Morgunblaðið - Sunnudagur - 04.11.2012, Blaðsíða 20

Ég byrjaði eiginlega fyrst að hlaupa af krafti í hruninu,“ segir Ósk Vilhjálmsdóttir,myndlistar- og gönguleiðsögumaður, sem undanfarin ár hefur ánetjast hlaupum.Hafði Ósk um skeið leitað sér að hentugri íþrótt til að æfa og var aðeins farinað fikta við hlaup árið 2007. Var hún dag einn hvött til að koma í hlaupahóp og lét
hún ekki segja sér það tvisvar. Dreif hún sig á æfingu hjá Hlaupasamtökum lýðveldisins,
sem héldu úti föstum æfingum, undir handleiðslu þjálfara. „Og þegar maður er kominn í
hóp er þetta ekki spurning, maður fer út í blindbyl, myrkri, stormi og öllum mögulegum
veðrum, því maður á stefnumót við hlaupafélagana,“ segir Ósk og mælir eindregið með
slíkum hópum.
Byrjaði Ósk í kjölfarið að hlaupa þrisvar sinnum í viku með Hlaupasamtökunum en fljót-
lega fjölgaði æfingunum. „Maður finnur það strax hvað þolið er fljótt að koma, úthaldið
eykst og manni líður svo miklu betur,“ segir hún.
Hreinsar hugann og losnar við stress
Ósk tók þátt í sínu fyrsta maraþoni í Berlín árið 2008 og endurtók leikinn þar í borg aftur
ári síðar. Í dag á hún fjögur maraþon að baki, hið síðasta frá því í Amsterdam í október
síðastliðnum. Þar gerði hún sér lítið fyrir og sigraði í sínum aldursflokki, þá nýorðin fimm-
tug. Einnig hefur hún keppt í Laugavegshlaupinu, frá Landmannalaugum yfir í Þórsmörk, þar
sem hún lenti í öðru sæti í fyrra.
Núorðið hleypur Ósk að jafnaði annan hvern dag og vill síður að lengra líði á milli.
„Þetta er nánast orðið eins og að fá sér súrefni, þvo sér um hárið eða annað,“ segir hún
létt í bragði. „Það fylgir þessu bara svo mikil vellíðan og ekki síst fyrir hausinn,“ svarar
hún, spurð að því hvað það sé eiginlega sem heilli svona við hlaupin. „Maður verður bara
svo ánægður og jákvæður með allt, sefur betur, sækir í hollustu o.s.frv. Þá losnar maður
líka við alls kyns hugarangur og stress, kemst t.d. burt frá samfélagsumræðunni um stund
og hreinsar hugann,“ svarar hún og bætir við að sá þáttur hafi ekki síst heillað hana.
Í dag æfir Ósk eftir hlaupaáætlunum sem þjálfarinn Sigurður P. Sigmundsson, hjá hlaup.is,
útbýr fyrir hana. Eftir að Hlaupasamtökin misstu þjálfara sína hleypur hún einnig með nýj-
um hópi í vesturbænum, KR Skokk, sem stofnaður var síðastliðið vor í kjölfar mikillar eft-
irspurnar. Er þar boðið upp á reglulegar æfingar vikulega, með þjálfurum, og mismunandi
styrkleikahópar í boði.
Segir Ósk ljóst að mikil vakning hafi orðið í þjóðfélaginu og hlaup orðin fastur hluti af
lífstíl margra, þarf ekki nema að líta á þátttöku í almenningshlaupum, fyrrnefndum hlaupa-
hópum eða skokkurum sem sjást á hlaupum víða um borgina.
„Það er bara svo rosalega gott að stíga öðru hvoru út fyrir þægindarammann og taka
aðeins meira á því en maður vanalega gerir, bæði fyrir einbeitinguna og hugann,“ segir hún.
Morgunblaðið/Ómar
SIGRAÐI AMSTERDAM MARAÞONIÐ Í SÍNUM ALDURSFLOKKI
Þolið er fljótt
að koma
FJÖLMARGIR HAFA UNDANFARIÐ SMITAST AF HLAUPABAKTERÍUNNI
OG FARA ORÐIÐ ÚT AÐ HLAUPA Í ÖLLUM VEÐRUM NOKKRUM
SINNUM Í VIKU. ÓSK VILHJÁLMSDÓTTIR ER EIN ÞEIRRA.
Gunnhildur Ásta Guðmundsdóttir gunnhildur@mbl.is
*Heilsa og hreyfingEkki hefur alltaf verið úrval af ávöxtum og grænmeti hér á landi. En hvenær kom hvað? »22
Hlaupaæði virðist hafa gripið landann. Sem
lýsandi dæmi um aukinn áhuga á hlaupum
er vert að segja frá því að þegar ákveðið
var að stofna nýjan hlaupahóp í Vesturbæ
Reykjavíkur síðastliðið vor, í kjölfar mikllar
eftirspurnar, mættu um hundrað manns á
fyrstu æfinguna.
Eins og Ósk Vilhjálmsdóttir greinir frá
nýtti hún sér þjónustu slíkra hlaupahópa í
upphafi og gerir enn. Ber hún þeim ein-
staklega vel söguna.
Góðir til að koma sér af stað
Hlaupahópar geta verið sniðug lausn til að
hjálpa fólki við að koma sér af stað í
reglubundna þjálfun og byggja upp styrk og
þol.
Virkar hvetjandi að hitta hlaupafélaga á
æfingu og síður líklegt að maður missi úr
en ef maður er einn að paufast og þarf að
rífa sig af stað. Fjölmarga hlaupahópa er
að finna vítt og breitt um landið sem
bjóða upp á reglubundnar æfingar nokkr-
um sinnum í viku.
Á vefnum hlaup.is er mikinn fróðleik um
hlaup og hlaupaþjálfun að finna, sem nýtist
bæði byrjendum sem lengra komnum.
Þar er til dæmis að finna yfirgripsmikinn
lista yfir skokkhópa.
Æfa slíkir hópar oftar en ekki undir
handleiðslu þjálfara sem yfirleitt eru vanir
hlauparar sjálfir. Hafa þeir lag á að velja
hlaupaleiðir og -áætlanir sem henta fólki í
mismunandi styrkleikaflokkum, auk þess
sem reglulega eru gerðar svokallaðar
„gæðaæfingar“ sem miða að því auka þol
og getu hvers og eins.
Á því alls ekki að láta eigin takmarkanir
draga úr sér, það er eitthvað í boði fyrir
allan aldur og ásigkomulag. Ósk Vilhjálmsdóttir og maður hennar, Hjálmar Sveinsson (til hægri), á hlaupum með vinafólki.
Hlaupahópar
í boði víða