Morgunblaðið - Sunnudagur - 06.10.2013, Síða 9

6.10. 2013 MORGUNBLAÐIÐ SUNNUDAGUR 9
Ný þáttaröð um Stundina okkar hefstá sunnudaginn og tökur því í full-um gangi. Þátturinn er sá elsti í
íslensku sjónvarpi en hann hefur verið á
dagskrá síðan 1966. Guðjón Davíð Karlsson
og Kristín Þóra Haraldsdóttir fara með að-
alhlutverk þáttarins að þessu sinni ásamt
brúðunni sem nefnist Atli atburður.
„Það var haft samband við mig síðastliðið
vor og ég beðinn um að taka þetta að mér.
Mér þótti það mikill heiður og spennandi
verkefni að takast á við,“ segir Guðjón Dav-
íð, oftast kallaður Gói. „Bragi Þór Hinriks-
son, kvikmyndagerðarmaður, var ráðinn
leikstjóri og framleiðandi en við höfum unn-
ið saman áður og það er dásamlegt, ég
dýrka Braga sko.“
Nýi söguþráðurinn gerist í eldgömlu leik-
húsi sem hefur staðið autt í fleiri ár. Gói er
ráðinn þar inn sem leikari til að blása lífi í
þetta gamla leikhús. „Ég leik Góa og Krist-
ín Þóra leikur Gloríu sem er tæknistjóri,
sviðsmaður og smiður, sér um leikmuni og
heimasíðu, lagar allt sem er bilað, skúrar,
skrúbbar. Já, nefndu það bara. En hún á
sér þann draum að verða leikkona. Hver
veit nema sá draumur rætist,“ segir Gói.
„Atli atburður verður þarna líka með okkur
en hann verður á staðnum þegar ýmsir
frægir sögulegir atburðir eiga sér stað. Með
því reynum við að fræða og kæta. Við fáum
svo fleiri leikara í heimsókn svo það verður
mikið líf og fjör. Allskonar atriði, tónlist,
uppistand og leikrit og við kynnumst öllum
þeim furðuverum sem eru í leikhúsinu.“
Verkefnið leggst vel í Góa sem á sér
þann draum að fjölskyldur landsins samein-
ist fyrir framan skjáinn til að horfa á
Stundina okkar. „Það er dýrmætt fyrir
börnin að eiga góða stund með fjölskyld-
unni, að þeim sé ekki bara stillt fyrir fram-
an imbann. Vonandi verður þátturinn líka
þannig að hann skilur eftir einhverjar
spurningar sem foreldrarnir, eldri systkini
og jafnvel afi og amma þurfa að svara.
Kannski er þetta til of mikils ætlast en ljúft
er að láta sig dreyma,“ segir Gói einlægur
að lokum.
Morgunblaðið/Eggert
STUNDIN OKKAR
Gefur gömlu leikhúsi líf
GÓI OG GLORÍA ÆTLA AÐ BLÁSA LÍFI Í ELDGAMALT LEIKHÚS Í STUNDINNI OKKAR. ÞAU FÁ TIL
LIÐS VIÐ SIG MARGA ÞEKKTA LEIKARA OG FÁ AÐ KYNNAST ÝMSUM FURÐUVERUM SEM BÚA Í LEIKHÚSINU.
Gunnþórunn Jónsdóttir gunnthorunn@mbl.is
Leikstjórinn Bragi spjallar við Atla atburð sem
er ansi fróður um sögufræga atburði.
Gói bregður sér í gervi gamals manns fyrir tökur
á Stundinni okkar með hjálp Rögnu Fossberg.
Það eru spennandi tímar fram-
undan hjá Góa og Kristínu
Þóru enda fá þau að skemmta
börnum um allt land.