Morgunblaðið - Sunnudagur - 04.11.2012, Blaðsíða 32

KJÚKLINGUR MEÐ
INDVERSKU ÍVAFI
1 heill kjúklingur
(eða kjúklinga-
bringur)
1 laukur
1 lítri vatn
Laukurinn er skorinn í
litla bita og settur í pott
ásamt vatninu og kjúk-
lingnum. Kjúklingurinn
er svo soðinn í sirka 1
klst. Þegar kjúklingurinn
er soðinn er kjötið
hreinsað af beinum.
Einnig má nota heilgrill-
aðan kjúkling.
3 laukar
3 græn epli
50 gr smjör
5-6 msk kókosmjöl
1 ½ dl tómatsósa
1 msk piklis (sweet
relish)
1 ½ msk rúsínur
1 ½ msk rabbab-
arasulta
½ lítri kjúklingasoð-
karrý eftir smekk
Garam masala eftir
smekk.
Rjómi eftir smekk
Laukur og epli skorið í litla bita.
Smjör er brætt í potti og laukur, epli og kókosmjöl brúnað
í smjörinu.
Karrý, tómatsósu, piklis, sultu og rúsínum er bætt í pott-
inn ásamt kjúklingasoðinu. Kjúklingurinn er settur útí ásamt
smá rjómaslettu. Smakkað til með karrý og garam masala,
má setja slatta.
Ekki er síðra að gera réttinn daginn áður, því hann verður
betri ef hann fær að malla vel.
Gott meðlæti eru kókoshúðaðir bananar, rúsínur, nan
brauð og ferskt salat.
32 MORGUNBLAÐIÐ SUNNUDAGUR 4.11. 2012
Matur og drykkir
É
g þekki svo marga snillinga. Mér fannst kominn tími á að eitthvað
af þessu góða fólki færi að kynnast,“ segir Stefanía Erla Ósk-
arsdóttir sem nýlega bauð í óhefðbundið matarboð. Hún býr í
notalegri, stílhreinni íbúð í Drápuhlíðinni ásamt kærasta sínum
Hauki Hannessyni. Þar sem eldamennska er ekki sterkasta hlið Stefaníu
hringdi hún í meistarakokk vinahópsins, Steinunni Pálmadóttur. Steinunn
sá því um matreiðsluna en með dyggri aðstoð húsfreyjunnar. „Lykillinn
að góðu kvöldi er að maturinn sé ljúffengur og ég vildi líka síður eitra
fyrir gestina mína,“ segir Stefanía og hlær. Hún segist hafa haft smá
áhyggjur fyrir boðið, hvort gestirnir, sem rétt könnuðust hver við annan,
myndu ná saman. En þegar vinirnir fóru að tínast inn gleymdi hún öllum
áhyggjum. „Við hlógum svo mikið að ég fékk illt í magann. Ég get ekki
beðið eftir að halda næsta matarboð, með hjálp Steinunnar auðvitað.“
VINKONAN ELDAÐI OFAN Í GESTINA
Óhefðbundið
matarboð
STEINUNN PÁLMADÓTTIR TÓK VEL Í ÞAÐ ÞEGAR VIN-
KONA HENNAR BAÐ HANA AÐ ELDA MAT OFAN Í GESTI
SÍNA OG REIDDI FRAM KJÚKLING OG DÝRINDIS MEÐLÆTI
Ingibjörg Friðriksdóttir if@mbl.is
NAAN BRAUÐ MEÐ MANGO CHUTNEY
200 ml mjólk
2 msk sykur
1 poki þurrger
600 gr hveiti
1 tsk salt
2 tsk lyftiduft
4 msk ólífuolía
1 dós hrein jógúrt (180g)
1-2 msk maldon-salt
1-2 msk garam masala (helst frá Pottagöldrum)
Mango chutney
Rifinn ostur (pizza ostur)
Setjið ger og sykur saman í skál og hellið mjólk yfir. Blandið
síðan hveiti, salti, lyftidufti, olíu og jógúrt saman við ger-
mjólkina. Hnoðið deigið þar til það verður mjúkt og bætið
við hveiti ef ykkur finnst það og blautt. Látið deigið hefast í
skál í 1 klst. yfir heitu vatni.
Hitið ofninn í 275°C eða 210-220 blástur. Blandið krydd-
inu og saltinu saman á diski. Skiptið deiginu í 10 -12 hluta og
fletjið þunnt út, þrýstið deiginu ofan í kryddblönduna. Smyrj-
ið góðu mango chutney á deigið og dreifið osti yfir. Raðið
brauðunum á bökunarplötu klædda bökunarpappír og bakið
þau í 5-7 mínútur. Berið strax fram meðan brauðin eru heit.
BAILEYS ÁVEXTIR Í MARENGSHJÚP
2 kiwi
2 bananar
1 grænt epli
300-500 gr græn vínber
Má nota hvaða ávexti sem er í viðbót, appelsínu, bláber,
jarðarber.
Sósa
30 grömm smjör
100 grömm suðursúkkulaði
1 ½ dl baileys líkjör
50 grömm hreinn rjómaostur
1 dl rjómi
Marengs:
3 eggjahvítur
4 msk sykur
Ávextirnir eru skornir í í litla bita og þeir settir í eldfast
mót.
Smjör og súkkulaði er brætt í potti við vægan hita og síð-
an Baileys, rjómaosti og rjóma bætt útí súkkulaðismjörið.
Hellið sósunni yfir ávextina.
Skiljið eggjahvítur frá rauðum, mikilvægt er að passa að
engin skurn né eggjarauða sé í hvítunum. Eggjahvíturnar eru
stífþeyttar þar til þær eru léttar og ljósar en sykrinum er
bætt smátt og smátt við.
Marengsinn er smurður yfir ávextina. Bakað við 200 gráð-
ur í sirka 5 mínútur eða þar til marengsinn er orðinn fallega
gullinbrúnn.
Húsfreyjan
var til aðstoðar
í eldhúsinu.