Morgunblaðið - Sunnudagur - 04.11.2012, Blaðsíða 24

*Heimili og hönnunBarnaherbergi eru lifandi og litrík rými og Fröken Fix gefur góð ráð um hönnun þeirra »26
Íslenskir hönnuðir hafa verið að vinna sífellt meira með íslenskan menningararf íhönnun sinni síðustu ár. Það mikið að menningararfurinn og birtingamynd hans í ís-lenskri hönnun var gerður að umræðuefni á málþingi sem Hönnunarmiðstöð Íslands
stóð fyrir á dögunum. Veitti dagskráin innblástur að þessum myndaþætti.
Það hefur áreiðanlega sitt að segja um þessa þróun að í meira en áratug hafa útskrifast
hönnuðir sem eru alfarið menntaðir hérlendis, með tilkomu Listaháskóla Íslands. Það er að
mörgu leyti nærtækt að leita í þjóðararfinn og virðist fylgja aukinni hnattvæðingu; eftir því sem
heimurinn opnast þá skapast ákveðin hætta við að sérkenni tapist og fólk leitar til fortíðar að því
hvað einkenni okkur sem hóp. Þetta var byrjað fyrir kreppu en eftir hana virðast ennþá fleiri
hönnuðir fá innblástur úr þessari átt. Útkoman er þó sérlega mismunandi eins og meðfylgj-
andi myndir gefa til kynna.
Til að taka eitt nákvæmara dæmi má nefna bentey-kollinn eftir Ragnheiði Ösp sem er með
hönnunarfyrirtækið Umemi. Í kollinum tekur hún fjöldaframleidda vöru úr ódýrum efnivið
og gefur henni persónuleika og verðmæti með útsaumuðu viðbótinni. „Ég leitaði í gamalt
handverk í verðmætasköpuninni og fann þetta fallega krosssaumsmynstur
sem er partur af gömlu og stærra mynstri, “ segir Ragnheiður Ösp og út-
skýrir að með því að fræsa göt í setuna og sauma mynstrið í gegnum hana
með lopa breytist áhrif og gildi fjöldaframleidda kollsins. „Þar að auki verður
setan mýkri og þægilegri,“ segir hún en krosssaumur er íslensk hefð og
ítrekar hún að blómið sé úr íslensku mynstri.
Aðrir hönnuðir sem hér eru nefndir vinna með menningararfinn í þess-
um dæmum sem hér eru tekin. Þeir fá innblástur úr fortíðinni en gera
hönnunina að sinni með nýjum útfærslum af gömlum hugmyndum, hlutum eða
jafnvel dýrum.
Ólöf Jakobína Ernudóttir hannaði þessa skemmtilegu límmiða sem
byggðir eru á mynd sem margir þekkja. Með útfærslunni hafa þessi
fallegu orð náð að prýða enn fleiri heimili.
Haförninn er magnaður og líka þetta teppi frá Vík
Prjónsdóttur en fyrirtækið leitar gjarnan í söguna og
íslenska umhverfið í hönnun sinni.
Hönnuðurinn Almar
Alfreðsson hefur gert
afsteypur úr gifsi af göml-
um koparplatta með lág-
mynd af Jóni Sigurðssyni í
öllum regnbogans litum.
Farmers Market kom á mark-
aðinn með nýja tegund lopa-
peysu, byggða á gömlum grunni
en með hönnunarnýjungum, sem
hefur slegið rækilega í gegn.
Sýningin FoodWork er sjálfstætt verkefni átta
norskra hönnuða og er sýningin hluti af Tokyo De-
sign Tide 2012, sem fram fer dagana 31.
október til 4. nóvember. Eins og titillinn
gefur til kynna snýst sýningin um ýmislegt
tengt mat; hvernig á að geyma hann, und-
irbúa hann, sýna hann eða borða, svo eitt-
hvað sé nefnt.
Gripirnir eru norskir og hannaðir fyrir
hversdagsnotkun í Noregi. Innblásturinn
kemur hins vegar frá japanskri menningu,
eða öllu heldur skilningi hönnuðanna á því
hvað japönsk menning er. Hönnuðirnir
hafa reynt að búa til norska hluti sem gætu
átt rétt á sér í japönsku lífi. Takmark þeirra
er að fá innblástur frá því hvernig gripirnir
leggjast í heimamenn í Tókýó og læra af viðtök-
unum. ingarun@mbl.is Tue eða „þúfa“ er heiti á hitaplöttum úr pottjárni eftir Petter Skogstad.
Ljósmynd/Lars Petter Pettersen
Kross-
saumsstóll
Ragnheiðar
Aspar.
ÍSLENSKUR MENNINGARARFUR OG BIRTINGAMYND HANS Í ÍSLENSKRI HÖNNUN
Innblástur úr fortíðinni
Geirfuglskertið
hönnuðu Snæfríð
Þorsteins og Hildi-
gunnur Gunnars-
dóttir. Þegar kertið
brennur upp má segja að
það sé útdautt, rétt eins
og fuglinn sjálfur.
ÍSLENSKIR HÖNNUÐIR LEITA Í AUKNUM MÆLI Í RÆTURNAR
OG ÞJÓÐARARFINN Í HÖNNUN SINNI.
Inga Rún Sigurðardóttir ingarun@mbl.is
Glerílát fyrir
mat. Hönnun
Cathrine
Maske.
Fyrir daglegt líf
Hönnun Anderssen & Voll á
þessum salt- og piparstaukum
er innblásin af origami.
Falleg kaffikanna úr
korki, keramik og leðri
eftir Kristine Bjaadal.
NORSK HÖNNUN Í TÓKÝÓ