Morgunblaðið - Sunnudagur - 04.11.2012, Blaðsíða 30

30 MORGUNBLAÐIÐ SUNNUDAGUR 4.11. 2012
Matur og drykkir
A
ðalbjörg Hafsteinsdóttir, líkamsræktarfrömuður á
Akureyri, er menntaður lífeindafræðingur og jóga-
kennari og hefur um árabil rekið líkamsræktarstöð-
ina Bjarg. Tvær uppskriftir úr safni hennar eru
birtar hér að ofan, en Aðalbjörg hefur lengi haldið námskeið
fyrir konur og gefið þeim fjöldann allan af hollum og góðum
hugmyndum að næringu.
„Ég hef haft áhuga á hollum mat síðan ég var lítil og ákvað
snemma að borða ekki óhollan skyndibita; hamborgara, pyls-
ur, franskar kartöflur og þess háttar. Það var í keppnisferð til
Reykjavík þegar ég var ellefu ára; þá keyptum við krakkarnir
okkur hamborgara, franskar og appelsín og ég ældi öllu sam-
an! Hafði aldrei borðað þetta áður og fannst það vont. Ég hef
heldur ekki borðað mikið sælgæti og drekk ekki gos, nema á
jólunum. Það er hægt að lifa mjög góðu lífi án alls þessa og
ég sakna einskis.“
Abba, eins og hún er kölluð í daglegu tali, segist alin upp á
einföldum, íslenskum mat hjá móður sinni á Selfossi; mest
fiski, grænmeti og kartöflum og segir það hafa hentað sér vel.
„Ég borða ekki mikið kjöt og finn að nautakjöt fer til dæmis
ekki vel í minn skrokk.“ Íslenska, lífræna lambakjötið sé hins
vegar mjög gott.
Síðastliðinn áratug hefur Abba staðið fyrir lífsstíls-
námskeiðum fyrir konur á öllum aldri. „Sumar koma á fjögur
eða fimm námskeið í röð og eru því jafnvel hjá mér stanslaust
í tvö ár. Það eru alls ekki bara konur sem vilja léttast því oft
koma grannar stelpur sem helst vilja reyna að losna við óholla
skyndibitann. Ég hef mjög gaman af því að elda og hef líka
verið með matreiðslunámskeið fyrir konurnar og kenni þeim
meðal annars að búa til einfaldan en hollan skyndibita.“
Súpan að ofan er dæmigerður, hollur skyndibiti, segir hún
og allt hráefni í kökuna sé hollt þótt hún sé dísæt. „Ég reyni
að hafa allan mat bragðgóðan svo karlar og krakkar vilji
borða hann! Konur borða yfirleitt allt.“ Hún segir rangt að
reikna með því að krakkar vilji helst nagga, pítsur og þess
háttar. „Ég á eina dóttur, hún er alin upp á grænmeti og holl-
um mat og það var ekkert mál.“
Aðalbjörg segist ekki fyrir öfgar. „Það er ekki hægt að lifa
algjöru meinlætalífi. Menn fara í veislur og fá sér ýmislegt
sem er ekki mjög hollt en það er í góðu lagi ef mann borða
þokkalega hollan mat dags daglega. Það er nóg að holli mat-
urinn sé 70% af því sem maður borðar.“
Hún bendir á að framboð aukist sífellt á tilbúnum mat og
fólki sé þannig gert lífið auðveldara. „Jafnvel of auðvelt og
margir halda að þessi matur sé ódýrari en annar en það er
misskilningur. Ég hef sjálf gert verðkannanir; fiskur og lamb-
hagasalat kostar jafn mikið og pylsa í brauði með öllu drasl-
inu! Meira að segja ljótasta pítsan í frystinum er ekki ódýrari
en íslenskt salat og lífrænar baunir sem hægt er að nota í
góða vefju. Það þarf bara aðeins að hugsa.“
Morgunblaðið/Skapti Hallgrímsson
FÓLKI JAFNVEL GERT LÍFIÐ OF AUÐVELT MEÐ TILBÚNUM MAT
Hollt og gott ekki dýrara
AÐALBJÖRG HAFSTEINSDÓTTIR ÁKVAÐ ELLEFU ÁRA AÐ LÁTA RUSLFÆÐI VERA EFTIR AÐ HÚN ÆLDI HAMBORGARA, FRÖNSKUM KARTÖFLUM OG
APPELSÍNI Í KEPPNISFERÐ FRÁ SELFOSSI TIL REYKJAVÍKUR! HÚN HEFUR HINS VEGAR LENGI LAGT RÍKA ÁHERSLU Á HOLLAN SKYNDIBITA.
Skapti Hallgrímsson skapti@mbl.is
Alltaf á boltanum! Aðalbjörg rekur líkamsræktarstöðina Bjarg á
Akureyri og hefur lengi boðið upp á lífsstílsnámskeið fyrir konur.
Hrákaka, glútenfrí, sykurlaus, engar mjólkurvörur, lífrænt.
400 g döðlur
200 g hnetur eða döðlur
2 dl (70 g) kókosmjöl
3-4 poppkexkökur, glútenfríar og lífrænar
1 dl sólblómafræ – sleppa ef kakan á að vera glútenfrí
3 kúfaðar msk hnetusmjör, lífrænt.
Lífrænt vanilluduft, ca ½ tsk og smá Himalaya-salt.
Döðlur mýktar í 1 dl af vatni, hita en ekki sjóða. Ristið kók-
osmjöl og hnetur á pönnu eða í ofni. Myljið hnetur og popp-
kex í matvinnsluvél, ekki í mauk, hellið í skál. Maukið döðlur í
matvinnsluvél og setjið hnetusmjörið út í, bráðnar saman.
Hellið öllu hinu út í vélina og látið þetta blandast, ekki of
lengi. Þjappið í form með bökunarpappír í botni. Passar í
stórt kringlótt smelluform, 24 cm. Kælið.
Súkkulaðikrem
½ dl kaldpressuð kókosolía, lífræn
½ dl kakósmjör, Solla
½ dl hreint kakóduft, Solla t.d.
½ dl Agavesíróp eða annað lífrænt síróp eða hunang
2 msk. Lucuma, Solla
Smá vanilluduft og salt
Setjið kókosolíuna smástund í heitt vatn svo hún verði
fljótandi. Bræðið kakósmjörið yfir vatnsbaði. Hrærið svo öllu
saman og leyfið þessu að kólna aðeins áður en sett er yfir
kökuna. Takið kökuna úr forminu og hvolfið á disk. Takið
pappírinn af og setjið kremið á. Það passar akkúrat og ekkert
þarf að fara til spillis.
Flott að skreyta með kakónibbs, Gojiberjum og graskers-
fræjum.
Snikkerskaka Öbbu
Fyrir tvo
½ flaska af Biotta gulrótarsafa
¼ flaska af Biotta rauðrófusafa
Eitt grænt epli, ein lárpera, góð-
ur hnefi af spínati, vænn bútur af
engiferrót, 100g af casjúhnet-
um, turmeric og cayennepipar
(úr lífrænu hillunni).
Allt sett í blandarann og maukað,
hellt í súpudisk og ferskt kóríander
klippt yfir ásamt hnetum.
Rauðrófusúpa