Morgunblaðið - 04.07.2013, Blaðsíða 4

Morgunblaðið/Sverrir
Háspenna hefur áhuga á að innrétta
spilasal með 40 spilakössum á fyrstu
hæð verslunar- og skrifstofuhússins
Hafnarstræti 20 í Reykjavík. Ekki
hefur verið tekin endanleg ákvörðun
hvort af salnum verður en búist er
við að það verði ljóst í næstu viku.
Háspenna rekur nú fjóra spilasali á
höfuðborgarsvæðinu. Ágóðinn af
spilakössunum rennur til Happ-
drættis Háskóla Íslands. Verulegur
ágóði er af rekstri spilakassa, en
happdrætti HÍ rekur þrjú happ-
drættisform, þ.e. flokkahappdrætti
og skafmiðahappdrætti auk spila-
kassanna. Ágóðanum skal varið til
að reisa byggingar á vegum skólans.
Áhugi á meiri
Háspennu í
miðborginni
4 FRÉTTIRInnlent
MORGUNBLAÐIÐ FIMMTUDAGUR 4. JÚLÍ 2013
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
Þann 4. ágúst næstkomandi hefst
hér á landi óbyggðahlaupið Racing-
ThePlanet: Iceland 2013, þar sem
farnir verða um 250 kílómetrar á
sjö dögum, frá Kerlingarfjöllum í
Bláa lónið. Þátttakendur koma frá
um 50 þjóðlöndum.
Fyrirtækið RacingThePlanet á
og skipuleggur svokölluð 4 De-
serts-hlaup, en þau fara fram í
Gobi-eyðimörkinni, Sahara-
eyðimörkinni, Atacama-eyðimörk-
inni og á Suðurskautslandinu.
Fimmta hlaupið sem fyrirtækið
skipuleggur er svokallað Roving
Race, en það er haldið í nýju landi á
hverju ári.
Að sögn Vilborgar Hannes-
dóttur, verkefnastjóra fyrir Iceland
Travel, skráðu um 600 manns sig til
leiks en aðeins 300 komust að. Er
þetta metaðsókn en Vilborg segir
að fjölbreytileg náttúra og landslag
hafi heillað fulltrúa RacingThe-
Planet, sem hingað komu í fyrra.
„Keppendur eru með allan búnað á
bakinu, matinn og allt það, það eina
sem við gerum er að setja upp tjöld-
in og skaffa heitt vatn og kalt,“ seg-
ir Vilborg.
Ísland muni slá allt út
„Ég held alltaf að það muni reyn-
ast erfitt að slá út síðustu staðsetn-
ingu en ég held að Ísland muni
toppa allt,“ segir Mary K. Gadams,
stofnandi RacingThePlanet, á vef-
síðu fyrirtækisins.
Vilborg segir að venjan sé að um-
gjörð hlaupsins endurspegli menn-
ingu viðkomandi lands og því verði
tjöldin sem keppendur gista í t.d.
skírð í höfuðið á íslenskum fossi eða
landnámsmanni.. holmfridur@mbl.is
Urðu að vísa 300 manns
frá óbyggðahlaupi á Íslandi
Morgunblaðið/RAX
Hlaup Íslensk náttúra heillaði þá
sem komu til að skoða aðstæður.
 600 vildu taka þátt í Íslandslegg RacingThePlanet
Skúli Hansen
skulih@mbl.is
„Síðan svarar hann sem svo að hann
hafi engar áhyggjur af því hvernig
verið er að brjóta á friðhelgi einkalífs
hins almenna borgara eða annarra af
ríkisstjórnum,“ segir Birgitta Jóns-
dóttir, þingmaður Pírataflokksins og
fulltrúi í utanríkismálanefnd Alþingis,
um svar Ban Ki-moon, framkvæmda-
stjóra Sameinuðu þjóðanna, við
spurningu hennar á fundi utanríkis-
málanefndar Alþingis í fyrradag um
hvort Sameinuðu þjóðirnar hygðust
taka af skarið við að styrkja friðhelgi
einkalífsins á netinu. Á fundinum
sagði Ban Ki-moon að uppljóstranir
Edwards Snowdens væru dæmi um
misnotkun á aðgangi að upplýsingum.
Ummæli Ban Ki-moon á fundi
nefndarinnar hafa vakið athygli út
fyrir landsteinana en vefútgáfa
breska dagblaðsins The Guardian
fjallaði í gær ítarlega um ummæli
hans á fundinum með utanríkismála-
nefnd. „Þannig að hann hefur meiri
áhyggjur af því að það séu einstak-
lingar eins og Snowden og Assange
sem nota þessa tækni á annan hátt en
hún hafi verið sköpuð fyrir,“ segir
Birgitta. Ummæli Ban Ki-moon um
Snowden séu óviðeigandi enda sé
Snowden flóttamaður sem sé að
reyna að fá hæli hér á landi.
„Mér fannst þetta vera fullkomlega
óviðeigandi inngrip í okkar innanrík-
ismál,“ segir Birgitta og bætir við að
Sameinuðu þjóðirnar eigi sér ekki fal-
lega sögu þegar komi að framkomu
við uppljóstrara innan veggja SÞ.
Aðspurð hvort ekki ríki trúnaður
um fundi utanríkismálanefndar segir
Birgitta að um hafi verið að ræða
óformlegan fund með meðlimum ut-
anríkismálanefndar. „Ég var ekki
beðin um að halda neinn trúnað og
það eru engin trúnaðarlög á svona
fundum, ég var búin að kanna það
mjög vel,“ segir Birgitta.
Trúnaður á fundum
„Ban Ki-moon sat þarna fund með
utanríkismálanefnd Alþingis og fleiri
gestum og þarna var um að ræða
skoðanaskipti sem áttu sér stað í
tengslum við heimsókn hans til þings-
ins. Ég ætla ekki að fara út í einstök
orðaskipti sem áttu sér stað á þeim
fundi sem í flestum efnum var bæði
ánægjulegur og gagnlegur,“ segir
Birgir Ármannsson, formaður utan-
ríkismálanefndar, spurður um um-
mæli Ban Ki-moon á fundinum. Að
sögn Birgis er almennt litið svo á að ef
fundir nefndarinnar eru ekki beinlínis
opnir; annaðhvort sendir út í beinni
útsendingu eða opnir fjölmiðlum, þá
sé efni þeirra bundið trúnaði á milli
nefndarmanna og gesta. Þá segist
hann ekki líta svo á að umræddur
fundur hafi verið opinn.
Furðar sig á Ban Ki-moon
 Birgitta Jónsdóttir gagnrýnir ummæli Ban Ki-moon um Edward Snowden á
fundi utanríkismálanefndar  Birgir Ármannsson segir trúnað ríkja um fundi
Morgunblaðið/Eggert
Alþingi Ban Ki-moon sat fund.
Birgitta
Jónsdóttir
Birgir
Ármannsson
Það kviknar heldur betur líf í Elliðaárdalnum á
sumrin þegar börnin bregða á leik og veiðimenn-
irnir munda stangirnar.
Á meðan börnin ferðast á milli leiksvæða á
tveimur jafnfljótum eða hjólum velja sumir veiði-
mannanna að nýta bílana til að færa sig og veiði-
útbúnaðinn á milli veiðisvæða, jafnvel þótt leiðin
sé svo þröng að fella þurfi spegla að bílunum og
fara eftir leiðsögn.
Mjaka sér milli veiðisvæða í Elliðaárdal
Morgunblaðið/Golli
Þröngt fyrir bíla að aka um gömlu hitaveitubrúna við Árbæjarlaug
„Þetta heitir
kirkjuhirðir á
sænsku en er í
rauninni það
sama og kallast
sóknarprestur á
Íslandi,“ segir
séra Þórhallur
Heimisson, en
hann hefur verið
ráðinn kirkju-
hirðir við
sænsku kirkjuna í Falun frá og
með 1. september næstkomandi. Í
prestakallinu eru um 40.000 manns
en um 120 manns starfa við kirkj-
una í Falun. „Þetta er meira stjórn-
unarstarf og minna um predikanir
en heima. Hér eru 15 prestar, 12
djáknar, 12 kirkjugarðar og 10
kirkjur svo að það er mikið verk-
efni að halda utan um hvað á að
gera og hvert á að stefna,“ segir
Þórhallur um starfið.
Þórhallur hefur verið í Svíþjóð
undanfarið ár þar sem hann hefur
verið lausráðinn í sama starf og
hér um ræðir. Hann hefur sagt
embætti sínu sem sóknarprestur
við Hafnarfjarðarkirkju lausu, en
þar hefur hann þjónað frá árinu
1996 sem prestur og sóknar-
prestur. agf@mbl.is
Þórhallur
fastráðinn
kirkjuhirðir
Sr. Þórhallur
Heimisson
 Hættir í Hafnarfirði