Morgunblaðið - Sunnudagur - 06.10.2013, Qupperneq 24

S
kiltamálun Reykjavíkur er alíslenskt fyrirtæki með
þau markmið að leiðarljósi að brúa bilið milli list-
ar og iðnaðar. Fyrirtækið sérhæfir sig í að mála
veggmyndir og taka að sér verk eftir ýmsa lista-
menn og hönnuði sem vilja persónulega nálgun á verk
sín. Fyrirtækið samanstendur af málurum, grafískum
hönnuðum, myndlistarmönnum og verkfræðingi. „Oft vilja
þessar greinar skarast en þá nýtur skiltamálunin góðs af
þessu þverfaglega teymi og þannig getum við vissulega
hannað jafnvel og við getum málað, það fer í raun allt
eftir eðli hvers verkefnis,“ segja mennirnir á bak við
Skiltamálun Reykjavíkur, þeir Daníel Þorkelsson, Narfi
Þorsteinsson, Ingi Kristján Sigurmarsson, Brynjar
Andrésson, Stefán Óli Baldursson, Björn Loki Björnsson,
Jón Páll Halldórsson og Adrian Rodriguez, sem allir
kynntust í gegnum vegglistina.
Skiltamálun Reykjavíkur var stofnuð í því augnamiði að
koma á skiltamálun sem jafnaðist á við þá iðngrein er-
lendis.
Persónulegt samband við viðskiptavininn skiptir
miklu máli og að hann bæði fylgist með og skilji
ferlið. Markaðurinn fer sífellt vaxandi. Skiltamálun
var þekkt iðngrein hér á árum áður en þá var mun
meiri áhersla lög á praktíkina en fagurfræðina.
Skiltamálararnir leggja upp úr að vinna verk sín af
tilfinningu, en fínhreyfingarnar og alúðin sem þeir
sýna hverri línu hafa miklu sterkari útgeislun og
sál en stafrænt dúkaprent sem hverfur í fjöldann.
Verkin taka yfirleitt nokkra daga og segja þeir
félagar hjá skiltamáluninni vinnuna sjálfa ein-
kennast af löngum nóttum, kuldagöllum og mikilli
kaffidrykkju. Ferlið veki þó ekki síður athygli en
lokaútkoman. Skiltamálun Reykjavíkur hefur
unnið meðal annars með listamönnunum Sigga
Eggertssyni fyrir Hönnunarmiðstöð, Söru Riel,
Rán Flygenring, Munda og að matvagni fyrir Prikið.
Eftir að hafa málað sameiginlega veggi í mörg ár þar sem að allir máluðu sitt eigið, byrjuðu stofnendur Skiltamálunar Reykjavíkur að
vinna að því að sameina stílbragðið og setja meiri heild í veggverkin. Verkin urðu þar af leiðandi stærri og skemmtilegri fyrir vikið.
Prikið Matvagn var málaður af Skiltamálun Reykjavíkur.
Veggverk Ránar Flyering við Óðinstorg var partur af verkefni
Reykjavíkurborgar „Biðsvæði“.
MANNLEGT HANDBRAGÐ
LJÆR VERKINU SÁL OG PERSÓNULEIKA
Brúa bilið
milli listar
og iðnaðar
SKIPULÖGÐ VEGGJALIST, SEM PRÝÐIR
HÚSGAFLA HÉR OG HVAR Í REYKJAVÍK,
HEFUR RUTT SÉR TIL RÚMS UNDANFARIÐ.
FYRIRTÆKIÐ SKILTAMÁLUN REYKJAVÍKUR
VAR SETT Á LAGGIRNAR MEÐ ÞAÐ MARKMIÐ
AÐ SETJA UPP VEGGVERK LISTAMANNA
MEÐ PERSÓNULEGRI NÁLGUN OG
FALLEGU HANDBRAGÐI.
Sigurborg Selma Karlsdóttir sigurborg@mbl.is
Narfi Þorsteinson
hannaði útlit fyrirtækisins,
en það var partur af
útskriftarverkefni hans
úr Grafískri hönnun við
Listaháskóla Íslands.
Verk í vinnslu. Siggi Eggerts
hannaði verkið sem prýðir húsgafl
Hönnunarmiðstöðvar Íslands.
*Heimili og hönnunGlæsilegur nýr veitingastaður The Coocoo’s Nest var opnaður fyrr í vikunni »26