Morgunblaðið - Sunnudagur - 06.10.2013, Qupperneq 56

56 MORGUNBLAÐIÐ SUNNUDAGUR 6.10. 2013
BÓK VIKUNNAR Ljóðabókin Blóðhófnir eftir Gerði
Kristnýju er komin út í kilju, en þessi frábæra ljóðabók
hlaut Íslensku bókmenntaverðlaunin á sínum tíma.
Bækur
KOLBRÚN BERGÞÓRSDÓTTIR
kolbrun@mbl.is
Hin fræga bók Stephen King, TheShining, var þriðja bók höfundar,kom út árið 1977 og vakti heims-
athygli. Það jók enn á frægð bókarinnar
þegar Stanley Kubrick gerði frábæra
kvikmynd eftir henni þar sem Jack Nic-
holson var sérlega ógnvekjandi í hlut-
verki föður sem missir vitið og reynir að
myrða eiginkonu sína og skyggnan son.
The Shining
kallaði ekki á
framhaldsbók,
en nú 36 árum
eftir útkomu
þeirrar bókar
sendir King frá
sér Dr. Sleep en
þar er litli
drengurinn úr
The Shining,
Dan Torrance,
orðinn fullorð-
inn maður.
Hann hefur átt
erfða ævi, þar á meðal glímt við alkóhól-
isma sem rændi hann um tíma siðferð-
iskenndinni. Þegar hann kynnist hinni
skyggnu Öbru breytist líf hans og hann
hefur eitthvað til að lifa fyrir. Illar verur
ásækja Öbru og Dan vill verja hana. Í ljós
kemur að þau Abra tengjast á óvæntan
hátt.
Samanburður milli The Shining og Dr.
Sleep er óhjákvæmilegur, því sú seinni er
beint framhald þeirrar fyrri. King segir í
eftirmála bókarinnar að maðurinn sem
skrifaði Dr. Sleep sé allt annar maður en
velviljaði alkóhólistinn sem skrifaði The
Shining. Áfengissýki og mikilvægi AA-
samtakanna er reyndar mjög sterkt um-
fjöllunarefni í Dr. Sleep. Þar liggur King
mikið á hjarta og á köflum verður predik-
un hans um böl áfengissýkinnar og frels-
unarmátt AA-samtakanna ögn þreytandi.
Dr. Sleep ætti þó ekki að valda aðdáend-
um Stephen King vonbrigðum, en bókin
jafnast samt engan veginn á við The
Shining. King getur þó verið sáttur við
útkomuna því þessi nýja bók hans hefur
fengið góða dóma í stórblöðum á borð við
New York Times og Sunday Times. Bók-
in er vitanlega komin í íslenskar bóka-
verslanir.
Annar þekktur
höfundur hefur
einnig eftir langa
bið skrifað bók um
þekkta sögu-
persónu sína. Hel-
en Fielding hefur
sent frá sér þriðju
bók sína um Brid-
get Jones og kom-
ið lesendum sínum
verulegt uppnám
með því að gera
þessa söguhetju
sína að ekkju. Hvað átti Fielding svo sem
að gera? Það er erfitt að skrifa við-
burðaríka bók um söguhetju í ham-
ingjusömu hjónabandi. Bókin kemur út
erlendis á allra næstu dögum og er vita-
skuld væntanleg í íslenskar bókabúðir
innan tíðar.
Orðanna hljóðan
DAN
HITTIR
ÖBRU
Stephen King hefur
skrifað framhald af
The Shining.
Nýjasta bókin um
Bridget Jones.
Strokubörnin á Skuggaskeri er ný bókeftir Sigrúnu Eldjárn, en hún er einnvinsælasti barnabókahöfundur lands-
ins. Spurð um efni bókarinnar segir Sigrún:
„Þessi nýja bók er um krakka sem eiga
heima í dal sem heitir Fagridalur. Áin Silfra
rennur eftir miðjum dalnum og tvö þorp eru
sitthvorumegin við ána. Allir eru góðir vinir
þangað til það kvisast út að í hólma sem er í
miðri ánni sé dýrmætur málmur. Þá fer fólk-
ið í þorpunum tveimur að þrefa um það
hvoru þorpanna hólminn tilheyri og þar með
auðlindin. Ástandið verður æ erfiðara og end-
ar með því að barist er um hólmann. Þessi
átök verða smám saman óbærileg fyrir systk-
inin Hring og Línu sem ákveða að taka til
sinna ráða. Þau smíða sér bát og stinga af
um miðja nótt ásamt litlu systrum sínum
tveimur. Þau stefna á drungalegt sker þó
nokkuð úti fyrir landi. Þar reyna þau að
skapa sér nýja tilveru og hitta um síðir tvö
önnur börn sem eru frá hinu þorpinu í daln-
um þeirra. Það reynir á samskiptin og ýmis-
legt spennandi gerist á Skuggaskeri, ekki síst
þar sem þar býr náungi fyrir sem krakkarnir
höfðu ekki hugmynd um.“
Er þetta saga um mikilvægi þess að lifa í
sátt og samlyndi?
„Ætli allar sögur mínar fjalli ekki meira og
minna um nauðsyn þess að lifa í sátt og sam-
lyndi. Annars skrifa ég yfirleitt ekki mark-
visst út frá ákveðnum boðskap. En hann
laumast kannski inn svona hér og þar.“
Sigrún hefur gert nokkuð af því að skrifa
framhaldsbækur og spurð hvort Strokubörn-
in á Skuggaskeri sé fyrsta bókin í bókaflokki
eða muni standa ein sér segir hún: „Ég hef
skrifað nokkra þríleiki og þá lýst því yfir fyr-
irfram að bækurnar myndu verða þrjár en nú
ætla ég bara að sjá til hvort ég vilji láta
þessar sögupersónur mínar gera eitthvað
fleira. Bókin endar óvart þannig að hún býð-
ur upp á framhald þannig að mér finnst lík-
legt að bækurnar verði fleiri. Ég er líka orðin
nokkuð tengd krökkunum í þessari sögu
þannig að það er freistandi að leyfa þeim að
lifa lengur. Við skulum sjá hvað setur!“
Sigrún, sem er bæði rithöfundur og mynd-
listarmaður, gerir að sjálfsögðu myndirnar
sem prýða bókina. „Það er fjöldinn allur af
myndum í þessari bók eins og í öllum mínum
bókum. Mér finnst myndirnar skipta nánast
jafnmiklu máli og textinn,“ segir hún.
Skrifarðu textann fyrst og gerir svo mynd-
irnar eða vinnurðu texta og myndir nokkuð
samhliða?
„Ef ég er að skrifa um nýjar persónur
byrja ég oftast á því að rissa upp persónur á
blað og reyni að átta mig á þeim og hvað
þær vilja upp á dekk. Þegar ég er að skrifa
sé ég fyrir mér myndir. Ég á erfitt með að
greina þarna á milli því myndlistin og skrifin
hafa alltaf verið svo samtvinnuð hjá mér. En
þegar ég er nokkurn veginn búin að vinna
textann fer ég að vinna í myndunum fyrir al-
vöru. Svo getur jafnvel eitthvað breyst í text-
anum þegar ég er í miðju kafi í myndunum.
Þannig að allt vinnur þetta saman.“
Bækur Sigrúnar eru víðlesnar og um vin-
sældir þeirra segir Sigrún: „Ég er mjög
hress með lesendur mína og ég sé á útláns-
tölum frá bókasöfnum að bækurnar halda
sínu striki. Ég er líka glöð og ánægð með að
vera með nóg af hugmyndum að fleiri bókum.
Ég mun halda áfram að semja bækur þar til
ég dett niður dauð, sem ég vona að verði
ekki alveg á næstunni!“
ÆTLAR AÐ HALDA ÁFRAM AÐ SKRIFA BÆKUR ÞAR TIL HÚN DETTUR NIÐUR DAUÐ
Börn og ný tilvera
„Ég er líka glöð og ánægð með að vera með nóg af hugmyndum að fleiri bókum,“ segir Sigrún Eld-
járn sem hér sést fletta nýrri bók sinni um systkinin Hring og Línu sem ákveða að taka til sinna ráða.
Morgunblaðið/Golli
SIGRÚN ELDJÁRN HEFUR
SENT FRÁ SÉR NÝJA BARNABÓK,
STROKUBÖRNIN Á SKUGGASKERI.
HÚN SEGIR BÓKINA BJÓÐA
UPP Á FRAMHALD.
Síðasta skáldsaga sem ég greip og las upp til
agna var bókin Korter, fyrsta skáldsaga Sól-
veigar Jónsdóttur. Tíminn leið svo hratt,
svona rétt eins og korter. Skemmtileg bók sem
margir myndu flokka til „Chick lit“ eða skvísu-
bóka. Mér finnst hún hafa breiðari skírskotun.
Korter kom út í fyrra og ég fagnaði mikið
þegar ég sá að Sólveig var þá þegar hálfnuð með
næstu sögu sína – áfram Sólveig. Líka fréttum af
því að Korter yrði að kvikmynd; sem enn hefur
ekki sést.
En korterin sem ég leyfi mér að eyða í bækur eru fá og flestöll eftir
að ég hef slökkt á tölvunni, búin að vafra um netið fyrir nóttina. Ég er
svo gott sem hætt að lesa skáldsögur, les heldur eitthvað sem nýtist
mér þá stundina.
Um þessar mundir er það The Power of Now: A Guide to
Spiritual Enlightenment eftir Eckhart Tolle. Mögnuð bók þótt
ég sé strönduð í henni miðri. Tvær milljónir eintaka seldar, þýdd á yf-
ir þrjátíu tungumál. Og skilaboðin: Hættu að hugsa svona mikið, hug-
urinn flækist fyrir þér og kemur í veg fyrir að þú njótir núsins.
Ég dregst að bókum um hin ýmsu andlegu efni og féll því fyrir Bók-
inni um Biblíuna á bókaútsölu bæjarins, þótt ég hafi nú ekki lesið
Biblíuna sjálfa svo nokkru nemi. Bókin hvílir nú á náttborðinu og ég
gríp stundum í hana á kvöldin eftir að tölvan er komin undir rúmið.
Þá les ég smá um það sem stendur í Biblíunni, hver skrifaði og hvenær
og steinsofna.
Í UPPÁHALDI
GUNNHILDUR ARNA
GUNNARSDÓTTIR
UPPLÝSINGAFULLTRÚI
Gunnhildur Arna dregst að bókum um hin ýmsu andlegu efni.
Morgunblaðið/Golli
Sólveig Jónsdóttir