Morgunblaðið - Sunnudagur - 20.10.2013, Blaðsíða 16

Mannlífið í milljónaborginni Shanghai er oft skrautlegt og skemmti-
legt. Ef manni leiðist er nóg að skreppa út út húsi því alltaf er eitt-
hvað nýtt að sjá.
Hér höfum við fjölskyldan búið í þrjú lærdómsrík ár og haft tæki-
færi til að kynnast landi og þjóð. Hlutirnir eru afar ólíkir því sem við
eigum að venjast, þótt Shanghai sé að mörgu leyti alþjóðleg borg.
Andstæðurnar blasa við alls staðar, mikil fátækt og ótrúlegt ríkidæmi.
Á götunum sér maður heilu fjölskyldurnar saman á einu hrörlegu
mótorhjóli en jafnframt sportbíla af fínustu gerð. Dýrar merkjabúðir
spretta upp eins og gorkúlur en frumstæðir markaðir eru aldrei langt
undan. Til gamans má nefna að við Elsa Ævarsdóttir bloggum reglu-
lega um Kína á slóðinni www.medkvedjufrakina.wordpress.com.
Endilega lítið við. Kveðja Sigríður Sigurðardóttir
Sigríður og fjölskylda á Kínamúrnum. Í þrjú ár hafa þau nú búið í
Shanghai þar sem lífið er um margt ólíkt því sem maður á að venjast.
Haldið upp á dag Sameinuðu þjóð-
anna í alþjóðlegum skóla sonanna.
Andstæðir heimar í Shanghai
Önnur hæsta bygging í heimi að
rísa. Sjá nánar á bloggsíðunni.
PÓSTKORT F
RÁ KÍNA
H
vort sem maður er aðdáandi Winstons
Churchills, Downton Abbey, áhugamaður
um arkitektúr, sögu, mat eða annað, ættu
allir að geta nært andann utan við borgar-
mörk Lundúna rétt eins og innan þeirra. Eftirtaldar
hallir og herrasetur eiga það öll sameiginlegt að vera í
aðeins um klukkustundar fjarlægð frá borginni með lest
og því tilvalin til að sækja heim í dagstund eða lengur:
Highclere Castle - Sögusvið þáttanna um hefð-
arsetrið Downton Abbey stendur skammt frá bænum
Newbury í Berkshire. Frá því þættirnir um Crawley-
fjölskylduna og hjú hennar hófu göngu sína hefur að-
sókn að kastalanum aukist til mikilla muna. Vinsæld-
irnar gerðu m.a. að verkum að núverandi eigendur, 8.
hertogahjónin af Carnavon, gátu ráðist í kostnaðar-
samar endurbætur á þessu 50 herbergja herrasetri og
hafið það til fyrri vegs og virðingar. Fágætt safn
egypskra muna er m.a. að finna í kjallaranum en 5.
hertoginn af Carnavon stuðlaði m.a. að fundi grafhvelf-
ingar Tutankhamun faraós í upphafi 20. aldarinnar.
Vissara er að bóka miða í kastalann með góðum fyr-
irvara nú til dags enda er hann opinn í takmarkaðan
tíma og eftirspurnin mikil. Sjá nánar: www.hig-
hclerecastle.co.uk/index.html.
Blenheim Palace - Bústaður Spencer-Churchill-
fjölskyldunnar, eða Marlborough-hertogaættarinnar,
stendur við bæinn Woodstock, nærri háskólabænum
Oxford. Höllin er á heimsminjaskrá UNESCO og þykir
að jafnaði í röðum fegurstu bygginga Bretlands. Göngu-
ferð um garðana á feiknastórri landareigninni svíkur
heldur ekki. Hér fæddist Winston Churchill og eru hon-
um gerð góð skil á sýningu tileinkaðri sögu hallarinnar.
Samskipti frænda hans, 9. hertogans af Marlborough,
og fyrri eiginkonu hans, af ætt hinna bandarísku Van-
derbildt-iðnjöfra, eru ekki síður áhugaverð. Það hjóna-
band kom t.d. í veg fyrir að illa færi
fyrir ættaróðali verðandi forsætisráð-
herrans á sínum tíma. Sjá nánar:
www.blenheimpalace.com/.
Hampton Court - Fyrrum bústaður
Hinriks VIII., og að margra mati eft-
irlætishöll hans, tilheyrir Richmond í
Middlesex. Í höllinni kennir ýmissa
grasa, m.a. er þar hægt að kynna sér
matarhefðir Tudor-tímans í þaula auk
sögu hins sex-kvænta upphafsmanns
ensku biskupakirkjunnar. Völundarhús í
hallargarðinum er sívinsælt hjá jafnt
ungum sem öldnum en það rekur sögu
sína allt aftur til 17. aldar. Einnig er
forláta tennisvöll að finna á landareign-
inni, einn þann fyrsta sinnar tegundar
sem hefur varðveist. Sjá nánar:
www.hrp.org.uk/HamptonCourtPalace/.
Royal Pavilion / Brighton Pavilion -
Höllin í strandbænum Brighton er um
margt ólík fyrrnefndum byggingum. Að
utan minnir hún einna helst á musteri
úr „Þúsund og einni nótt“. Að innan
kennir hins vegar áhrifa enn víðar að.
Arkitektinn þekkti, John Nash, sá upp-
haflega um hönnun þessa sumardval-
arstaðar þáverandi krónprins Breta,
Georgs (síðar IV.), undir lok 18. aldar.
Höllin nýttist síðar m.a. sem spítali fyrir
indverska hermenn sem börðust fyrir breska heims-
veldið í fyrri heimsstyrjöldinni. Í dag er þar m.a. að
finna veglegt safn kínverskra muna, bókasafn og margt
fleira. Sjá nánar: www.brighton-hove-rpml.org.uk/
Pages/home.aspx.
STEINSNAR FRÁ LUNDÚNUM
Vinsælar hallir og
herrasetur
LUNDÚNIR ERU VINSÆLL ÁFANGASTAÐUR LANDANS. HAFI FÓLK ÞAR AUKADAG ER EKKI
ÚR VEGI AÐ BRJÓTA UPP BORGARFERÐINA OG SÆKJA EINHVER AF EFTIRTÖLDUM, SÖGU-
FRÆGUM HÍBÝLUM HEIM. ENDA NÆR EN MARGAN GRUNAR.
Gunnhildur Ásta Guðmundsdóttir gunnhildur@mbl.is
Sami arkitekt teiknaði Royal Pavilion
í Brighton og Buckingham-höll.
Í um sex mánuði á ári tekur Down-
ton Abbey yfir Highclere Castle.
Hampton Court var að margra sögn eftirlætishöll Hinriks VIII. Í dag er hún
vinsæll áningarstaður ferðamanna sem og Englendinga sjálfra á frídögum.
Churchill fæddist í Blenheim Palace, á heimili frænda síns. Enn í dag býr sama
ætt hluta ársins í álmu í höllinni, nú 11. hertoginn af Marlborough og fjölskylda.
Sir Winston
Churchill
Hinrik VIII.
Maggie Smith í
Downton Abbey
*Ferðalög og flakkSpænska stórborgin Barcelona iðar af mannlífi og býður upp á ótal margt sem heillar augað »18