Morgunblaðið - 04.07.2013, Blaðsíða 34

34 MENNING
MORGUNBLAÐIÐ FIMMTUDAGUR 4. JÚLÍ 2013
Spilliefni spilla
Gufunesi · 112 Reykjavík · Sími 559 2200 · efnamottakan.is
Við fjarlægjum allan úrgang, bæði
spilliefni og annan úrgang sem til
fellur hjá bílaverkstæðum og öðrum
fyrirtækjum sem vinna með spilliefni.
Hringdu - við sækjum!
559 2200
Sirkushátíðin Volcano í Vatnsmýrinni
Vilhjálmur A. Kjartansson
vilhjalmur@mbl.is
Tjaldborgin í Vatnsmýrinni kemur eflaust
einhverjum spánskt fyrir sjónir. Ekki er um
að ræða bráðabirgðahúsnæði fyrir Háskóla
Íslands heldur er kominn til landsins loftfim-
leikasirkus sem býður upp á fjöldann allan af
sýningum fyrir áhorfendur á öllum aldri. Einn
þeirra hópa sem koma með sirkusnum er
sænski loftfimleikahópurinn Cirkus Cirkör,
sem sýnir sýningu sína Wear it Like a Crown í
Borgarleikhúsinu í kvöld og næstu fimm daga.
„Sýningin okkar er nokkuð sérstök og
krefst ákveðinna aðstæðna sem erfitt er að ná
fram í sirkustjaldinu og þess vegna kjósum
við að vera með hana þar sem aðstæður eru
góðar,“ segir Tilde Björfors frá Cirkus Cir-
kör.
Þetta er ekki í fyrsta skiptið sem Cirkus
Cirkör sýnir á Íslandi en hópurinn kom fyrir
rúmum tíu árum og fékk sýningin þeirra þá
mjög góðar viðtökur Íslendinga að sögn Björ-
fors. „Móttökurnar á Íslandi hafa verið góðar
og það er gaman að geta komið hingað aftur
til að skemmta Íslendingum en þeir tóku okk-
ur mjög vel síðast þegar við komum með sýn-
ingu til landsins.“
Lífið er áhætta
Starf loftfimleikafólks getur verið hættu-
legt enda reynir það á mikla líkamlega hæfni
og nákvæmi. Minnsta frávik getur valdið tölu-
verðum meiðslum þegar unnið er í mikilli hæð
eða með hættulega hluti eins og hnífa og
sverð.
Björfors segist þó ekki óttast áhættuna,
hún sé bæði afstæð og hluti af lífinu. „Það er
áhætta að fara fram úr á morgnana og vera til.
Þú tekur áhættu þegar þú keyrir í vinnuna
eða flýgur á framandi slóðir í fríinu þínu. Þú
tekur áhættu þegar þú segir við annan ein-
stakling: „Ég elska þig.“ Áhættan að segja
þessi þrjú orð getur í huga margra verið meiri
en að sveifla sér á milli kaðla.“
Sýning Cirkus Cirkör, Wear it Like a
Crown, fjallar nákvæmlega um þetta; þ.e.
áhættuna að vera til og lifa lífinu segir Björ-
fors. „Við berum áhættuna eins og kórónu,
hún er hluti af því að vera til og þegar við
sættum okkur við það byrjum við að lifa líf-
inu.“ Á hringsnúandi sviði Borgarleikhúsins
hreyfa sirkuslistamennirnir sig í heimi tál-
sýna, skuggaleiks, hnífakasts, loftfimleika og
leiks til að koma þeim skilaboðum til áhorf-
enda að lífið sé áhætta sem við eigum að bera
eins og kórónu.
Íslensk menning og sirkus
Sirkusstarf hefur ekki verið ríkur þáttur í
íslensku menningarlífi í sama mæli og víða í
nágrannalöndum okkar. Koma sirkushátíð-
arinnar til Íslands getur því orðið til þess að
vekja áhuga einhverra á listforminu. Björfors
telur að hér geti skapast vettvangur fyrir loft-
fimleika og almennar sirkussýningar þótt
áhuginn hafi verið takmarkaður hingað til.
„Menningarstarf á Ísandi er mjög gott og við
horfum upp á hverja hljómsveitina á fætur
annarri koma frá Íslandi og gera góða hluti
um allan heim. Hér er því hæfileikafólk sem
má virkja í sirkus- og loftfimleikastarf ef
áhugi er fyrir hendi. Það tekur hins vegar
tíma að vinna upp þekkingu og reynslu í loft-
fimleikum og sirkussýningum en eftir því sem
ég hef séð af íslenskum loftfimleikamönnum
og dönsurum er hæfileikinn fyrir hendi á Ís-
landi og nú þarf bara að virkja hann.“
Ferðast um allan heim
Cirkus Cirkör hefur farið með sýninguna
Wear it Like a Crown um allan heim frá því
hún var frumsýnd fyrir þremur árum og feng-
ið góðar viðtökur þar sem hún hefur verið sett
upp. „Við vorum að koma frá Suður-Ameríku
þar sem við settum sýninguna upp á nokkrum
stöðum og við vonum að hún fái jafngóðar við-
tökur á Íslandi og annars staðar.“
Á sirkushátíðinni er að finna fjölda annarra
sýninga og þótt sýning Cirkus Cirkör á Wear
it Like a Crown sé kannski frekar fyrir full-
orðna, þar sem hnífar og vélsagir eru hluti af
sýningunni, er fjöldi sýninga í boði fyrir yngri
kynslóðina eins og Wally og félagar með Sirk-
us Íslandi.
Áhætta Hnífar eru notaðir í sýningunni.
Áhættan að vera til og lifa
 Sænski loftfimleika-
hópurinn Cirkus Cirkör
fjallar um áhættuna í
sýningu sinni Wear it
Like a Crown
Sirkus Sænsku sirkuslistamennirnir úr Cirkus Cirkör í sýningunni Wear it Like a Crown.