Morgunblaðið - Sunnudagur - 06.10.2013, Blaðsíða 52

52 MORGUNBLAÐIÐ SUNNUDAGUR 6.10. 2013
Á sunnudag klukkan 14 verður opnuð í Safni
Ásgríms Jónssonar að Bergstaðastræti 74,
sýning er kallast „Forynjur“. Halldór Björn
Runólfsson, safnstjóri Listasafns Íslands, mun
opna sýninguna og fjalla um verkin.
Íslenskar þjóðsögur voru Ásgrími Jónssyni
(1876-1958) eftirlætisefni, enda sýndi hann
þeim meiri áhuga en nokkur annar íslenskur
listamaður. Hvers konar forynjur voru hon-
um hugleiknar, eins og sést í verkunum.
Sýningin mun standa til 30. nóvember og
er hér kjörið tækifæri fyrir skólahópa að
kynnast þessum einstæða myndlistararfi en
safnið er opnað fyrir hópa samkvæmt sam-
komulagi. Opið er á sunnudögum milli kl. 14
og 17.
SÝNING Í SAFNI ÁSGRÍMS
FORYNJUR
Hluti teikningar Ásgríms Jónssonar af nátttrölli.
Þjóðsögurnar voru honum hugleiknar.
Myndlistarmaðurinn Guðmundur Ármann sýn-
ir verk unnin undir áhrifum af eyfirski náttúru.
Morgunblaðið/Hjálmar S. Brynj.
Guðmundur Ármann myndlistarmaður opn-
ar í dag, laugardag klukkan 15, sýningu í
Bergi, menningarhúsi Dalvíkinga. Sýninguna
kallar hann Nærlönd og á henni gefur að líta
olíumálverk og vatnslitamyndir.
Vatnslitamyndirnar, sem eru málaðar undir
berum himni, eru rannsókn á línum, litum og
formum sem birtast okkur í náttúrunni og
eru kveikjur að olíumálverkunum sem eru
einskonar innra landslag, að sögn málarans.
Olíumálverkin eru unnin á vinnustofunni sem
niðurstöður upplifunar sem var skráð í
vatnslit. Myndefnið hverfist um nærlönd við
Eyjafjörð, þar sem Guðmundur er búsettur.
GUÐMUNDUR ÁRMANN Í BERGI
NÆRLÖND
Tilkynnt verður á næst-
unni hver hreppir Nóbels-
verðlaunin í bókmenntum
í ár. Eins og ætíð eru marg-
ir kallaðir en aðeins einn
útvalinn. Veðbankar á
Bretlandseyjum velta lík-
unum fyrir sér, og þótt
Sænska akademían komi
iðulega á óvart með vali
sínu, og velji ekki vinsæl-
ustu höfundana, þá telja veðbankarnir líkleg-
ast að japanski rithöfundurinn Haruki Mura-
kami hreppi hnossið. Verk hans njóta mikillar
hylli lesenda, jafnt í heimalandi hans sem á
Vesturlöndum. Í öðru sæti listans er banda-
ríski höfundurinn Joyce Carol Oates, þá hinn
ungverski Peter Nadas, Ko Un frá Suður-
Kóreu og Assia Djebar frá Alsír.
Að undanförnu hafa margir Norðmenn
veðjað á landa sinn Jon Fosse og steig hann
nokkuð upp listann við það.
VEÐJAÐ Á NÓBELSVERÐLAUN
MURAKAMI?
Haruki
Murakami
Sýningin „Norður“ með ljósmyndum eftir Ragnar „Rax“Axelsson, ljósmyndara á Morgunblaðinu, verður opnuð íArion banka við Borgartún í dag, laugardag, klukkan 13.30.
Við það tækifæri verður Ragnar með myndasýningu og fyr-
irlestur um verk sín í ráðstefnusal bankans.
Á sýningunni verða ljósmyndir úr tveimur kunnum myndröðum
Ragnars. Annarsvegar frá norðurslóðum, í Grænlandi og Kanada,
myndir sem birtust í bókinni Veiðimenn norðursins sem nýlega
var endurútgefin í aukinni útgáfu á alþjóðlegum markaði. Hins-
vegar eru ljósmyndir frá Landmannaafrétti, úr nýrri og viðamik-
illi bók Ragnars er nefnist Fjallaland, með ljósmyndum frá um 20
árum.
Á sýningunni gefur einnig að líta skúlptúr Kristins E. Hrafns-
sonar, „Norður # 2“.
Ljósmyndir úr þessum persónulegum heimildaverkefnum
Ragnars hafa á undanförnum árum birst í mörgum helstu frétta-
og ljósmyndatímaritum erlendis, auk þess sem sýningar á þeim
hafa verið settar upp víða um lönd og hlotið einróma lof gagnrýn-
enda og áhugafólks um ljósmyndalistina. Hann hefur ítrekað ver-
ið valinn í hóp bestu heimildaljósmyndara samtímans af sýning-
arstjórum og fjölmiðlum.
RAGNAR AXELSSON SÝNIR OG SEGIR FRÁ
Úrval frá norðri
og úr göngum
Ragnar Axelsson ljósmyndari og Kristinn E. Hrafnsson myndlistarmaður
ræddu uppsetningu verkanna í sýningarrými bankans í gær.
Morgunblaðið/Kristinn
Í ARION BANKA VIÐ BORGARTÚN VERÐUR OPNUÐ
SÝNING Á LJÓSMYNDUM EFTIR RAGNAR AXELSSON.
Menning
É
g hef margoft komið til Íslands á
sl. fimmtán árum og á þeim tíma
sett upp, að ég held, sex sýn-
ingar. Eftir fyrstu heimsóknina
vissi ég reyndar ekki hvort ég
ætti afturkvæmt sökum þess að sýningin
mín, Masculine mysteries, sem sýnd var í
Norræna húsinu, fékk svo skelfilega útreið
hjá gagnrýnanda Morgunblaðsins að ég
skammaðist mín alla leiðina heim til Noregs.
En sem betur fer átti ég afturkvæmt, því
mér finnst alltaf jafn gaman að koma hing-
að,“ segir norski danshöfundurinn Jo Strøm-
gren þegar blaðamaður nær tali af honum í
stuttu stoppi hans á landinu rúmum mánuði
fyrir frumsýningu. Strømgren er heims-
þekktur danshöfundur sem einnig starfar
sem leikskáld og leikstjóri. Hann hefur unn-
ið með fjölda dansflokka og verk hans verið
sýnd í yfir fimmtíu löndum víðs vegar um
heiminn.
Nýjasta uppsetning hans er Sentimental
again sem Íslenski dansflokkurinn frumsýnir
á Stóra sviði Borgarleikhússins föstudaginn
11. október nk. Strømgren hefur unnið með
Íd áður því hann samdi m.a. Kraak 1 og
Kraak 2 fyrir flokkinn árið 2001 og Grímu-
verðlaunaverkið Kvart árið 2008. Auk þess
samdi hann og leikstýrði dansleikhúsverkinu
Ræðismannaskrifstofunni fyrir Leikfélag
Reykjavíkur árið 2007.
Aðspurður um Sentimental again segist
Strømgren í verkinu vinna markvisst með
tilfinningasemina. „Nú á tímum er fólk svo
hrætt við hvers kyns tilfinningasemi og þess
vegna langar mig til þess að skoða þetta
fyrirbæri nánar án þess að menn fari hjá
sér. Fólk grætur vissulega yfir bíómyndum,
en aðeins í laumi og flýtir sér að þurrka tár-
in áður en ljósin kvikna og vill ekki kannast
við tilfinningar sínar,“ segir Strømgren.
Spurður hvort markmið hans sé að græta
áhorfendur Íd hlær Strømgren dátt og svar-
ar svo: „Nei, það er ekki markmiðið í sjálfu
sér, en hver veit hvað gerist. Maður veit
aldrei yfir hverju fólk grætur.“
Hugsandi flytjendur
áhugaverðari
Inntur eftir því hvort nýjasta dansverk hans
sé tæknilega krefjandi fyrir dansara Íd seg-
ist Strømgren frekar vilja orða það sem svo
að það taki á tilfinningalega. „Í fyrri sýn-
ingum mínum hjá Íd hefur ríkt mikill hraði
og verkin verið mjög tæknilega krefjandi
líkamlega. Segja má að ég sé að leita á ný
mið núna, því að þessu sinni geri ég mun
meiri kröfur til dansaranna tilfinningalega.“
Sem fyrr segir hefur Strømgren starfað
sem leikstjóri á seinustu árum við góðan
orðstír og því liggur beint við að spyrja
hvort hann nýti sér reynslu sína úr leikhús-
inu þegar kemur að því að semja dansverk.
„Já, í þeim skilningi að ég krefst þess að
dansarar mínir deili tilfinningum sínum.
Reynslan hefur jafnframt kennt mér að öll
sviðslist verður betri ef flytjandinn er hugs-
andi vera, þ.e. áhorfendur þurfa að finna að
hreyfingin, tóninn eða orðin séu flutt af ein-
hverri ástæðu en ekki aðeins af gömlum
vana. Í nútímadansi er sjaldan gerð sú krafa
til flytjenda að þeir sýni hugsun að baki
hreyfingunni og persónulega finnst mér slík-
ur dans leiðinlegur. Ég gæti þess þó vand-
lega að dansverk mín verði ekki of leik-
húsleg því ég vil halda þeim aðskildum frá
dansleikhúsverkum mínum,“ segir Strøm-
gren og leggur ríka áherslu á að dans sé
ekki leiklist. Í framhaldi af þessu liggur
beint við að spyrja Strømgren hvort honum
finnist nauðsynlegt að dansverk miðli skýrri
sögu. „Í dag er ekki í tísku að nútímadans-
verk miðli skýrri sögu. Mér finnst spennandi
að fylgja ekki tískunni og leyfi mér óhikað
að vera gamaldags og trúr sjálfum mér.
Með því að vera ekki svalur verð ég flott-
ur,“ segir Strømgren og hlær
JO STRØMGREN SEMUR FYRIR ÍD
Ekki ætlunin
að græta fólk
NORSKI DANSHÖFUNDURINN JO STRØMGREN VINNUR MARKVISST MEÐ
TILFINNINGASEMINA Í NÝJASTA DANSVERKI SÍNU, SENTIMENTAL AGAIN,
SEM ÍSLENSKI DANSFLOKKURINN FRUMSÝNIR NK. FÖSTUDAG.
Silja Björk Huldudóttir silja@mbl.is
„Í dag er ekki í tísku að nútímadansverk
miðli skýrri sögu. Mér finnst spennandi að
fylgja ekki tískunni og leyfi mér óhikað að
vera gamaldags og trúr sjálfum mér,“ segir
danshöfundurinn Jo Strømgren.