Morgunblaðið - Sunnudagur - 20.10.2013, Blaðsíða 53

20.10. 2013 MORGUNBLAÐIÐ SUNNUDAGUR 53
Haustsýning Íslenska dans-
flokksins, „Tímar“, er sýnd
í Borgarleikhúsinu á sunnu-
dagskvöld. Rýnir Morgun-
blaðsins hrósaði verki Helenu Jóns-
dóttur, þar sem saga dansflokksins er
sögð í „einstöku dansverki“.
2
Sýningar á nýju Brúðulofti
Þjóðleikhússins fara afar vel
af stað, en rýnir Morgun-
blaðsins gaf metnaðarfullri
sýningu Bernds Ogrodnik, Aladdín,
fimm stjörnur og sagði að þar birtust
töfrar á heimsmælikvarða. Tvær sýn-
ingar eru á ævintýralegu verkinu á
laugardag.
4
Vetrardagskrá Svartra sunnu-
daga í Bíó Paradís hefst á
sunnudagskvöld klukkan 20
með kunnri kvikmynd Davids
Cronenbergs, Videodrome (1983).
Er um að ræða útfærslu hans á áhrif-
unum sem fjölmiðlar geta haft á fólk.
5
Leifur Þorsteinsson, einn
af nestorum íslenskrar ljós-
myndunar undanfarna ára-
tugi, opnar sýningu á ljós-
myndunm í Listhúsi Ófeigs,
Skólavörðustíg 5 klukkan 15 á laug-
ardag. Sýninguna kallar hann „Dreggj-
ar sumarsins“. Myndirnar voru tekn-
ar þar sem ljósmyndarinn gekk um
gróin hverfi borgarinnar.
3
Á tónleikum í Salnum á sunnu-
dagskvöld kl. 20 flytur Krist-
jana Skúladóttir leikkona
lög sem voru vinsæl meðan á
síðari heimsstyrjöldinni stóð og segir
sögur. Lögin urðu m.a. vinsæl með
Marlene Dietrich og Veru Lynn.
MÆLT MEÐ
1
Ný tónleikaröð með ungum söngv-urum, „Eflum ungar raddir“, hefst íKaldalóni í Hörpu á sunnudag kl.
16. Þá kemur Kristín Sveinsdóttir mezzó-
sópran fram ásamt Steinunni Birnu Ragn-
arsdóttur píanóleikara og flytja þær dagskrá
með ljóðasöngvum.
Í tónleikaröðinni, sem styrkt er af nýstofn-
uðum samfélagssjóði verkfræðistofunnar
EFLU, gefst ungum og efnilegum söngv-
urum tækifæri til að koma fram á einsöngs-
tónleikum. Næstu mánuði verða sex tón-
leikar með söngvurum á aldrinum 21 til 28
ára sem voru valdir eftir áheyrnarprufur.
Söngvararnir koma úr ýmsum greinum tón-
listar en valnefndina skipuðu Steinunn
Birna, söngvararnir Kristján Jóhannsson og
Kristjana Stefánsdóttir, og Þórunn Sigurð-
ardóttir, sem er verkefnisstjóri raðarinnar.
Kristín Sveinsdóttir, sem kemur fram á
fyrstu tónleikunum, tekur burtfararpróf við
Söngskólann í Reykjavík í næsta mánuði.
Hún hefur tekið virkan þátt í kórstarfi í
Langholtskirkju og sungið einsöng með kór-
um kirkjunnar. Þá hefur hún komið fram
með Graduale Nobili á tónleikaferð Bjarkar
Guðmundsdóttur víða um lönd.
Kristín segir það ótrúlega ánægjulegt að
hafa verið boðið að koma fram á þessum tón-
leikum. „Það er sjaldan sem söngvarar eru
boðaðir í áheyrnarprufur hér á landi og það
var mjög óvænt. Ég var í vinnunni í Vind-
áshlíð þegar ég fékk boðið og brunaði í bæ-
inn nokkrum dögum seinna og söng fyrir,“
segir hún. „Síðan var ég stödd á tónleikaferð
með Björk í Japan og á afmælisdaginn fék
ég símtal og var boðið að syngja á tónleik-
unum. Það var stórkostleg og eftirminnileg
afmælisgjöf.“
Hún segist hafa hugsað talsvert um það
hvað sig langaði að syngja og ákvað að lok-
um að velja lög eftir eftirlætistónskáld sín í
ljóðasöng. „Mér finnst gaman að syngja á
ólíkum tungumálum og syng ljóð eftir Fauré,
Quilter, Brahms og Verdi, sem dæmi. Það
hvatti mig líka til að halda ljóðatónleika að
síðasta vetur fékk ég Hildigunni Rúnars-
dóttur tónskáld til að semja nýtt lag við ljóð
eftir Steinunni Finnbogadóttur, sem var ljós-
móðir í Bolungarvík. Hún var vinkona og
leikfélagi afa míns, og er dásamlegt ljóð-
skáld.“ Kristín mun frumflytja þetta lag,
„Leitina að gullinu“, á tónleikunum.
Hún lofar samstarfið við Steinunni Birnu.
„Það er mikill heiður að fá að koma fram
með henni. Hún er ótrúlegur tónlistarmaður
og mikill reynslubolti.“
Eftir útskrift í vetur stefnir Kristín að
framhaldsnámi í söng erlendis. „Það er um
að gera að elta slíka drauma ef tækifæri gef-
ast til,“ segir hún. efi@mbl.is
NÝ TÓNLEIKARÖÐ MEÐ UNGUM SÖNGVURUM HEFST Í HÖRPU
Eftirminnileg afmælisgjöf
KRISTÍN SVEINSDÓTTIR ER FYRST
TIL AÐ KOMA FRAM Í NÝRRI TÓN-
LEIKARÖÐ. HÚN FLYTUR SÖNGLÖG
EFTIR SÍN EFTIRLÆTISTÓNSKÁLD.
Kristín Sveinsdóttir lýkur senn brottfararprófi
og stefnir á framhaldsnám í söng. „Það er um
að gera að elta slíka drauma,“ segir hún.
hlutunum þá hljóti það umbun erfiðisins.
Það þarf að hafa fyrir góðum bókmenntum
og listum, það þarf einbeitingu og þolinmæði
að sjá hluti fyrir sér en ekki bara sjá þá.
Sjálfur dái ég netið og möguleika þess. En
netið krefst einskis af okkur vegna þess að
það veit fyrirfram hvað við viljum sjá á yfir-
borðinu og færir okkur það svo á silfurfati.
„You might also like …“ og allt það. Bækur
geta hins vegar dýpkað tilveruna með því að
neyða mann til að horfast í augu við eitthvað
annað en staðfestingar á eigin lífsviðhorfum
og það sem manni finnst auðvelt, þægilegt
og gaman. Þannig sýna þær okkur hvað það
er að vera mennskur.“
„Netið krefst einskis af okkur vegna
þess að það veit fyrirfram hvað við vilj-
um sjá á yfirborðinu og færir okkur það
svo á silfurfati,“ segir Halldór.
Morgunblaðið/Einar Falur