátið tóku ásakanirnar að streyma fram og teygir málið anga sína víða um breskt samfélag.
AFP
* Fjöldi nýrra ásakana hefur komið fram … Fjöldi einstaklinga á ekki eftir að sofa vel á nóttunni og það er við hæfi.Mark Williams-Thomas rannsakaði mál Saviles og var sjónvarpsþáttur ITV
þar sem sjónvarpsmaðurinn sálugi var afhjúpaður byggður á rannsóknum hans.
Alþjóðamál
KARL BLÖNDAL
kbl@mbl.is
6 MORGUNBLAÐIÐ SUNNUDAGUR 4.11. 2012
HEIMURINN
BANDARÍKIN
NEWYORK Loka-
spretturinn í baráttunni
fyrir forsetakosning-
arnar í Bandaríkjunum
á þriðjudag fer fram í
skugga fellibylsins Sandy, sem olli allt að 50 milljarða
dollara tjóni í NewYork og víðar á austurströndinni
og kostaði hátt í 100 manns lífið. Barack Obama
Bandaríkjaforseti og Mitt Romney, áskorandi hans, eru
hnífjafnir samkvæmt skoðanakönnunum og ógerningur
að segja fyrir um úrslit.
PAKISTAN
MUZAFFARABAD Foreldrar í Pakistan drápu 15
ára dóttur sína með því að hella yfir hana sýru eftir
að þeir höfðu séð hana á tali við ungan mann. Faðirinn
mun hafa haft grunsemdir um dóttur sína og missti
stjórn á sér þegar hann sá hana með drengnum fyrir
utan heimili fjölskyldunnar. Stúlkan brenndist illa, en
foreldrarnir fóru ekki með hana á sjúkrahús fyrr en
daginn eftir og hún lést skömmu síðar.
ÍTALÍA
RÓM Silvio Berlusconi sagðist
hættur í ítalskri pólitík en sneri við
blaðinu þegar dómstóll dæmdi hann
fyrir skattsvik og veittist að ítölsku
réttarkerfi. Forsætisráðherrann
fyrrverandi sagði að úrskurðurinn
væri pólitískur og hyggst áfrýja.
BRASILÍA
SAO PAULO Verkamannaflokkurinn
sigraði í borgarstjórnarkosningunum í Sao
Paulo með Fernando Haddad í broddi
fylkingar. Jose Serra, sem er fyrrverandi
borgarstjóri og ríkisstjóri og hefur í tvígang
beðið lægri hlut í forsetakosningum, tapaði borgarstjórn-
arkosningunum. Er talið að úrslitin geti bundið enda á hans
pólitíska feril.