Morgunblaðið - Sunnudagur - 20.10.2013, Blaðsíða 20

*Heilsa og hreyfingHreyfing skiptir máli fyrir þá sem eru með ADHD. Október er alþjóðlegur vitundarmánuður »22
R
annsóknum á heilsubætandi lífsmynstri, umhverfi og athöfnum fleygir fram.
Hvítvín er þannig samkvæmt breskri rannsókn sem birtist í Telegraph í
vikunni verri kostur en rauðvínið. Er það meðal annars vegna þess að okk-
ur hættir til að drekka meira af því hvíta en rauða og er það liturinn á vín-
inu sem spilar þar mest inn í. Það er gott að vita til þess að við þurfum ekki annað
en að hlæja pínulítið eða fara út að skoða fallega hluti í búðum til að bæta og lengja
lífið. Eða gráta yfir bíómynd og passa að vökva pottaplönturnar okkar.
Hlátur eykur hamingju, styrkir ónæmiskerfið, minnkar verki og skaðleg áhrif streitu. Hlátur getur líka átt í því að koma í veg fyrir
hjartasjúkdóma og er vöðvaslakandi. Fjölmargar rannsóknir hafa verið gerðar á heilsufarslegum ávinningi þess að hlæja, þær nýjustu
eru frá vísindamönnum vestanhafs; við háskólann í Maryland sem rannsökuðu tengsl hjartasjúkdóma og hláturs.
Morgunblaðið/Ernir
Verslunarferðir eru vanmetnir göngutúrar, hvort sem við erum að versla í matinn eða
þramma Laugaveginn eða Kringluna. Þeim sem leiðist hreyfing, gleyma þá leiðindunum og
að þeir séu í raun að hreyfa sig. Sé ætlunin að fara í matvörubúð er ágætt að velja stóra
verslun til að ganga sem lengst og bera svo pokana út á bílastæði. Samkvæmt rannsókn
sem birtist í Journal of Epidemiology and Community Health eru verslunarferðir einkum
mikilvægar fyrir eldra fólk og geta lengt lífið. Þær stuðla að hreyfingu og félagslegum sam-
skiptum og svo er það að gera verðsamanburð góð æfing fyrir einbeitingu og hugann.
Morgunblaðið/KristinnÞótt við liggjum í sófanum eða séum að tala í símann
er ýmislegt hægt að gera í kyrrstöðu.
Ýmsar æfingar krefjast þess ekki að við stöndum upp. Má þar
nefna að rúlla augunum, hreyfa og kreppa fingur og tær til skiptis,
rúlla úlnliðum og ökklum. Í raun eyðir þetta líka hitaeiningum ef fólk er á
höttunum eftir því. Í kyrrstöðu ætti fólk líka að reyna að hætta að tala í símann og lesa
frekar. Rannsókn sem gerð var í háskólanum í Stavanger í Noregi sýnir að fólk sem les mik-
ið er betra til heilsunnar en þeir sem lesa lítið.
HEILSUEFLING FYRIR LETIBLÓÐ
Án fyrirhafnar
og erfiðis
Grátur er ekki síður heilsusamleg iðja
yfir sorglegri bíómynd en hlátur yfir þeirri
fyndnu. Að tárast er gott fyrir heilsuna
samkvæmt rannsókn lífefnafræðinga við St
Paul-Ramsey-læknastofnunina í Minnesota.
Táraflóð framleiðir hormón sem eru
verkjastillandi. Barn sem meiðir sig ætti
því í raun að gráta sem mest. Þá hreinsa
tár augun og vernda. Að lokum losa
nokkur tár streitu og eru slakandi.
Sú ofureinfalda athöfn að kyssast góða nótt
er heilsusamleg, sérstaklega fyrir tannheilsu.
Munnvatnsframleiðsla eykst, örvar munn-
vatnsframleiðslu sem vinnur á móti tann-
sýklum samkvæmt fjölmörgum rannsóknum.
Þegar við kyssumst eykst auk þess fram-
leiðsla hormóna sem gera okkur ham-
ingjusöm og fá okkur til að slaka á, svo sem
endorfíns, dópamíns og serótóníns, og fram-
leiðsla streituhormóna minnkar.
Vísindamenn Geimvísindastofnunar Bandaríkjanna
voru meðal þeirra sem komust fyrst að því á 8.
áratugnum hve mikill heilsufarslegur ávinningur er
af því að eiga pottaplöntur. Tilgangur þeirra
var að hreinsa loftið í geimskutlunum en vita-
skuld virka þær líka í ofurvenjulegum heima-
húsum. Meðal þeirra plantna sem virðast hreinsa
loftið hvað best eru: Aloe-vera plantan, svokölluð
spider plant sem á íslensku kallast veðhlaupari,
gerbera, indíánafjöður, drekatré og fíkus. Auk
þess sem plöntur gera loftið betra sem við önd-
um að okkur hafa breskar rannsóknir sýnt
að plöntuloft minnkar streitu.
ÞAÐ ÞARF EKKI ENDILEGA AÐ HAMAST Í RÆKTINNI EÐA BORÐA
FÆÐUBÓTAREFNI TIL AÐ BÆTA HEILSUNA Á EINN OG ANNAN HÁTT.
Júlía Margrét Alexandersdóttir julia@mbl.is