Morgunblaðið - Sunnudagur - 20.10.2013, Blaðsíða 8

8 MORGUNBLAÐIÐ SUNNUDAGUR 20.10. 2013
Ætli flest okkar hafi ekki setið fundi eðanámskeið þar sem okkur er kennt aðsjá aðeins það jákvæða í öllum að-
stæðum? Það sé ekki til sú deila að báðir máls-
aðilar geti ekki fundið einhvern ávinning í nið-
urstöðu sem þeir komist að í sameiningu –þar
sem báðir aðilar og helst allir vinni – win win,
eins og það heitir á glærunum.
Síðan eru það hinir framtakssömu, sem ganga
enn lengra og fara í háskóla – oft á fullorðins-
aldri – til að gerast sérfræðingar í jákvæðni og
win win-hugmyndafræði – og fá gráðu því til
staðfestingar. Á þessum háskólakúrsum lærir
fólk, að sögn, að hugsa „út fyrir boxið“, sjá bara
verkefni, engin vandamál, eins og það heitir. Og
í pólitíkinni læra menn í framhaldinu af öllu
þessu að vera lausnamiðaðir og gera alltaf það
besta mögulega úr öllu góðu. Helst eigi að af-
nema átakastjórnmál, kannski stjórnmál alveg
enda séu þau leiðinleg og niðurdrepandi. Ef
stjórnmálamenn aðeins settust niður og spjöll-
uðu saman yfir góðum kaffibolla þá yrði allt
gott.
Í sjálfu sér er þetta allt mjög jákvætt og gott
og aðdáunarvert þótt ég neiti því ekki að stund-
um hefur mér þótt þessi yfirþyrmandi lausna-
miðaða jákvæðni fyrir utan boxið geta keyrt um
þverbak. Það er vegna hins hola hljóms sem iðu-
lega má greina í öllu win win-talinu, ekki síst í
stjórnmálum. Stundum vill maður nefnilega fá
að vita afdráttarlaust hvað það er sem stjórn-
málamenn standa fyrir og að þeir séu tilbúnir að
berjast fyrir tiltekin málefni, inni í boxinu ef því
er að skipta, ekkert fljótandi eða sérstaklega
lausnamiðað win win fyrir gagnaðilann ef hann
er með slæman málstað. Maður vill fá að vita
hvort stjórnmálamaður er tilbúinn að standa og
ekki síður falla með málstað sínum. Vissulega
vill maður að hann sé laus við kreddu og vana-
hugsun og temji sér víðsýni, en aldrei til að
svíkja grunngildin.
Alltaf þarf að spyrja um þau: Vill stjórn-
málamaðurinn að markaðurinn leysi allan vanda,
jafnvel þótt það kosti ójöfnuð? – þess vegna sé í
lagi að draga úr félagslegri aðstoð eins og Ás-
laug Friðriksdóttir, Sjálfstæðisflokki talar nú
opinskátt fyrir. Allt hreint og beint hjá Áslaugu!
Eða er stjórnmálamaðurinn að berjast fyrir úti-
gangsmenn og fyrir kjarajöfnuði og tekjulítið
fólk á leigumarkaði? Það gerir Þorleifur Gunn-
laugsson, varaborgarfulltrúi VG . Hann hefur
verið nánast einn um að tala máli þessa fólks.
Hann hefur sagt hátt og snjallt við stjórnendur
Reykjavíkurborgar, að þeir standi sig ekki í að
auka framboð á félagslegu húsnæði. Hann er
virðingarvert dæmi um stjórnmálamann sem
aldrei veigrar sér við að taka þátt í átakastjórn-
málum, í baráttu fyrir hönd þeirra sem troðið er
á.
Til eftirbreytni er allt það fólk sem talar
hreint út og kappkostar að vera málefnalegt,
segja samherjum til syndanna, ekki síður en
andstæðingum. Þar nefni ég Guðmund Magn-
ússon, formann Öryrkjabandalags Íslands, sem
hefur sýnt í verkum sínum hvað það er að vera
góður forystumaður í mikilvægum samtökum.
Með öðrum orðum, við þurfum víðsýnt fólk og
samstarfsfúst, ekki þröngt og lokað. En framar
öllu baráttufólk sem er sjálfu sér samkvæmt
þótt það kunni að koma því sjálfu illa þegar
vindarnir eru mótdrægir.
Það fólk sem breytir samfélaginu er ekki
endilega sigurvegarar augnabliksins heldur – og
ekki síður – hin sem þrauka með vindinn í fang-
ið. Stjórnmálabarátta er barátta um tíðarand-
ann, hvernig samfélagið hugsar og hver mörk
það setur stjórnmálamönnum hverju sinni. Þá
baráttu vinnur enginn endanlega en betra er að
vita hvert maður er að halda í þeim eilífa slag.
WIN WIN?
ÚR ÓLÍKUM ÁTTUM
Ögmundur Jónasson
ogmundur@althingi.is
Á borgarstjórnarfundi hugsaði
Hildur Sverr-
isdóttir borg-
arfulltrúi sér gott
til glóðarinnar
þar sem hún sá
að konur væru
þar í meirihluta.
„Mætt á borgarstjórnarfund og
var að fatta að með innkomu
minni í borgarstjórn eru konur
nú meirihluti borgarfulltrúa. Bylt-
ing á eftir girls?“ skrifaði hún í
stöðufærslu á Fésbókinni og
merkti þar inn samstarfskonur
sínar þær Áslaugu Friðriksdóttur,
Elsu Yeoman, Sóleyju Tóm-
asdóttur, Oddnýju Sturludóttur,
Þorbjörgu Helgu Vigfúsdóttur,
Evu Einarsdóttur og Björk Vil-
helmsdóttur.
Eins og mörgum er kunnugt
var Google-bíllinn hér á landi fyr-
ir stuttu að taka myndir fyrir síð-
una Google
Street View þar
sem hægt er að
skoða götur og
umhverfi í nær-
mynd.
Margrét Erla Maack stendur
hins vegar á gati þar sem mikil
sól er á myndunum. „Hvenær var
gúglíbíllinn eiginlega á landinu?
Það virðist vera svo nice veður á
þessum myndum.“ Enda var sum-
arið ekki upp á marga fiska.
Ólafur Darri Ólafsson leik-
ari tók skref áfram í tækninni og
skráði sig á samfélagsmiðilinn
Twitter. „Kæru vinir, ef þið eruð
á Twitter þá ætla ég að prófa það
olafur darri @olafurdarri …“
Nokkrir fésbókarvinir hans höfðu
áhyggjur af þessu
þar sem þeir
ættu nú þegar
fullt í fangi með
að fylgjast með
Fésbókinni.
Guðmundur Jörundsson
fatahönnuður er mikill smekk-
maður enda einn af fremstu
hönnuðum hér á landi. Hann er
þó lítt hrifinn af landsliðsbún-
ingnum í fótbolta. „Mikið vona ég
að þessum landsliðsbúningi verði
fargað, komumst við til Brasilíu.“
Í athugasemdum segist hann vera
búinn að hanna nýjan búning.
Ætli menn fari að ræða málin?
AF NETINU
Á uppboðsvefnum eBay er hægt
að kaupa ýmsan varning tengdan
Ólympíuleikunum. Alvöru verð-
launapeningar, eins og silfur-
medalían í handbolta sem komst í
fréttirnar í vikunni, eru þó sjald-
séðir. Þó er hægt að ná sér í svo-
kallaðar þátttökumedalíur frá
ýmsum tímum, en það eru pen-
ingar sem allir þátttakendur leik-
anna fá. Þá ganga borðar af verð-
launapeningum og kassar undan
þeim kaupum og sölum á upp-
boðsvefnum. Meðal eigulegustu
muna sem boðnir eru upp þessa
dagana á eBay er þó líklega
kyndillinn frá leikunum í Berlín
1936. Fullyrðir seljandinn að um
upprunalegan kyndil sé að ræða.
Boðnar hafa verið 720
þúsund krónur í kyndil-
inn frá 1936, eða rúmur
þriðjungur þess sem
sagt var að fengist fyrir
silfurmedalíuna góðu.
EPA
Ólympíukyndill til sölu
Í vikunni var sagt frá því á mbl.is að íslenski
sönghópurinn Árstíðir hefði vakið athygli breska
dagblaðsins The Telegraph en á vefsíðu blaðsins
birtist myndband af hópnum að syngja sálminn
Heyr himna smiður á lestarstöð í Þýskalandi og í
kjölfarið birtist einnig frétt um tónlistaratriðið á
vef Huffington Post. Var þess getið þar hve sér-
staklega fallegur sálmurinn væri.
Nú aðeins fjórum dögum síðar hafa hvorki
meira né minna en 600.000 manns hlustað á hinn
aldagamla sálm, meira en hálf milljón manna.
Meðlimir Árstíða eru Daníel Auðunsson, Gunnar
Már Jakobsson, Ragnar Ólafsson, Hallgrímur
Jónas Jensson, Jón Elísson og Karl James
Pestka.
Hálf milljón
hlustað
Hljómsveitin Árstíðir á Kex hosteli á dögunum.
Morgunblaðið/Ómar
Vettvangur